গীতসংহিতা 6:3 - Chakma Bible

³ আর পরাণানত্ অমকদ দর্‌বুগ্ লাক্যে। ও লগেপ্রভু, আর কয়দিন সেধোক্ক্যেন্ অবঅ?

গীতসংহিতা 6:3 ပူးပေါင်းရင်းမြစ်များ

গীতসংহিতা 22:14

মরে পানি ধোক্ক্যেন্ গুরি ঢালি দিয়্যে ওইয়্যে, মর্ বেক্ আড়র্ জড়াগুন্ খুলি যেইয়োন, মঅ মনান্ মুমো ধোক্ক্যেন্ ওইনে মঅ ভিদিরেদিগান গুলি পড়ের্।

গীতসংহিতা 38:8

মুই বল্‌‌পোজ্যে ওইয়োং, এক্কুবারে ভাঙি পোজ্যং, মন পিড়েলোই মুই সাজুরঙর্।

গীতসংহিতা 42:11

ও মর্ পরাণান, কিত্তেই তুই আজা আরেয়োজ্? কিত্তেই এদক্ ওলোমোত্য ওইয়োজ্? গোজেন উগুরে আজা রাগা, কিয়া মুই আরঅ তার বাঈনী গুরিম; তে মর্ উদ্ধোর্ গুরিয়্যে আর মর্ গোজেন।

গীতসংহিতা 42:5

ও মর্ পরাণান্, কিত্তেই তুই আজা আরেয়োজ্? কিত্তেই এদক্ চোত্‌‌পোত্যে ওইয়োচ্? গোজেন উগুরে আজা রাগা, কিত্যে তেয়ই মরে উদ্ধোর্ গুরিবো; সেনত্তে মুই আরঅ তার বাঈনী গুরিম।

গীতসংহিতা 77:7

প্রভু কি উমরত্যে আমারে ছাড়ি যেইয়্যে? তে কি আমারে আর কনদিন্‌অ মেয়্যে ন-গুরিবো?

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

গীতসংহিতা 90:13

ও লগেপ্রভু, আর কয়দিন? এবেরা তুই ফিরি চাহ্, তর্ চাগরুনো উগুরে তুই মেয়্যে দেগা।

গম্ উপদেজ্ 18:14

অসুগো অক্তত্ মন বলানে মান্‌জ্যরে ধুরি রাগায়, মাত্তর্ ভাঙা মনান্ কন্না সোজ্য গুরি পারে?

যিরমিয় 17:14

ও লগেপ্রভু, মরে গম্ গর, সেক্কে মুই গম্ ওম; মরে উদ্ধোর্ গর্, সেক্কে মুই উদ্ধোর্ পেম, কিত্তে তুয়ই মর্ বাঈনী গুরিবার মানুচ্।‍

মথি লেখ্যে গম্ হবর্ 26:38

তে তারারে কলঅ, “দুঘে যেন মঅ পরাণান্ নিগিলি যার্। তুমি ইয়েনত্ থাগঅ আর মঅ সমারে জাগি থাগঅ।”

লূকে লেখ্যে গম্ হবর্ 18:7

সালে যিগুনে গোজেনরে দিনে-রেদে দাগন্, গোজেনে কি তার্ সেই বেঈ-লোইয়্যে মানুচ্চুনোর্ পক্ষে গম্ বিচের্ ন-গুরিবো? তে কি সিয়েন্ গুরিবাত্তে দেরি গুরিবো?

যোহন 12:27

“মঅ মনান্ ইক্কিনে ওলোজোলো ওইয়্যে। মুই কি এ কধাগান্ কোম্, ‘বাবা, যে সময়বো এচ্চ্যে সে সময়বোত্তুন্ মরে রোক্ষ্যে গর্’? মাত্তর্ ইয়েনত্যে দঅ মুই এ সময়ান সং এচ্চ্যং।