গীতসংহিতা 6:6 - Chakma Bible

⁶ মুই ফবাদে ফবাদে বল্ পোজ্যে ওই পোজ্যং; সারা রেত্ কানি কানি মুই বিচ্ছোনান্ ভিজেয়োং, চোগো পানিয়ে মঅ খাট্‌‌তান্ ভিজাং।

গীতসংহিতা 6:6 ပူးပေါင်းရင်းမြစ်များ

ইয়োব 10:1

মর্‌ বাঁজি থানাগানই মুই ঘিনাং, সেনত্তে মঅ দুঘোর্‌ কধানি মুই আভাংপাদারি কোম্‌ আর মঅ পরাণর্‌ তিদে অবস্থাত্তুন্‌ কধা কোম্‌।

ইয়োব 16:20

যিবে মঅ পক্ষেদি আঘে তে মর্‌ সমাজ্যে, আর মুই গোজেন ইদু চোগো পানি ফেলাং।

ইয়োব 23:2

এবঅ মঅ কানানিগান দুঘে ভরা; মুই ছত্‌ফদাঙর্, তো গোজেনর গুওর্ আঢ্‌‌তান মঅ উগুরে রোইয়্যে।

ইয়োব 7:3

সেধোক্ক্যেন্‌ গুরিনে মাসর্‌ পর্‌ মাস কুসাৎ মঅ ভাগত্‌ পোজ্যে; মুই রেত্‌কে রেত্‌ বানা দুঘ্‌ পেইয়োং।

গীতসংহিতা 115:17

মরা মানুচ্চুনে দঅ লগেপ্রভুরে বাঈনী ন-গরন্; যিগুনে মরণর অলর্ জাগাত্ লামন তারা বাঈনী ন-গরন্;

গীতসংহিতা 30:10

ও লগেপ্রভু, শুনিচ্, মঅ উগুরে দোয়্যে গর্; ও লগেপ্রভু, তুই মরে সাহায্য গর্।”

গীতসংহিতা 38:9

ও প্রভু, মর্ বেক্ চাওয়া-পাওয়াগানি তর্ জানা আঘে; মর্ লাম্বা ভঅ নিজেচ্চুন তত্তুন্ লুগেই তবার্ নেই।

গীতসংহিতা 39:12

“ও লগেপ্রভু, তুই মর্ তবনাগান শুন; এজাল্ পেবাত্তে মর্ এ কানানিগান তুই শুন্; মর্ চোগো পানিগান দেগিনে তুই অলর্ গুরি ন-থেচ্; কিত্যে মর্ পূরোণি বুড়োবুড়িগুনে যেধোক্ক্যেন্ এলাক্ সেধোক্ক্যেন মুইয়ো পিত্‌থিমীত্ তর্ মুজুঙোত্ পরবাস্যে ধোক্ক্যেন্ আগং।

গীতসংহিতা 42:3

মঅ চোগোর পানিগানই মর্ দিনো-রেদোর খরাগ্ ওইয়্যে; আর ইন্দি মান্‌‌জ্যে মরে বানা কদন্, “কুদু গেলঅ তর্ গোজেনে?”

গীতসংহিতা 69:3

ডাগদে ডাগদে মুই বল্‌পোজ্যে ওইয়োং, মর্ মুয়োপানিগান্ শুগেয়্যে; মর্ গোজেনত্তে চেই থাগদে থাগদে মঅ চোগ্‌কুন ঝাপ্‌সা ওইয়োন।

গীতসংহিতা 88:11

গোর ইদু কি তর্ অমকদ কোচ্‌পানা আর নরগত্ কি তর্ বিশ্বেজর কধা ফগদাং গরা অবঅ?

গীতসংহিতা 88:9

দুঘে মঅ চোগ্‌কুন ফেজেরা ওই যেয়োন্। ও লগেপ্রভু, পত্তিদিন মুই তরে ডাগং; মুই তইদু মঅ আঢ্‌তান বাবেই দুয়োং।

যিশাইয় 38:18

মরণ জাগায়ানে দঅ তরে বাঈনী গুরি ন-পারে, আর মরণানেয়ো তর্ নাঙ্-গিনেদে গান গেই ন-পারে। যিগুনে সে গাঢত্ লামন তারা তর্ এগেমর্ ভর্‌‌পুনঙান আজা গুরি ন-পারন্।

যিরমিয় 14:17

“তুই মানুচ্চুনো ইধু এ কধাগান কঅ, ‘মঅ চোগো পানি ন-থামেইনে দিন-রেদ মঅ চোগ্‌‍‍‍‍কুনোত্তুন উগুরি পোড়োক্, কিত্তে মঅ জাদর্ মানুচ্চুনে অমকদ আঘাত্, চুরমার-গোজ্যে আঘাত্ পেইয়োন।‍

আবিলেচ্ 1:16

সেনত্তে মুই কানঙর্, মঅ চোগ্‌কুন পানিয়ে ভাযি যার্। মরে বুঝেবাত্তে মইদু কনজন নেই, কনজন নেই যে মঅ পরাণান জুড়েই দে। মঅ ঝি-পুয়োগুনে গায় গায় ওই যেইয়োন, কিত্তে শত্রুগুনে জিদি যেইয়োন।”

আবিলেচ্ 1:2

তে রেদোত্ অমকদ কানে, চোগো পানিয়ে তা গালান্ ভিজি যায়। তা লাঙেগুনোত্তুন্ তারে বুঝেবার একজন্‌অ নেই। তা সমাজ্যেগুন বেক্কুনে তা উগুরে কুজুরোমি গোজ্যন্; তারা বেক্কুনে তার শত্রু ওইয়োন্।

আবিলেচ্ 2:11

কানদে কানদে মঅ চোগ্‌কুন চিবে চিবে ওইয়োন, মঅ ভিদিরেয়ো যন্ত্রণা অর্; মঅ মানুচ্চুন ভস্ত ওইয়োন, আর ঝি-পুয়োগুনে আহ্ চিগোন গুরোগুনে শঅরর্ খুলো জাগানিত্ অজ্ঞান ওইনে পড়ি আগন্। সেনত্তে মঅ মনান্ যেন মাদিত্ ঢুলি পোজ্যে।

লূকে লেখ্যে গম্ হবর্ 7:38

পরেদি তে যীশু পিজেদি তা টেঙ কুরে যেইনে থিয়্যেল আর কানি কানি চোগো পানিয়ে তা টেঙান্ ভিজেল। সে পরেদি তে তার্ মাঢাবো চুলানিলোই তা টেঙান্ পুযি দিলো আর তা টেঙ উগুরে চুমিনে সেই আতরান্ ঢালি দিলো।