গীতসংহিতা 57:4 - Chakma Bible

⁴ পেত্ পরায় পাগল সিংহ ধোক্ক্যেন মান্‌জ্যর্ সংমধ্যে মুই পড়ি আগং; তারার দাত্‌তুন্ যাদি আর শেল ধোক্ক্যেন, আর জিলান্ ধারেয়্যে ছুরি।

গীতসংহিতা 57:4 ပူးပေါင်းရင်းမြစ်များ

ইয়োব 41:14

তার্ দর্‌গরেপারা দাদে ঘিজ্যে মুয়ো দোরানে কন্না খুলিবাত্তে সাহস গুরিবো?

গীতসংহিতা 10:9

তে আন্দলত্তুন্ সিংহ ধোক্ক্যেন্ গুরি হাফ্ দি থায়; দুঘি মানুচ্চোরে ধুরিবাত্তে তে সিয়েন গরে, জালত্ ফেলেইনে তে তারে ধরে।

গীতসংহিতা 35:17

ও প্রভু, আর কয়দিন তুই ইয়েনি দেগেবে? তারার্ অত্যেচারত্তুন্ মরে রোক্ষ্যে গর্; এ সিংহগুনো আঢত্তুন্ মর্ মূল্যবান জিংকানিগান বাঁজা।

গীতসংহিতা 43:3

তর্ পহ্‌‌রান আর তর্ সত্যগান মরে দে; তারা মরে পথ দেগাদোক্। তারা মরে নেযাদোক্ তর্ সেই সুদ্ধো-সাংগ মুড়োবোত্ যিয়েনত্ তুই বজত্তি গরর্,

গীতসংহিতা 52:2

তর্ জিলানদি ভস্ত অবার্ সল্লার কধা নিগিলি এজের্; ও ছলনাগুরিয়্যে, তর্ জিলান্ যেন ধার্ দিয়্যে ক্ষুর ধোক্ক্যেন্।

গীতসংহিতা 55:21

তার মুয়ো কধানি মাখনত্তুন বেশ্ নরম, মাত্তর্ তা মনানত্ রোইয়্যেদে যুদ্ধো; তা কধানি কিয়্যেত্ গুল্যে তেলত্তুন বেশ্ আরামর, মাত্তর্ সিয়েনি যেন থৈল্যেত্তুন টানি নিগিল্যেয়ে তলোয়ার।

গীতসংহিতা 58:6

ও গোজেন, তুই পাজিগুনোর দাত্‌তুন তারার মুয়ো ভিদিরে ভাঙি ফেলা; ও লগেপ্রভু, সেই দামারা সিংহগুনোর ধারেয়্যে দাত্‌তুন তুই ভাঙি ফেলা।

গীতসংহিতা 59:7

চাহ্, তারা মুয়োন্দি কি বেক্ কধানি নিগিলেয়োন্, তারার ঠুদোত্তুন যেন লাম্বা ছুরি নিগিলি এজের্; তারা কদন, “আমা কধানি কনজনে ন-শুনিবাক্।”

গীতসংহিতা 64:3

তারা যেন লাম্বা ছুরি ধোক্ক্যেন গুরি জিলান্ দারেই রাগেয়োন, তারার্ থিদে কধার সেলুন ধনুগানত্ লাগেই রাগেয়োন;

গম্ উপদেজ্ 12:18

আপাদাজ্যে কধা ছুরি ধোক্ক্যেন্ বুগোত্ ফুদে, মাত্তর্ জ্ঞানীগুনোর্ কধা গম্ লাগে।

গম্ উপদেজ্ 25:18

যে মানুচ্চো পাড়াল্যে বিরুদ্ধে মিজে সাক্ষি দে তে গদা, তলোয়ার আর ধারেয়্যে সেল ধোক্ক্যেন্।

গম্ উপদেজ্ 28:15

গুজুরি উদেদে সিংহবো আর আক্রমন গুরিয়্যে ভালুক্কো যেধোক্ক্যেন্, সেধোক্ক্যেন্ সেই পাজি মানুচ্চো যে নাঢা মানুচ্চুনোর শাজন্ গুরিয়্যে অয়।

গম্ উপদেজ্ 30:14

তারার দাত্‌‌তুন যেন তলোয়ার আর মারিগান যেন ছুরি ধোক্ক্যেন্, যেনে তারা পিত্‌‌থিমীত্তুন্ দুঘি মানুচ্চুনোরে আর মান্‌‌জ্য ভিদিরেত্তুন্ অভাবীগুনোরে গিলিক্ গুরি পারন।

যাকোব 3:6

সেধোক্ক্যেন জিলান্অ ঠিগ্ আগুনো ধোক্ক্যেন। আমা কিয়্যেগানিত্ যেদক্কানি জিনিস্ আঘে সিয়েনি ভিদিরে জিলান্ যেন এক্কান ভান্ন্যেয়র্ দুনিয়া। নরগর্ আগুনোত্ জুলি উদিনে তে গোদা কিয়্যেগানরে বর্‌বাদ্ গরে আর জিংকানি-পধত্ আগুন ধোরেই দে।

ফগদাং পেইয়্যে 19:15

তে যেন বেক্‌ জাদ্‌‌তুনোরে আঘাত্ গুরি পারে সেনত্যে তা মুয়োত্তুন্ এক্কান ধারেয়্যে ছুরি নিগিলি এজের্। তে লুয়োর্ লুদিক্কোই বেক্‌ জাদ্‌‌তুনোরে শাসন গুরিবো আর আঙ্গুর মাড়িবার গাঢত্ তে আঙ্গুর টেঙোই মাড়িবো। এই আঙ্গুর মাড়িবার গাঢ্‌‌তো অলঅ বেগত্তুন্ খেমতাবলা গোজেনর্ দর্‌‌গরেপারা রাগ্‌‌কান।

বিচের গুরিয়্যেগুন 9:20

মাত্তর্‌ সিয়েন যুনি তুমি ন-গুরিনে থাগঅ সালে অবীমেলক ভিদিরেত্তুন যেনে আগুন নিগিলি এইনে তমার, অত্তাৎ শিখিমোর আর বৈৎ-মিল্লোর মানুচ্চুনোরে পুড়ি ফেলায়; আর তমার্‌, অত্তাৎ শিখিমোর আর বৈৎ-মিল্লোর মানুচ্চুনো ভিদিরেত্তুনঅ যেনে আগুন নিগিলি এইনে অবীমেলকরে পুড়ি ফেলায়।”