গীতসংহিতা 59:4 - Chakma Bible

⁴ মুই কনঅ দুষ্ ন-গরং, তো তারা ধাবা এইনে মঅ বিরুদ্ধে লাক্ক্যন্। মরে বল্ দিবাত্তে তুই উদি আয়, মঅ দযাগান চাহ্।

গীতসংহিতা 59:4 ပူးပေါင်းရင်းမြစ်များ

পত্থম 40:15

ঘেচ্চেকগুরি কদ চেলে, ইব্রীয়গুনো দেজত্তুন্‌ মরে জোর্‌ গুরি ধুরি আনা ওইয়্যে, আর এ দেজত্‌ এইনেয়ো মুই এমন্ কিজু ন-গরং যিয়েনত্তে মরে এ গাদ্‌‌‌তোত্‌ আক্‌‌‌সো রাগা যায়।”

গীতসংহিতা 35:19

মিজে মিজে গুরি যিগুনে মর্ শত্রু ওইয়োন তুই মরে তারার্ তামাজা গরেদে ধোক্ক্যেন্ অবাত্তে ন-দিচ্; এনেবাদে যিগুনে মরে ঘিনেন্ মর্ বিরুদ্ধে তারা চোখকুন্ চিবেচিবি গুরিবাত্তে ন-দিচ্।

গীতসংহিতা 35:23

মর্ গোজেন, প্রভু মর্, তুই চেদন্ অ, মর্ পক্ষ অ, মর্ পক্ষেদি কধা কঅ।

গীতসংহিতা 44:23

ও প্রভু, চেদন্ অ, কিত্তেই তুই ঘুম্ যর্? উঠ্, উমরত্তে আমারে ছাড়ি ন-যেচ্।

গীতসংহিতা 5:6

যিগুনে মিজে কধা কন্ তারারে তুই ভস্ত গরচ্; যিগুনোর মনত্ খুনোর্ আর ছলনা গুরিবার মনভাব আঘে লগেপ্রভু তারান্দিত্তুন্ মুয়োন্ ফিরেই নেযায়।

গীতসংহিতা 56:7

অন্যেয়ত্তে কি তারা সাজা ন-পেবাক্? ও গোজেন, তুই রাগে জাদ্‌তুনোরে ভস্ত গর্।

গম্ উপদেজ্ 1:16

কিত্তে তারা টেঙানি পাপ কামত্ যায়, খুন গুরিবাত্তে তারা ধাবা যান্।

যিশাইয় 51:9

ও লগেপ্রভুর খেমতাবলা আঢ্‌‌‌‌তানি, জাগ, জাগ, তঅ খেমতাগান ফগদাং গর্। যেধোক্ক্যেন তুই আগ দিনোত্ তুল্যচ্, যেধোক্ক্যেন বংশর পর বংশ ধুরিনে তুল্যচ্ সেধোক্ক্যেন গুরি উঠ্। তুই কি রহবরে কট্টা কট্টা গুরি ন-কাবজ্? সেই দাঙর্ দোত্যবোরে কি তুই সেল্ ন-মারচ্?

যিশাইয় 59:7

তারার্ টেঙানি পাপ ইন্দি দাবা দাবা যায়; তারা নিদ্দুযি মান্‌জ্যর লো ঝোরেবাত্তে যাদিমাদি যান্। তারার চিদে চজ্জানি বেক্কানি বজং আর তারার পথ্‌‍‌‌‌‌তানিত্ ভস্ত আর সর্বনাশ থায়।

প্রেরিত্‌ 23:15

ইক্কিনে তুমি আর দাঙর্ তেম্মাঙর্ মানুচ্চুনে এ পৌইদ্যেনে আরঅ গমেদালে বিজিরে-চেবার্ নাঙে পৌলরে তমা মুজুঙোত্ আনিবাত্যে আজল্ সেনাপতিবো ইধু হবর্ পাধ। তে ইধু লুমিবার আগে আমি তারে শেজ্ গুরি ফেলেবাত্যে যুক্কোল্ ওই আঘিই।”

রোমীয় 3:15

খুন্ গুরিবাত্যে তারার্ টেঙানি যাদিমাদি ধাবা দে,

১ শমূয়েল 19:4

যোনাথনে তা বাপ্পো শৌল ইদু দায়ূদোরে নাঙ্‌ গিনেনে কলদে, “মহারাজ, তর্‌ চাগর্‌ দায়ূদো বিরুদ্ধে তুই কনঅ পাপ ন-গুরিবে, বরং তে যিয়েনি গোজ্যে সিয়েনি তর্‌ বোউত্‌ উপকার ওইয়্যে।