গীতসংহিতা 6:8 - Chakma Bible

⁸ ও বজং কাম্ গুরি বেড়েয়্যে মানুচ্চুন, তুমি বেক্কুনে মঅ কায়-কুরেত্তুন দূর্ ওই যঅ, কিয়া লগেপ্রভু মঅ কানানিগান শুন্যে।

গীতসংহিতা 6:8 ပူးပေါင်းရင်းမြစ်များ

ইয়োব 17:7

মঅ চোগ্‌কুন দুঘে আন্ধার্ ওই এজের্‌; মর্‌ পুরো কিয়্যেগান্‌ ছাবা ধোক্ক্যেন্ ওইয়্যে।

গীতসংহিতা 116:8

ও লগেপ্রভু, তুয়ই মরণত্তুন্ মঅ পরাণান্, চোগো পানিত্তুন মঅ চোগ্‌কুনোরে, আর বিজিদি যেইয়্যে আঢত্তুন্ মঅ টেঙানিরে রোক্ক্যে গোজ্যস্।

গীতসংহিতা 119:115

তুমি যিগুনে বজং কাম গরঅ, তুমি মত্তুন্ সুরিই যঅ, যেনে গোজেনর উগুমান্ মুই পালেই পারং।

গীতসংহিতা 139:19

ও গোজেন, মুই চাং তুই পাজিগুনোরে মারে ফেলা। ও লো চুজি হেইয়্যে মানুচ্চুন্, মত্তুন্ দূর্ ওই যহ্।

গীতসংহিতা 145:18

যিগুনে লগেপ্রভুরে ডাগন্, মনদি ডাগন্, তে তারা কায়-কুরে থায়।

গীতসংহিতা 3:4

মুই রঅ ছাড়িনে লগেপ্রভুরে ডাগং, আর তে মরে তার্ সুদ্ধো-সাংগ মুড়োবোত্তুন্ জোব্ দে।

গীতসংহিতা 31:10

পিড়েলোই মর্ জীংকানিগান গেলঅ, আর ভঅ নিজেস্ ফেলাদে ফেলাদে বয়স্‌ছান গেলঅ; অন্যেয় গরানার কারনে বলান্ কুমি যার্, মর্ আড়ুন লদক্ দদক্ ওইয়োন।

গীতসংহিতা 56:8

মুই যে কয়বার পৌল্যেই পৌল্যেই বেড়েয়োং সে কধা দঅ তুই হবর্ পাজ্; মঅ চোগো পানিলোই তর্ পিলেবো তুই ভুরি নেযা। ইয়েনি বেক্কানি দঅ তঅ বোইবোত্ লেগা আঘে।

যিশাইয় 30:19

ও সিয়োনর মানুচ্চুন্, তুমি যিগুনে যিরূশালেমত্ বজত্তি গরঅ, তমাত্তুন্ আর কানা ন-পুরিবো। সাহায্যত্তে কানিলে তে হামাক্কায় তমারে দোয়্যে গুরিবো। তে শুনোনার্ লগে লগে জোব্ দিবো।

যিশাইয় 38:3

“ও লগেপ্রভু, তুই ইদোত্ তুলি চাহ্, মুই তঅ মুজুঙোত্ কেধোক্ক্যেন্ গুরি বিশ্বেজি আর বেক্ মনান্ দিইনে আঢাউদো গোজ্যং আর তঅ চোগেদি যিয়েন ঠিগ্ সিয়েন গোজ্যং।” ইয়েন কোইনে হিষ্কিয় অমকদ কানাকুদি গরা ধুরিলো।

যিশাইয় 38:5

তুই যেইনে হিষ্কিয়রে কঅ, তার্ পুরোণি মানুচ্ দায়ূদোর গোজেন লগেপ্রভু কোইয়্যেদে, মুই তর্ তবনাগান্ শুন্যং আর তঅ চোগো পানিগান দেখ্যং; মুই তর্ আয়ুগান আরঅ পনর বজর্ বাড়েই দিলুং।

আবিলেচ্ 3:56

তুই মর্ এই কোজোলীগান শুন্যচ্, “সাহায্যত্তে মঅ কানানিগান উগুরে তুই কানানি নাঢি ন-রাগেচ্।”

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মথি লেখ্যে গম্ হবর্ 7:23

সে পরেদি মুই তারারে কোলুং, মুই তমারে কনদিন্অ ন-চিনোং। পাজি মানুচ্চুন! মঅ কায়-কুরেত্তুন তুমি দূর্ অ।

লূকে লেখ্যে গম্ হবর্ 13:27

সেক্কে তে কবঅ, তুমি কুত্তুন্ এচ্চ্য মুই হবর্ ন-পাং। পাজি মানুচ্চুন্, তুমি বেক্কুনে মঅ কায়-কুরেত্তুন যগোই।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।