গীতসংহিতা 57:3 - Chakma Bible

³ স্বর্গত্তুন তার বলান্ লামি এবঅ; যিগুনে মরে লড়ান্ তারার দুজ্‌ছানির কধা কবাত্তে তে ন-ছাড়িবো। গোজেনর ইত্তুন তার অমকদ কোচ্‌পানা আরি বিশ্বেজ্‌ছান লামি এবঅ।

গীতসংহিতা 57:3 ပူးပေါင်းရင်းမြစ်များ

ইয়োব 31:31

মঅ ঘরর্ মানুচ্চুনে দঅ এ কধানি কদাক্, ইয়োবর্ দিয়্যে য়েরানিলোই কন্না পেট ভোরেই ন-পারে?

গীতসংহিতা 138:8

লগেপ্রভু মত্তে যিয়েন ঠিগ্ গুরি রাগেয়্যে সিয়েন পূরোণ গুরিবো। ও লগেপ্রভু, তর্ কোচ্‌পানাগান জনমত্তে থিদেবর্ গোজ্যে; তুই নিজো আঢে যে কামানি গোজ্যস্ সিয়েনি থুম্ গর্।

গীতসংহিতা 40:11

ও লগেপ্রভু, মঅ উগুরে তর্ দোয়্যে দেগেবাত্তে তুই অস্বীগের্ ন-গুরিচ্; তর্ অমকদ কোচ্‌পানা আর বিশ্বেজ্‌ছান যেনে নিত্য মরে রোক্ষ্যে গরে;

গীতসংহিতা 43:3

তর্ পহ্‌‌রান আর তর্ সত্যগান মরে দে; তারা মরে পথ দেগাদোক্। তারা মরে নেযাদোক্ তর্ সেই সুদ্ধো-সাংগ মুড়োবোত্ যিয়েনত্ তুই বজত্তি গরর্,

গীতসংহিতা 61:7

তে জিংকানিবর গোজেনর মুজুঙোত্ বজত্তি গুরিবো; তারে রোক্ক্যে গুরিবাত্তে তর্ অমকদ কোচ্‌পানা আর বিশ্বেজ্‌ছানরে তুই কামত্ লাগা।

যিশাইয় 26:12

ও লগেপ্রভু, আমাত্তে তুই সুগ্-শান্দি থিদেবর্ গুরিবে; কিত্তে আমি যিয়েনি গুরি পাজ্যেই সিয়েনি বেক্কানি তুই আমাত্তে গোজ্যস্।

গণাণা 23:24

এই বেক্‌ মানুচ্চুনে থিয়্যেই উদিবাক্‌ সিংহ ধোক্ক্যেন গুরি, আর সিংহ ধোক্ক্যেন গুরি নিজোরে দেগেবাক। শিগের্‌ গোজ্যে য়েমানর্ লো আর য়েরা খেই ন-পানা সং তারা ন-জিরেবাক্‌।”

যোহন 1:17

মোশির্ মাধ্যমে রীদি-সুদোম দিয়্যে ওইয়্যে, মাত্তর্ যীশু খ্রীষ্টর্ মাধ্যমে দোয়্যে আর সত্য এচ্চ্যে।

প্রেরিত্‌ 12:11

সেক্কে পিতরে যেন চেতনা ফিরি পেলঅ আর কলঅ, “ইক্কিনে মুই ঘেচ্চ্যেক্ গুরি বুঝিলুং যে, প্রভু তা দূত্‌তোরে পাধেইনে হেরোদ্অ আঢত্তুন্ আর যিহূদীগুনে যিয়েন গুরিবাত্যে কুজুরোমি গোজ্জ্যন্ সিয়েনিত্তুন্ মরে রোক্ষ্যে গুরিলো।”