গীতসংহিতা 58:3 - Chakma Bible

³ জর্মত্তুন ধুরি পাজিগুনে ভান্ন্যেই পধেন্দি যান; যিগুনে মিজে কধা কন্, জর্মত্তুন ধুরি তারা বজং পধেদি থান্।

গীতসংহিতা 58:3 ပူးပေါင်းရင်းမြစ်များ

ইয়োব 15:14

মানুচ্চুন কন্না, তে খাটি ওই পারে? মিলেগুনোর পেদত্তুন্‌ যে জোর্মেয়্যে তে কন্না, নিদ্দুযি ওই পারে?

গীতসংহিতা 22:10

জর্মর্ পরেদি মরে তঅ আঢত্ দিয়্যে ওইয়্যে; জর্মত্তুন ধুরি তুয়ই মর্ গোজেন ওইয়োচ্।

গীতসংহিতা 51:5

অয়, জন্মত্তুন্ ধুরি মুই অন্যেয় কামত্ আগং; পাপর্ অবস্থায় মুই মা পেদত্ এলুং।

গীতসংহিতা 55:10

তারা যেন কি তোগেবাত্তে দিনে-রেদে শঅর দেবাল উগুরে ঘুরোন্। পাজি অন্যেয় কামানি শঅর ভিদিরে চলের্।

গম্ উপদেজ্ 22:15

ঝি-পুয়োগুনো মনত্ ভুলানি যেন ন-থায়, মাত্তর্ শাজনর্ লাদিবো তাত্তুন্ দূর্ গুরি দে।

যিশাইয় 46:3

ও যাকোবর বংশ, ইস্রায়েলর বংশর বাঁজি থেইয়্যে মানুচ্চুন্, তুমি মঅ কধাগান শুনো। পেদত্ এবার অক্তত্তুন্ ধুরি আর জর্মর পরেত্তুন্ ধুরি মুই তমা ভারান্ বুয়োঙর্।

যিশাইয় 48:8

তুমি সিয়েন ন-শুনো আর বুঝিয়ো ন-পারঅ; আগেত্তুন্ ধুরি তমা কানানি খুলো ন-অয়। তুমি যে কিবাবোত্যে বেঈমান সিয়েন মুই হবর্ পাং, জর্মত্তুন্ ধুরি তমারে উল্লোমী কুয়ো অয়।

মীখা 2:1

অভিশাব্ পোড়োক্ তারার্, যিগুনে অন্যেয়র পরিকল্পনা গরন্, যিগুনে নিজো বিচ্ছোনত্ ভান্ন্যেয়র্ ফন্দি গরন্। বেন্যে অলে তারা সেবাবোত্যে কাম্ গরন্, কিত্যে সিয়েন গুরিবার খেমতাগান তারা আঢত্ আঘে।

ইফিষীয় 2:3

আমি বেক্কুনে আমার পাপ-খাচ্চ্যদর্ কামনা পুরেইনে সেই মানুচ্চুনো ইধু এক সময় জিংকানি কাদেদং। পাপ-খাচ্চ্যদত্তুন্ যেদক্কানি আয়োজ আর চিন্তে জাগে আমি সে অনুসারে কাম গুরিদোং। এ খাচ্চ্যদত্যে আমিয়ো অন্য বেক্কুনো ধোক্ক্যেন গোজেনত্তুন্ সাজা পেবার্ যগাজ্যে এলং।