গীতসংহিতা 59:16 - Chakma Bible

¹⁶ মাত্তর্ মুই তর্ বল পৌইদ্যেনে গান গেম্, আর বেন্যেমাদান হুজিয়্যে তর্ অমকদ কোচ্‌পানার গান গেম; কিত্তেই তুই মর্ ঘর, দযাত্ আশ্রয়র-জাগা।

গীতসংহিতা 59:16 ပူးပေါင်းရင်းမြစ်များ

২ শমূয়েল 22:3

মঅ গোজেনে মর্‌ অজল্ মুড়োবো, সিবে ভিদিরে মুই আশ্রয় নেযাং। তেয়ই মর্‌ ঢাল, মর্‌ রোক্ষেগুরিয়্যে শিং, মর্‌ অজল্ চিগোন্‌ ঘরান, মর্‌ থেবার্‌-জাগায়ান। অত্যেচারী মানুচ্চুনোর আঢত্তুন্‌ তুই মরে রোক্ষ্যে গর্‌।

ইয়োব 15:23

তে হানাত্তে তোগেইনে ঘুরি বেড়ায় আর পুযোর্‌ গরে সিয়েন কুদু। তে হবর্‌ পায়, আন্ধার দিন্নো কায়-কুরে এচ্চ্যে।

ইয়োব 37:23

বেগত্তুন্ খেমতাবলা গোজেনে আমা নাগালর বারেদি আর খেমতান্দি বোউত্ দাঙর্; তার ন্যায়বিচের্ আর সততার কারনে তে অত্যেচার ন-গরে।

গীতসংহিতা 101:1

মুই তর্ অমকদ কোচ্‌পানা আর দোল্‌বিচেরর্ গীদ্ গেম্; ও লগেপ্রভু, মুই তঅ নাঙে নাঙ্ গিনেদে গীদ্ গেম্।

গীতসংহিতা 106:8

তো তে তার নাঙান্ রোক্ক্যে গুরিবাত্তে, তার্ খেমতাগান ফগদাঙ্ গুরিবাত্তে তারারে উদ্ধোর্ গুরিলো।

গীতসংহিতা 138:7

যেক্কেনে মুই দজাত্ পরং সেক্কেনে তুই মঅ পরাণান্ রোক্ক্যে গরচ্; তঅ আঢ্‌তান বাবেইনে তুই মঅ শত্রুগুনো রাগ্‌কানি কমেই দে, আর তর্ ডেন্ আঢ্‌তানে মরে উদ্ধোর্ গরে।

গীতসংহিতা 143:8

বেন্যেমাদান্ তুই মরে কোচ্‌পানার কধা শুনেচ্, কিত্তে মুই তঅ উগুরে বিশ্বেজ্ গুরি আগং; কন্ পধেদি যাহ্ পুরিবো সিয়েন মরে দেগা; কিত্তে মঅ মনান্ মুই তইন্দি দুয়োঙর্।

গীতসংহিতা 145:11

তারা তর্ রেজ্যগানর বাঈনী গরেদে কধানি আর তঅ খেমতার কধানি কবাক্;

গীতসংহিতা 21:13

ও লগেপ্রভু, তর্ বল্লোই তুই ফগদাং অ; আমি তর্ খেমতাগানরে নাঙ্ গিনিবোং আর গান গেবং।

গীতসংহিতা 30:5

কিয়া তা রাগকান্ বেশ্ ন-থায়; তার্ দোয়্যেলোই জিংকানি পাহ্ যায়। বানা কানদে কানদে রেত্তো কাদি যায়, মাত্তর্ বেন্যে পোত্যে হুজিগান্ এজে।

গীতসংহিতা 31:7

তর্ গভিন্ কোচ্‌পানা পেইয়োং বিলিনে মুই ফুত্তি গুরিম, হুজি ওম; কিত্যে তুই দঅ মর্ দুখ্‌কানি দেখ্যচ্, আর মর্ দুঘোর্ কধানি হবর্ পাজ্।

গীতসংহিতা 36:5

ও লগেপ্রভু, তর্ অমকদ কোচ্‌পানা আগাজত্ লুমেগোই; তর্ বিশ্বেজ্‌ছান্ যেনে আগাজত্ লুমেগোই।

গীতসংহিতা 4:1

ও মর্ গোজেন, মুই যে তর্ আওজ্ মজিম চলঙর্ সিয়েন তুই দেগেই দুয়োর্; মুই যেক্কেনে তরে ডাগিম সেক্কে তুই মঅ ডাগনিলোই শুনিচ্। দযাগানে মরে ঝাবোদে ধোজ্যে, মাত্তর্ তুই মরে নিজেস্ ফেলেবার্ যু গুরি দুয়োচ্। মঅ উগুরে দোয়্যে গর্, মঅ তবনাগান শুন।

গীতসংহিতা 46:1

গোজেনে আমার আশ্রয়র জাগা আর বল্; দযাত্ এযাল্ দিবাত্তে তে যুক্কোল থায়।

গীতসংহিতা 5:3

ও লগেপ্রভু, পত্তিদিন বেন্যেমাদান্ তুই মঅ কধানি শুনোচ্। বেন্যেমাদান্ মুই তঅ মুজুঙোত্ মঅ তবনাগান সাজেই রাগাং আর আজালোই চেই থাং।

গীতসংহিতা 77:2

দজাত্ পুরিনে মুই প্রভুরে ডাগিলুং; রেদোত্ মঅ আঢ্‌তানি গোজেনর ইন্দি বাড়েয়্যে থেদঅ, মুই বল্‌পোজ্যে ন-অদুং; মঅ মনানে সুগ্ শান্দি ন-পেদঅ।

গীতসংহিতা 86:13

মঅ উগুরে তর্ অমকদ কোচ্‌পানার শেজ্ নেই; মরণর বেগত্তুন্ তলে জাগানত্তুন্ তুই মঅ পরাণান রোক্ষ্যে গোজ্যস্।

গীতসংহিতা 88:13

ও লগেপ্রভু, মুই তইদু এজাল্ পেবাত্যে কানং; বেন্যেমাদান্ তইদু মর্ তবনাগান লুমেগোই।

গীতসংহিতা 89:1

মুই জিংকানিবর লগেপ্রভুর অমকদ কোচ্‌পানার গান গেম্; বংশর পর বংশ ধুরিনে বেক্কুনো মুজুঙোত্ তর্ বিশ্বেজর্ কধা জানেম।

যাত্রা 15:6

ও লগেপ্রভু, খেমতায়্‌ দাঙর্‌ তর্‌ সেই‌ ডেন্‌ আত্তান্, অয় সেই‌ ডেন্‌ আত্তানে শত্রুগুনোরে শেজ্ গুরিলো।

যিরমিয় 30:7

হায়, সে দিন্নো কি দর্‌গরেপারা! সেবাবোত্যে আর কনদিন্‌অ ন-অবঅ। সেক্কে অবঅ যাকোবর্ দুঘোর্ সময়, মাত্তর্ সিয়োত্তুন তারে উদ্ধোর্ গরা অবঅ।‍‍

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

ইফিষীয় 3:20

আমা মনত্ গোজেনর্ যে খেমতাগান কাম্ গরের্ সেই খেমতা অনুসারে তে আমার চানা আর চিন্তেত্তুন্‌অ বোউত্ বেশ্ গুরি পারে।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

১ শমূয়েল 17:37

দায়ূদে আরঅ কলঅ, “লগেপ্রভু, যিবে মরে সিংহ আর ভালুগো মুয়োত্তুন্‌ রোক্ষ্যে গোজ্যে, তেয়ই মরে সেই পলেষ্টীয়গুনোর আঢত্তুন্‌অ রোক্ষ্যে গুরিবো।” সেক্কে শৌল দায়ূদরে কলঅ, “সালে যাহ্, লগেপ্রভু তর্‌ লগে থোক্।”