গীতসংহিতা 59:5 - Chakma Bible

⁵ ও বেগত্তুন্ খেমতাবলা লগেপ্রভু গোজেন, ইস্রায়েলর গোজেন, তুই বেক্ জাদ্‌তুনোরে সাজা দিবাত্তে উঠ্; পাজি কুজুরোমিগুনো উগুরে কনঅ মেয়্যে ন-দেগেচ্।

গীতসংহিতা 59:5 ပူးပေါင်းရင်းမြစ်များ

পত্থম 33:20

সিয়েনত্‌ তে এক্কান ডালিঘর বানেইনে সিয়েন নাঙান দিলো এল্‌-ইলোহে-ইস্রায়েল (যিয়েনর্‌ ভেদ্‌‌তান “ইস্রায়েলর্ গোজেনে আজল্ গোজেন”)।

গীতসংহিতা 54:3

অন্যজাদর্ মানুচ্চুনে মর্ বিরুদ্ধে লাক্যন্; অত্যেচারিগুনে মর্ পরাণান্ নিবাত্তে চেট্ট্যা গোজ্যন্; গোজেন উগুরে এ মানুচ্চুনোর কনঅ ভোক্তি নেই।

গীতসংহিতা 55:15

মঅ শত্রুগুনো উগুরে আদিক্ক্যেন্‌গুরি মরন এজোক্; তারা জেদাবাদে পাদালত্ যাদোক্, কিত্তেই তারা ঘরত্ আর তারা মনানিত্ কুজুরোমি আঘে।

গীতসংহিতা 7:7

বেক্ জাদর্ মানুচ্চুনে তঅ চেরোকিত্তে এগত্তর্ ওদোক্; তুই স্বর্গত্ ফিরি যেইনে আরঅ তারা উগুরে রাজাগিরি গর্।

গীতসংহিতা 80:4

ও বেগত্তুন খেমতাবলা লগেপ্রভু গোজেন, তঅ মানুচ্চুনোর তবনাগানিলোই আর কয়দিন তুই বেজার ওই থেবে?

গীতসংহিতা 84:8

ও লগেপ্রভু, বেগত্তুন খেমতাবলা গোজেন, মর্ তবনাগান শুন; ও যাকোবর গোজেন, মঅ কধাগান শুন।

গীতসংহিতা 9:15

অন্য জাদ্‌তুনে নিজে খুজ্যে গাদত্ পত্তন্দোই; তারার্ লুগেয়্যে জালত্ তারা টেঙানি আক্‌‌সো যেইয়্যে।

যাত্রা 20:5

তুমি তারারে পূজোয়ো ন-গুরিবা, তারারে সেবায়ো ন-গুরিবা, কিত্তে বানা মুয়ই লগেপ্রভু তমার্‌ গোজেন। মর্‌ পাওনা ভোক্তিগান মুই চাং। যিগুনে মরে ঘিনেন্‌ তারার্‌ পাবর্‌ সাজা-মুই তারারে তিনোত্তুন্‌ ধুরি চের্‌ পুরুষ সং দুয়োং।

যাত্রা 3:15

তুই তারারে আরঅ কবেদে, তারার্‌ পুরোণি মানুচ্ অব্রাহাম, ইস্‌হাক আর যাকোবর্‌ গোজেন লগেপ্রভু তরে তারা ইধু পাদেয়্যে। মর্‌ উমরর্‌ নাঙান্‌ লগেপ্রভু। বংশর্‌ পর্‌ বংশ ধুরিনে মরে এ নাঙে মান্‌জে মনত্‌ রাগেবাক্।

যিশাইয় 1:10

ও সদোমর শাজন্‌গুরিয়্যেগুন্, লগেপ্রভুর কধানি শুনো। ও ঘমোরার মানুচ্চুন্, আমা গোজেনর উগুমানি কান্ পাদঅ।

যিশাইয় 27:11

সিগুনোর্ ডেলাগুন শুগোনার্ পরেদি ভাঙি ফেলা অবঅ আর মিলেগুনে এইনে সিগুন্দোই আগুন জালেবাক্। ইবে এক্কো বুদ্ধিনেইয়্যে জাদ্, সেনত্তে যিবে তারারে বানেয়্যে তারা উগুরে তার্ কনঅ মেয়্যে নেই; তারা উগুরে তারা গোজেনর্ কনঅ দোয়্যে নেই।

যিরমিয় 18:23

মাত্তর্ ও লগেপ্রভু, মরে মারেই ফেলেবাত্তে এই বেক্ কুজুরোমির কধানি দঅ তুই হবর্ পাজ। তারার এই অন্যেয়ানি তুই খেমা ন-গুরিচ্ বা তঅ চোগো মুজুঙোত্তুন তারার পাব্‌‌‌‍‍‍‍পানি পুজি ন-ফেলেচ্। তঅ মুজুঙোত্ তারা পড়ি যাদোক্; তর্ রাগর সময়োত্ তুই তারারে সাজা দিচ্।‍

দানিয়েল 6:7

বেক্ রাজ-পরিচালক্‌কুন, রেজ্যগানির্ পরিচালক‌্‌কুন্ আর শাজন্‌গুরিয়্যেগুন, সল্লাদিয়্যেগুন আর চাগালার্ শাজন্‌গুরিয়্যেগুন বেক্কুনে এ কধাগান রাজী ওইয়োন্ যে, মহারাজে যেন এক্কান কড়া উগুম জারি গরে। সেই উগুমান অলঅ, ইয়েনর পরেদি ত্রিশ দিন যুনি কনজনে, ও মহারাজ, তুই বাদে কনঅ দেবেদা বা মান্‌জ্য ইধু তবনা গরন সালে তারে সিংহ গাদত্ ফেলেই দিয়্যে অবঅ।

আমোষ 9:7

লগেপ্রভু কত্তে, “ও ইস্রায়েলর মানুচ্চুন, তুমি কি মইদু কূশীয়গুনো ধোক্ক্যেন নয়? মুই কি মিসরত্তুন্ ইস্রায়েলীয়গুনোরে, ক্রীটত্তুন্ পলেষ্টীয়গুনোরে আর কীরত্তুন্ অরামীয়গুনোরে ন-আনং?

রোমীয় 9:6

গোজেন কধানি যে মিজে ওই যেইয়্যে সিয়েন নয়, কিয়া যিগুনে ইস্রায়েল জাদ ইধু জোর্মেয়োন তারা বেক্কুনে ঘেচ্চেকগুরি ইস্রায়েল নয়।

যাকোব 2:13

কিয়া যে দোয়্যে ন-গরে, বিচেরর্ সময়োত্ তেয়ো দোয়্যে ন-পেবঅ। বিচের উগুরে দোয়্যেগানে জিদিবো।