গীতসংহিতা 57:6 - Chakma Bible

⁶ তারা মর্ আঢিবার পদ্‌তানথ্ জাল পাত্যন্; অত্যেচারে মুই ভাঙি পোজ্যং; তারা মঅ পদ্‌তানথ্ গাদ্ খুজ্যন্, মাত্তর্ তারা নিজে সিয়েনত্ পোজ্যন।

গীতসংহিতা 57:6 ပူးပေါင်းရင်းမြစ်များ

১ বংশধর 29:10

দায়ূদে বেক্‌ মানুচ্চুনো মুজুঙোত্‌ ইয়েন্‌ কোইনে লগেপ্রভুরে বাঈনী গুরিলো, ও লগেপ্রভু, আমা পুরোণি মানুচ্‌ ইস্রায়েলর গোজেন, পুরোণি কালত্তুন্‌ ধুরিনে থুম্‌ ন-ওইয়্যে কাল সং তরে বাঈনী গোরোদোক্‌।

১ বংশধর 29:11

ও লগেপ্রভু, মহিমা, খেমতা, সয়-সাগোজ্যে, জিদেনা আর বাঈনী পানা তর্‌, কিত্তে স্বর্গর আর পিত্‌থিমীর বেক্কানি তর্‌। ও লগেপ্রভু, তুয়ই বেক্কানি উগুরে রাজাগিরি গরর্‌; তর্‌ জাগায়ান্‌ বেক্কানি উগুরে।

গীতসংহিতা 108:6

তর্ খেমতাবলা আঢ্‌তান বাবেইনে আমারে তুই উদ্ধোর্ গর্; মর্ ডাগনিলোই শমক্ দে, যেনে তুই যিগুনোরে কোচ্‌পাচ্ তারা উদ্ধোর্ পান।

গীতসংহিতা 140:5

বাড়্‌বো গুরিয়্যে মানুচ্চুন্ মত্তে ফাল্ আর দুড়ি ঠিগ্ গুরি রাগেয়ো; তারা পধ কুরে তারার্ জালানি বিজেই রাগেয়োন্ আর মত্তে ফাল্ পাত্যন্।

গীতসংহিতা 142:3

যেক্কেনে মুই আজা নেইয়্যে অং সেক্কেনে তুয়ই মর্ জিংকানির পথ্‌তান পৌইদ্যেনে হবর্ পাজ্; মর্ যেবার পদথ্ মান্‌জ্যে মত্তে ভিদিরে ভিদিরে ফাল্ পাদি রাগেয়োন্।

গীতসংহিতা 143:4

সেনত্তে মুই আজা নেইয়্যে ওইয়োং; মঅ মনান্ বাজে ওই যেইয়্যে।

গীতসংহিতা 145:14

যিগুনে পড়দন্ লগেপ্রভু তারারে ধুরি রাগায়; যিগুনে লুঙি পোজ্যন্ তারারে তে তুলিনে ধরে।

গীতসংহিতা 42:6

ও মর্ গোজেন, মর্ পরাণান আজা নেইয়্যে ওইনে পোজ্যে; সেনত্তে দঅ মুই যর্দন গাঙর্ গড়াগানত্ থিয়্যেইনে, হর্মোণ মুড়োবোর মাঢাত্ আর মিৎসিয়র মুরোবোত্ থিয়্যেইনে তর্ কধাগান ভাবঙর্।

গীতসংহিতা 8:2

চিগোন্ ঝি-পুয়োগুন আর চিজিগুনোর্ কধানি তুই খেমতার ঘর্ বানেয়োচ্; তঅ শত্রুগুনোর কধা ভাবিনে তুই সিয়েন গোজ্যচ্, যেনে তর্ শত্রু গুনেয়ো হেনা সুজিয়্যেগুনোরে তুই থামেই দি পারচ্।

গম্ উপদেজ্ 28:10

গম্ মানুচ্চুনোরে যে ভান্ন্যেই পধেদি নেযায় তে তার নিজো গাদ্‌‌তোত্ পুরিবো, মাত্তর্ যিগুনে নিদ্দুযি তারার মংগল্ অবঅ।

গম্ উপদেজ্ 29:5

যে মানুচ্চো পাড়াল্যেগুনোর চাম্‌‌চাগিরি গরে তে নিজো টেঙত্ তলে জালান্ পাদে।

মীখা 7:2

দেজত্তুন্ গোজেন ভক্তগুনোরে তুলি ফেলা ওইয়্যে; গম্ মানুচ্ এক্কোয়ো নেই। লো ঝোরেবাত্তে বেক্কুনে হাফ্ দি আগন্ ; পত্তিজনে তার্ নিজো জালত্ অন্যজনরে আক্‌সোবাত্যেই চান।

গণাণা 14:21

মাত্তর্‌ মুই বাঁজি আগং এই কধাগান যেধোক্ক্যেন সত্য আর গোদা দুনিয়েগান্‌ মর্‌ মহিমায়্‌ পরিবাদি এই কধাগান্‌ যেধোক্ষ্যেন সত্য সেধোক্ষ্যেন্ সত্য ,