গীতসংহিতা 55:5 - Chakma Bible

⁵ মরে দর্‌বুগে আর গির্‌গিরেনিয়ে ধোজ্যে; অমকদ দরে মুই জুরো গুরি আগং।

গীতসংহিতা 55:5 ပူးပေါင်းရင်းမြစ်များ

২ শমূয়েল 15:14

যিরূশালেমত্‌ দায়ূদোর যিদুক্কুন্‌ চাগর্ তা লগে এলাক্‌ তে তারারে কলঅ, “আঢ, আমি ধেই যেই। সিয়েন ন-অলে আমি কনজনে অবশালোম আঢত্তুন্‌ রোক্ষ্যে ন-পেবং। আমাত্তুন্‌ ইক্কিনে নিগিলা পুরিবো, দগেনলে তে যাদিমাদি এইনে আমারে অমকদ দযাত্ ফেলেব আর শঅরর্‌ বেক্কুনোরে শেজ্‌ গুরি দিবো।”

ইয়োব 21:6

এ কধানি মনত্‌ তুলিলে মুই দরাং; মঅ কিয়্যেত্‌ গির্‌গিরেনি উদে।

ইয়োব 6:4

বেগত্তুন্‌ খেমতাবলা গোজেনর সেল্‌লো মইদু ফুট্যে, মঅ পরাণানে সিবের্‌ বিষছান্‌ খার্‌; গোজেনর দর্‌গরেপারা কামানিয়ে মঅ বিরুদ্ধে সুর্‌ বুদিনে থিয়্যেইয়্যে।

গীতসংহিতা 119:120

তঅ দরে মঅ কিয়্যেগান গির্‌গিরে উদে; তঅ সুদোমানি মুই দরাং।

গীতসংহিতা 18:6

মুই এ দজাত্ মর্ গোজেন লগেপ্রভুরে ডাগিলুং আর বল্ পেবাত্তে তাইদু কানাকুদি গুরিলুং। তার্ থেবার ঘরানত্তুন্ তে মর্ রঅবো শুনিলো; মর্ কানানিগান তাইদু লুমিলো আর তা কানত্ গেলঅ।

গীতসংহিতা 42:6

ও মর্ গোজেন, মর্ পরাণান আজা নেইয়্যে ওইনে পোজ্যে; সেনত্তে দঅ মুই যর্দন গাঙর্ গড়াগানত্ থিয়্যেইনে, হর্মোণ মুড়োবোর মাঢাত্ আর মিৎসিয়র মুরোবোত্ থিয়্যেইনে তর্ কধাগান ভাবঙর্।

গীতসংহিতা 61:2

মুই যেক্কেনে নিরাজায়্ ভাঙি পড়ং সেক্কেনে পিত্‌থিমীর শেজ্ দুযিত্ থেলেয়ো সিয়োত্তুন্ মুই তরে ডাগিম। মরে তুই এন্ কনঅ অজল্ আশ্রয়-মুড়োত নেযেইনে রাগা যিয়েন মর্ নাগালর বারেন্দি।

যিশাইয় 21:4

মঅ মনান্ ধুক্ ধুক্ গরের্; অমকদ দর্ বুগ লাগিনে যারকাদা ছারি উদোন্। যে সাজোন্যেগানত্তে মুই বাজ্জেই থেদুং সিয়েন ইক্কিনে মইদু দর্‌গরেপারা ওইয়্যে।

যিহিষ্কেল 7:18

তারা বস্তা পাদা পিনিবাক্ আর অমকদ দরে গির্‌‌‌‌‌‌‌‌‌গিরেবাক্। তারা লাজত্ পড়িবাক্ আর তারার্ মাঢাগুন চুলানি মুড়েই দিয়্যে অবঅ।‌‌‌‌‌‌‌

লূকে লেখ্যে গম্ হবর্ 22:44

মনত্ দুঘে যীশু আরঅ এগামনে তবনা গল্ল। তা কিয়্যের্ ঘাম্ লো ফুদো ধোক্ক্যেন্ ওইনে মাদিত্ পরা ধল্ল।