গীতসংহিতা 6:10 - Chakma Bible

¹⁰ মঅ শত্রুগুনে বেক্কুনে লাজত্ পরিবাক্ আর দোরেবাক্; তারা ফিরি যেবাক্, আদিক্ক্যেন্‌গুরি লাজত্ পুরিবাক্।

গীতসংহিতা 6:10 ပူးပေါင်းရင်းမြစ်များ

২ রাজাবলী 20:5

“তুই ফিরি যেইনে মঅ মানুচ্চুনোর্‌ নেতা হিষ্কিয়রে কঅ, তা পূরোণি মানুচ্‌ দায়ূদো গোজেন্‌ লগেপ্রভু এ কধাগান্‌ কোইয়্যেদে, ‘মুই তর্‌ তবনাগান্‌ শুন্যং আর তর্‌ চোগো পানিগান দেখ্যং। মুই তরে গম্‌ গুরিম্‌। ইক্কিনেত্তুন্‌ ধুরি তিন দিন পরেন্দি তুই লগেপ্রভুর ঘরত্‌ যেবে।

ইয়োব 6:29

তুমি নরম্‌ অ, অন্যেয় ন-গোজ্য; আরঅ ভাবি চঅ, কিত্তেই মুই এজঅ সং গম্‌ আগং।

গীতসংহিতা 112:10

পাজি মানুচ্চুনে সিয়েনি দেগিনে লবাদোস্যে পেবাক্; তে দাত্ কামেরেব আর শেজ্ ওই যেবঅ। পাজিগুনোর আজা-ভরশা ন-ফলিবো।

গীতসংহিতা 132:18

মুই তা শত্রুগুনোরে লাজ্ পাইদ্যে পজাক্ উরেই দিম, মাত্তর্ তা মাঢাবোত থেবঅ জোল্ জোল্যে মুকুট।”

গীতসংহিতা 2:5

তে অমকদ বেজার্ ওইনে তারারে থেঝেরা মারিবো, তা রাগর্ আগুনান্ তারার্ মনত্ দর্‌বুগ্ লাগেব।

গীতসংহিতা 25:3

যে তঅ উগুরে আজা রাগায় তে লাজত্ ন-পড়িবো, মাত্তর্ যিগুনে অকারনে কুজুরোমি গরন্ তারা লাজত্ পড়িবাক্।

গীতসংহিতা 35:26

মর্ দজা দেগিনে যিগুনে হুজি অন্ তারা বেক্কুনে লাজত্ পোড়োদোক্ আর অগমান ওদোক্; যিগুনে মঅ উগুরে নিজোরে তুলি ধরন্ তারা লাজত্ আর অগমানত্ পোড়োদোক্।

গীতসংহিতা 5:10

ও গোজেন, তুই তারারে দুষি বিলিনে ফগদাং গর্; তারার্ কুজুরোমিলোই তারার্ দযা ওক্। তারার্ গুণি ন-পুরেইয়্যে দুষোত্যে তুই তারারে ধাবেই দে, কিয়া তারা তঅ বিরুদ্ধে উল্লোমি গোজ্যন্।

গীতসংহিতা 55:20

মর্ সেই সমাজ্যেবো সমারে যিগুনে সুগে-শান্দিয়্যে এলাক্ তারার উগুরেয়ো সেই সমাজ্যেবো আত্ তুল্যে আর তার চুক্তিবো ভাঙ্যে।

গীতসংহিতা 7:6

ও লগেপ্রভু, অমকদ রাগ্ গুরিনে তুই উদিনে থিয়্যে, মঅ শত্রুগুনোর্ রাগর বিরুদ্ধে আত্ তুল্। মত্তেই তুই উঠ্, কিত্যে তর্ ন্যায়বিচেরর্ কধা তুই ফগদাং গোজ্যস্।

গীতসংহিতা 71:13

মর্ বিপক্কগুনে লাজত্ পোড়োদোক্ আর ভস্ত ওদোক্; যিগুনে মরে দযাত্ ফেলেবার চেট্টাদ্ আগন্ তারা ঈচ্ গরা হেইনে আর অগমানে নাঢা যাদোক্।

গীতসংহিতা 71:24

মর্ মুয়োনে সারা দিন্নো তর্ ন্যায় কামর কধানি কবঅ, কিত্তেই যিগুনে মরে দযাত্ ফেলেবার চেট্টাদ্ আগন তারা লাজত্ পোজ্যন আর অগমান ওইয়োন্।

গীতসংহিতা 73:19

কেজান্‌গুরি অদাঢত্ তারা ভস্ত ওই যান আর দর্‌বুক লাগেয়্যে দজাত্ এক্কুবারে শেজ্ ওই যান।

গীতসংহিতা 86:17

তর্ ভালেদির আওজর্ প্রমাণান্ মরে দেগা, যেনে মরে যিগুনে ঈচ্ গরন্ তারা দেগিনে লাজ্ পান; কিত্তে ও লগেপ্রভু, তুয়ই মরে বল্ দুয়োচ্ আর বুঝেয়োচ্।

গম্ উপদেজ্ 29:1

ভালোক্‌‌বার সংশোধনর কধা শুনিনেয়ো যে মানুচ্চো গত্তনাবো দরমর গুরি রাগায় তে যে কনঅ সময়োত ভস্ত ওই যেবঅ; তে আর উদি ন-পারিবো।

যিশাইয় 26:11

ও লগেপ্রভু, তঅ আঢ্‌‌তান তুই অজলত্ তুল্যচ্, মাত্তর্ তারা সিয়েন ন-দেগন্। তঅ মানুচ্চুনোত্তে তঅ আওজ্‌চান্ তারা দেগোদোক্ আর লাজাদোক্; আগুনানে তঅ শত্রুগুনোরে পুড়ি ফেলোক্।

যিরমিয় 20:11

মাত্তর্ লগেপ্রভু খেমতাবলা যোদ্ধা ধোক্ক্যেন মঅ লগে লগে আঘে, সেনত্তে মঅ অত্যেচারিগুনে উজোত্ হেবাক্ আর ন-জিদিবাক। তারা বিফল অবাক্ আর লাজত্ পড়িবাক; তারার অসর্মানান কনজনে ভুলি ন-যেবাক্।

মালাখি 3:18

সেক্কে তুমি গম্ আর ভান্ন্যেয় ভিদিরে, অত্তাৎ যে মরে সেবা গরে আর যে ন-গরে তারা ভিদিরে মুই কিবাবোত্যেগুরি ফারগ্ গরং সিয়েন দেগিবা।”

১ থিষলনীকীয় 5:3

যেক্কেনে মান্‌জ্যে কবাক্, “শান্তি ওইয়্যে, দর্‌‌গরেপারা কিচ্চু নেই,” সেক্কেনে পিদিলি মিলের্ অদাতৎ পেটপিড়ে উদেধে ধোক্ক্যেন গুরি সেই মানুচ্চুনোর্ সর্বনাজ্ অবঅ। তারা কনভাবদে রোক্ষ্যে ন-পেবাক্।