গীতসংহিতা 56:13 - Chakma Bible

¹³ কিত্তেই মরণত্তুন তুই মঅ পরাণান রোক্ক্যে গোজ্যস্ আর পড়ানাত্তুন্ মরে বাজেয়োচ্, যেনে জিংকানির পহ্‌রলোই মুই গোজেন মুজুঙোত্ আঢা-উদো গুরি পারং।

গীতসংহিতা 56:13 ပူးပေါင်းရင်းမြစ်များ

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

ইয়োব 33:30

যেনে তা পরাণান মরণর জাগাত্তুন ফিরে আর তা উগুরে জিংকানির পহ্‌রান পড়ে।

গীতসংহিতা 145:14

যিগুনে পড়দন্ লগেপ্রভু তারারে ধুরি রাগায়; যিগুনে লুঙি পোজ্যন্ তারারে তে তুলিনে ধরে।

গীতসংহিতা 17:5

তঅ পধেদি মুই মঅ টেঙান্ থির্ রাগেয়োং; সিয়োত্তুন মঅ টেঙান্ এক্কেনায়ো ন-লরে।

গীতসংহিতা 49:15

মাত্তর্ মরণর জাগাত্তুন্ গোজেনে উদ্ধোরর দাম দিইনে আমারে উদ্ধোর গুরি নেযেব; তে আমারে তার নিজো ইদু হামাক্কাই নেযেব।

গীতসংহিতা 94:18

যেক্কেনে মুই ভাবিদুং মঅ টেঙান বিজিদি যার্, সেক্কে ও লগেপ্রভু, তর্ অমকদ কোচ্‌পানাগানে মরে ধুরি রাগায়।

যিশাইয় 2:5

ও যাকোবর বংশধরুন্, এজঅ; আঢঅ, আমি লগেপ্রভুর পহ্‌রে আঢাউদো গুরিই।

যিশাইয় 38:3

“ও লগেপ্রভু, তুই ইদোত্ তুলি চাহ্, মুই তঅ মুজুঙোত্ কেধোক্ক্যেন্ গুরি বিশ্বেজি আর বেক্ মনান্ দিইনে আঢাউদো গোজ্যং আর তঅ চোগেদি যিয়েন ঠিগ্ সিয়েন গোজ্যং।” ইয়েন কোইনে হিষ্কিয় অমকদ কানাকুদি গরা ধুরিলো।

লেবীয় 23:38

যে উৎসর্বগুনোর কধা আগে কূয়ো ওইয়্যে সিগুনো ভিদিরে এ উৎসর্বগুন্‌ ধরা ন-অবঅ। সিগুন্‌ অলঅ, লগেপ্রভু জিরেবার দিন্নোর্ উৎসর্ব, লগেপ্রভুরে দিয়্যে অন্য বেক্‌ দানুন্‌, মান্যা আর নিজোর আওজে গোজ্যে উৎসর্ব।

যোহন 8:12

পরেদি যীশু আরঅ মানুচ্চুনোরে কলঅ, “মুয়ই পিত্‌থিমীর্ পহ্‌রান্। যে মঅ পধেদি আঢে তে কনদিন্অ আন্ধারত্ ঠেং ন-ফেলেব, বরং জিংকানির্ পহ্‌র পেবঅ।”

২ করিন্হীয় 1:10

এক দর্‌‌গরেপারা মরণর্ আঢত্তুন্ তে আমারে রোক্ষ্যে গোজ্জ্যে আর এজঅ গরের্। আমি তা উগুরে এ আজাগান রাগেই যে, তে নিত্য আমারে রোক্ষ্যে গরানাত্ থেবঅ।

১ থিষলনীকীয় 1:10

আর স্বর্গত্তুন তা পুয়োবো এযানা পৌইদ্যেনে বাজ্জেই থেই পারঅ। সেই পুয়োবো অলঅ যীশু, যিবেরে তে মরণত্তুন্ জেদা গুরি তুল্ল্যে। গোজেনর্ যে সাজাগান লামি এজের্ সেই সাজাত্তুন্ এই যীশু আমারে রোক্ষ্যে গুরিবো।

ইব্রীয় 2:15

আর মরণ দরে যিগুনে গোদা জিংকানিগান চাগর ধোক্ক্যেন কাদেয়োন তারারে উদ্ধোর গরে।

যাকোব 5:20

মাত্তর্ এ কধাগান ইদোত্ রাগেয়ো-যুনি কেঅ এক্কো পাপীরে ভুল্ পধত্তুন্ ফিরেই আনে সালে তে তারে মরণত্তুন্ বাজেল আর বোউত্ পাপ নাঢি রাগায়।

১ শমূয়েল 2:9

তে তার ভক্তগুনোরে উজোত্‌ খানাত্তুন্ রোক্ষ্যে গোজ্যে, মাত্তর্‌ পাজি মানুচ্চুনে আন্ধারত্‌ ভস্ত ওই যান; কিত্যে নিজোর বল্লোই কনঅ মানুচ্ ঝিদি ন-পারন্‌।