গীতসংহিতা 58:9 - Chakma Bible

⁹ তমা পিলেগুনোত্ আগুনো জিলান্ বাঁজিবার আগেদি শুগুনো আর নুয়ো কাব্যে দার্‌বোনি তে ঝড়ে উড়েই দিবো।

গীতসংহিতা 58:9 ပူးပေါင်းရင်းမြစ်များ

গম্ উপদেজ্ 10:25

ঝড় বেঈ গেলে পাজিগানি আর ন-থায়, মাত্তর্ যে গোজেন ভক্ত তে জিংকানিবর্ অদে অদে থায়।

গীতসংহিতা 118:12

মো পুগো ধোক্ক্যেন তারা মরে ঘিরিনে ধোজ্যন্; কাদা-ঝুবো আগুনো ধোক্ক্যেন্ যাদিমাদি তারা মিলেই যেয়োন্। লগেপ্রভুর নাঙে মুই তারারে ঘেচ্চেক্‌গুরি শেজ্ গুরি দিম।

উপদেশক 7:6

পিলে তলাত্ আগুনো জিলে লেবেলে বানা রঅ অয়; ভুল্ মানুচ্চুনোর্ হা্জিগুন ঠিগ্ সেধোক্ক্যেন্। ইয়েন্ বাহ্‌জে।

যিরমিয় 23:19

চঅ, মঅ রাগ্‌কান ঝড় ধোক্ক্যেন ফাদি পুরিবো আর পাজিগুনো মাঢা উগুরে ঘুরি ঘুরি পড়িবো টুত্যেবোইয়্যের ধোক্ক্যেন।

যিশাইয় 17:13

দর্‌‍‍গরেপারা বান পানি রঅ ধোক্ক্যেন যুনিয়ো মানুচ্চুনে গুজুরোদন্, তো তে ধমক্ দিলে তারা দূরোত্ ধেই যেবাক্। বোইয়্যের মুয়োত্ মুড়ো-মুড়ি উগুরেগান তুজো ধোক্ক্যেন, ঝড় মুয়োত্ ধূল্যে ধোক্ক্যেন তারারে ধাবেই দিয়্যে অবঅ।‍

যিশাইয় 40:24

যিয়েনি তারার্ লাগা অয়, যিয়েনি তারার্ বীজ্ ফেলা অয়, যিয়েনি তারা মাদিত্ শিঙোর্ বজান্, এমনে তে সিয়েনি উগুরে ফুন্ দে আর সিয়েনি শুগেই যায়; এক্কান তুট্যে বোইয়্যেরে লাড়াইদ্যে ধোক্ক্যেন্ গুরি তারারে উড়েই নেযায়।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

গম্ উপদেজ্ 1:27

দজা ঝড় ধোক্ক্যেন্ তমা উগুরে লামি এলে, দজাগানে ঠুত্যে বোইয়্যের ধোক্ক্যেন তমারে ঘুরি ঘুরি নেযেলে, দুঘোত্-দজাত্ তুমি পুরিলে, মুই তামাজা গুরিম্।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গীতসংহিতা 10:5

নিত্য তে ফলাইদে পধেদি উজেই যায়; তা চোখকুন্ তর্ শাজন্-বেবস্থাগানরে লাঘ্ ন-পায়, কিয়া সিয়েন্ বোউত্ উগুরে; তার্ বেক্ শত্রুগুনোরে তে ঈচ্ গরে।

গীতসংহিতা 10:2

পাজি মানুচ্চুনে বার্‌‌বো গরানার্ কারনে দুঘি মানুচ্চুনোরে লড়ান্, মাত্তর্ নিজো কুজুরোমিয়ে তে নিজে ধরা পড়ে।

ইয়োব 27:21

পূগে বোইয়্যেরে তারারে তুলি নেযেব, তারা উরি যেবাক্; তারা জাগানত্তুন্ সেই বোইয়্যেরানে তারারে উরেই নেযেব।

ইয়োব 18:18

তারে পহ্‌রত্তুন্‌ আন্ধারত্‌ দূর্‌ গরা অবঅ; সংসারত্তুন্‌ তারে ধাবেই দিয়্যে অবঅ।

গণাণা 16:30

মাত্তর্‌ লগেপ্রভু যুনি পুরোপুরি নূয়া কিজু গরে আর পিত্‌থিমীগানে মুয়ান্‌ খুলিনে যুনি তারারে আর তারার বেক্কানি গিলি ফেলায় আর যুনি তারা জেদা বাদে গোরত্‌ যান্দোই সালে তুমি বুঝি পারিবা, এই মানুচ্চুনে লগেপ্রভুরে ঈচ্ গোজ্যন।”

ইয়োব 3:16

যে চিজিবো দিনো পহ্‌র ন-দেগে, কিত্তেই পেদত্‌ মুরি-যেইয়্যে সেই চিজিবো ধোক্ক্যেন্ মরে মাদি ভিদিরে লুগেই রাগা ন-অলঅ?