গীতসংহিতা 56:1 - Chakma Bible

¹ ও গোজেন, মঅ উগুরে দোয়্যে গর্, কিত্তেই মান্‌জ্যে মরে লড়াদন্; নিত্য যুদ্ধো গুরিনে তারা মরে দুঘ্ দেদন।

গীতসংহিতা 56:1 ပူးပေါင်းရင်းမြစ်များ

গীতসংহিতা 106:17

পিত্‌থিমীগানে মুয়োন্ খুলিনে দাথনরে গিলিলো আর অবীরামর দল্লোরে ঢাগি ফেলেল।

গীতসংহিতা 124:3

সালে সিগুনে আমা বিরুদ্ধে রাগে ফুলি উদিদাক্ আমারে জেদাবাদে গিলিদাক্,

গীতসংহিতা 136:10

যিবে মিসরীয়গুনোর পত্তম্ পুয়োবোরে আঘাত্ গোজ্যে তারে ভালেদি জানঅ; -তার কোচ্‌পানাগান উমরত্তে থিদেবর্ গোজ্যে-

গীতসংহিতা 136:15

মাত্তর্ ফরৌণ আর তা সৈন্যদলুনোরে তে লোহিত সাগরত্ ফেলে দিয়্যে; - তার কোচ্‌পানাগান উমরত্তে থিদেবর্ গোজ্যে।

গীতসংহিতা 143:12

তর্ অমকদ কোচ্‌পানার কারনে তুই মঅ শত্রুগুনোরে ফেলেই দে; মর্ বেক বিপক্কগুনোরে তুই ভস্ত গর্, কিত্তে মুই তর্ চাগর্।

গীতসংহিতা 16:1

ও গোজেন, তুই মরে রোক্ষ্যে গর্, কিয়া মুই তইদু আশ্রয় নেযেয়োং।

গীতসংহিতা 21:9

তর্ ফগদাং অবার্ অক্তত্ তুই তারারে তুলিবে ছুলোর্ ধোক্‌‌ধোক্যে আঙারা ধোক্ক্যেন। লগেপ্রভু রাগে তারারে গিলি ফেলেব, তা আগুনানে তারারে পুড়ি ফেলেব।

গীতসংহিতা 27:2

পাজি মানুচ্চুনে মরে গিলি হেবাত্তে যেক্কেনে উজেই এজন্ সেক্কে মর্ সেই শত্রু আর বিপক্ষগুনে উজোত্ হেইনে পড়ন্।

গীতসংহিতা 31:9

ও লগেপ্রভু, মরে দোয়্যে গর্, কিত্যে মুই দুঘোত্ আগং; দুঘে মঅ চোখকুন্ আর মঅ কিয়্যে-মনান্ ভাঙি পোজ্যে।

গীতসংহিতা 35:25

মনে মনে তারারে কবাত্তে ন-দিচ্, “গম ওইয়্যে! যিয়েন মুই চেইয়োং সিয়েনোই ওইয়্যে।” তারারে কবাত্তে ন-দিচ্, “আমি তারে শেজ্ গুরি দিয়্যেই।”

গীতসংহিতা 58:1

ও বিচেরক্কুন, তুমি যে অলর্ গুরি আঘ ইয়েন কি ন্যায়বিচের অর্? গমেডালে কি তুমি মানুচ্চুনোর বিচের গরর্?

গীতসংহিতা 59:1

ও গোজেন, মঅ শত্রুগুনো আঢত্তুন্ তুই মরে উদ্ধোর গর; মর্ বিপক্কগুনোত্তুন্ তুই মরে অজলত্ তারার নাগাল বারেদি তুলি রাগা।

গীতসংহিতা 59:10

গোজেনে তার অমকদ কোচ্‌পানাত্যে মইদু এবঅ, মর্ শত্রুগুনোর উদি যানা মরে চেবাত্তে দিবো।

গীতসংহিতা 60:1

ও গোজেন, তুই আমারে এলাফেলা গোজ্যস্, আমারে গুড়ি গোজ্যস্; তুই অমকদ বেজার্ ওইয়োচ্, মাত্তর্ এবেরা তুই আমারে আগ অবস্‌তাদ্ ফিরেই আন।

গম্ উপদেজ্ 1:12

তারা যেবাবোত্যেগুরি পুরো কিয়্যেগান্দোই জেদাবাদে মরণ জাগাত, অত্তাৎ সে গাত্তোত্ লামন্দোই, সেবাবোত্যেগুরি এজঅ, আমি তারারে জেদাবাদে পুরো গিলি ফেলেই;

আবিলেচ্ 2:16

তর্ বেক শত্রুগুনে তঅ বিরুদ্ধে মুয়োনি দাঙর্ গুরি আহ্ গোজ্যন্; তারা ঠাট্টা-মশ্‌‌‌কারি গুরিনে দাদ্ কামেড়েনে কন্, “তারে আমি গিলি ফেল্যেই। এ দিন্নোত্তে আমি বাজ্জেই রোইয়্যেই আর সিবে দেগিলোং।”

আবিলেচ্ 2:2

যাকোবর্ বেক থেবার জাগায়ানি লগেপ্রভু গজক্ গোজ্যে, কনঅ মেয়্যে ন-গরে। যিহূদা-ঝিবোর্ ঘরানি তার অমকদ রাগে তে ভাঙি ফেলেয়্যে, সিয়েনি তে মাদিত্ ফেলেইনে ভস্ত গোজ্যে। তার রেজ্যগান আর নেতাগুনোরে তে অসর্মানত্ ফেলেয়্যে।

আবিলেচ্ 2:5

লগেপ্রভু শত্রু ধোক্ক্যেন ওইয়্যে; তে ইস্রায়েলরে গজক্ গোজ্যে। তে গজক্ গোজ্যে তার বেক্ দাঙর্ দাঙর্ ঘরানি আর ভস্ত গুরি দিয়্যে তার বেক্ তাম্বুলানি। তে যিহূদা-ঝিবোর্ মনত্ দুঘ্ আর আবিলেচ্ গরানা বাড়েই দিয়্যে।

হোশেয় 8:8

ইস্রায়েলীয়গুনোরে গিলি ফেলা ওইয়্যে; বাজে জিনিজো ধোক্ক্যেন তারা ইক্কিনে নানান্ জাদ ভিদিরে রোইয়োন।

১ করিন্হীয় 15:54

যিয়েন বর্‌বাদ অয় আর যিয়েন মুরি যায়, সিয়েনি যেক্কে সেবাবোত্যে গুরি বুদুলি যেবঅ সেক্কে পবিত্র বোইবোর্ এ কধাগান্ পূরোণ অবঅ যে, “মরণান্ ভস্ত ওইনে জিদেনাগান এচ্চ্যে।”

১ শমূয়েল 29:4

এ কধাগান শুনিনে পলেষ্টীয় সেনাপতিগুনে আখীশো উগুরে রাগ গুরিনে কলাক্, “মানুচ্চোরে তুই ফেরৎ পাধেই দে। তুই তারে যে জাগায়ান দুয়োচ্‌ তে সিয়োদোই ফিরি যোক্‌। তে আমা লগে যুদ্ধোত্‌ যেই ন-পারিবো। সালে যুদ্ধোত্‌ যেইনে তে আমা বিপক্ষে যেবঅ। তার্ গিরোজ্‌সোরে হুজি গুরিবাত্তে অলে তারে দঅ আমা মানুচ্চুনোর মাঢাবোলোই সিয়েন গরা পুরিবো।