গীতসংহিতা 56:8 - Chakma Bible

⁸ মুই যে কয়বার পৌল্যেই পৌল্যেই বেড়েয়োং সে কধা দঅ তুই হবর্ পাজ্; মঅ চোগো পানিলোই তর্ পিলেবো তুই ভুরি নেযা। ইয়েনি বেক্কানি দঅ তঅ বোইবোত্ লেগা আঘে।

গীতসংহিতা 56:8 ပူးပေါင်းရင်းမြစ်များ

২ রাজাবলী 20:5

“তুই ফিরি যেইনে মঅ মানুচ্চুনোর্‌ নেতা হিষ্কিয়রে কঅ, তা পূরোণি মানুচ্‌ দায়ূদো গোজেন্‌ লগেপ্রভু এ কধাগান্‌ কোইয়্যেদে, ‘মুই তর্‌ তবনাগান্‌ শুন্যং আর তর্‌ চোগো পানিগান দেখ্যং। মুই তরে গম্‌ গুরিম্‌। ইক্কিনেত্তুন্‌ ধুরি তিন দিন পরেন্দি তুই লগেপ্রভুর ঘরত্‌ যেবে।

ইয়োব 16:20

যিবে মঅ পক্ষেদি আঘে তে মর্‌ সমাজ্যে, আর মুই গোজেন ইদু চোগো পানি ফেলাং।

গীতসংহিতা 121:8

তর্ পত্তিদিনোর জিংকানিত্ লগেপ্রভু তরে চুগি দিবো, ইক্কিনেত্তুন্ ধুরি উমর সং দিবো।

গীতসংহিতা 139:16

তঅ চোগ্‌কুনে মঅ বারি ন-উঠ্যে কিয়্যেগান দেখ্যন্। মত্তে ঠিগ্ গুরি রাগেয়্যে দিনুন্ যেক্কে আরাম্ভ ন-অয়, সেক্কে তঅ বোইবোত্ সে পৌইদ্যেনে বেক্কানি লেগা এলঅ।

গীতসংহিতা 39:12

“ও লগেপ্রভু, তুই মর্ তবনাগান শুন; এজাল্ পেবাত্তে মর্ এ কানানিগান তুই শুন্; মর্ চোগো পানিগান দেগিনে তুই অলর্ গুরি ন-থেচ্; কিত্যে মর্ পূরোণি বুড়োবুড়িগুনে যেধোক্ক্যেন্ এলাক্ সেধোক্ক্যেন মুইয়ো পিত্‌থিমীত্ তর্ মুজুঙোত্ পরবাস্যে ধোক্ক্যেন্ আগং।

যিশাইয় 63:9

তারার বেক্ দুঘ্‌‌খানিত্ তেয়ো দুঘ্ পেলঅ আর তার্ হবর্ কোইয়্যেবো তারারে উদ্ধোর্ গুরিলো। তার কোচ্‌পানা আর দোয়্যেই তে তারারে উদ্ধোর্ গুরিলো; আগ কালত্ বেক্ দিনুনোত্ তে তারারে তুলিনে বুয়োই নিলো।‌‍‍‍‌‍‍‍

যিরমিয় 18:23

মাত্তর্ ও লগেপ্রভু, মরে মারেই ফেলেবাত্তে এই বেক্ কুজুরোমির কধানি দঅ তুই হবর্ পাজ। তারার এই অন্যেয়ানি তুই খেমা ন-গুরিচ্ বা তঅ চোগো মুজুঙোত্তুন তারার পাব্‌‌‌‍‍‍‍পানি পুজি ন-ফেলেচ্। তঅ মুজুঙোত্ তারা পড়ি যাদোক্; তর্ রাগর সময়োত্ তুই তারারে সাজা দিচ্।‍

মালাখি 3:16

সেক্কে যিগুনে লগেপ্রভুরে ভোক্তি গুরিনে দোরেদাক্ তারা একজন আর একজন সমারে কধাবাত্তা কলাক্ আর লগেপ্রভু সিয়েনি মনযোগ দিইনে শুনিলো। যিগুনে লগেপ্রভুরে ভোক্তিগুরিনে দোরেদাক্ আর তা পৌইদ্যেনে গভীনগুরিনে চিন্তে গুরিদাক্ তারারে ইদোত্ তুলিবাত্তে তা মুজুঙোত্ এক্কো বোই লেগা অলঅ।

মথি লেখ্যে গম্ হবর্ 10:30

এমন্ কি, তমা মাঢাবোর্ চুলানিয়ো গণা আঘে।

২ করিন্হীয় 11:26

মুই বোউত্ দেশ্ ঘুজ্জ্যং। বান্, দাগেত্, নিজো জাদর্ মানুচ্‌ আর অযিহূদীগুনোত্যে মুই দজাত্ পোজ্জ্যং। সিয়েন বাদে শঅরত্, ধূল্যেচর-চাগালাত, সাগরত্ আর ভন্ড ভেইয়ুনো ইধুয়ো মুই দজাত্ পোজ্জ্যং।

ইব্রীয় 11:13

এই মানুচ্চুনে বিশ্বেজ্ গুরিনে জিংকানি কাদেইনে মুরি যেইয়োন। গোজেনে তারারে যিয়েন দিবার এগেম্ গোজ্জ্যে সিয়েন তারা ন-পান্, মাত্তর্ দূরোত্তুন্ সিয়েন দেক্ক্যন আর হুজিয়ো ওইয়োন। এই পিত্‌থিমীত্ যে তারা বিদেশী আর পরদেজত্ বজত্তি গুরিয়্যে সিয়েন তারা স্বীগের্‌অ গোজ্জ্যন্।

ইব্রীয় 11:38

তারা ধূল্যেচড়ত্তুন্ ধূল্যেচড়ত, মুড়োত্তুন্ মুড়োত, সুরুঙোত্তুন্ সুরুঙোত আর গাঢত্তুন্ গাঢত্ ধেই ধেই বেড়েদাক্। এ মানুচ্চুনোরে জাগা দেনার্ খেমতা জগদর্ ন-এলঅ।

ইব্রীয় 11:8

গোজেনে যেক্কে অব্রাহামরে ডাক্ক্যে সেক্কে বিশ্বেজত্যে তে গোজেনর্ কধার্ বাধ্য ওইয়্যে আর সোম্বোত্তি ইজেবে যে জাগায়ান তার্ পেবার্ কধা এলঅ সেই জাগানত্ তে যেয়্যে। যুনিয়ো সেক্কে বুঝি ন-পারে তে কুধু যার্ তো তে লদ্ দিয়্যে।

ফগদাং পেইয়্যে 20:12

সে পরেদি মুই দেগিলুং, চিগোন-দাঙর্ বেক্‌ মরা মানুচ্চুনে সেই সিংহাসনান মুজুঙোত্ থিয়্যেই আঘন্। ইয়েনর্ পরেদি কয়েক্কো বোই খুলো অলঅ। সে পরেদি আর এক্কো বোই খুলো অলঅ। সিবে এলঅ জিংকানি-বোই। এ মরা মানুচ্চুনোর কাম পৌইদ্যেনে সেই বোইয়ুনোত্ যেধোক্ক্যেন গুরি লেগা ওইয়্যে সেই মজিম তারার্ বিচের্ অলঅ।

ফগদাং পেইয়্যে 7:17

কিয়া সেই ভেড়া-ছবুয়ো যিবে সিংহাসন উগুরে বৈ আঘে তেয়ই ইগুনোর্ গরক্ অবঅ। তাজা পানির উইফুদ ইধু তে ইগুনোরে নেযেব, আর গোজেনে ইগুনোর চোগো পানি পুঝি দিবো।”

১ শমূয়েল 19:18

ইন্দি দায়ূদে ধেই যেইনে পরাণান বাজেল। তে রামাত্‌ শমূয়েল ইদু গেলঅ আর শৌলে তা উগুরে যিয়েনি গোজ্যে সিয়েনি বেক্কানিই তারে জানেল। ইয়েনর্ পরেন্দি দায়ূদে আর শমূয়েলে যেইনে নায়োৎ আদামত্‌ যেইনে বজত্তি গরা ধুরিলো।

১ শমূয়েল 27:1

দায়ূদে মনে মনে ভাবিলো, “এই শৌলর আঢদই মত্তুন্‌ একদিন মরা পুরিবো, সেনত্যেই পলেষ্টীয়গুনোর দেজত্‌ ধেই যানাগানই মর্‌ পক্ষেন্দি বেগত্তুন্‌ গম্‌ অবঅ। সালে ইস্রায়েল দেজ ভিদিরে তে আর মরে তোগেইনে ন-বেড়েব, আর মুইয়ো তার আঢত্তুন্‌ রোক্ষ্যে পেম্‌।”