গীতসংহিতা 54:7 - Chakma Bible

⁷ মরে বেক্ দযানিত্তুন তেয়ই মরে উদ্ধোর গোজ্যে; মুই নিজো চোগেন্দি মর্ শত্রুগুনোর উদি যানা দেখ্যং।

গীতসংহিতা 54:7 ပူးပေါင်းရင်းမြစ်များ

পত্থম 48:16

সেই স্বর্গদূত্তো, যিবে মরে বেক্‌ দজাত্তুন্‌ উদ্ধোর্‌ গোজ্যে, তে এ পুয়োগুনোরে বর্ দুয়োক্‌। ইগুনোরে দিইনে মর্‌ আর মঅ পুরোণি মানুজ্‌ অব্রাহাম আর ইসহাক নাঙানি জিংকানিবর্ বাঁজি থোক্‌। আমা দেজ ভিদিরে তারা বংশর্‌ মানুচ্চুনে জনেদি ভালোক্কুন্‌ বাড়োদোক্‌।”

২ শমূয়েল 4:9

জোবত্‌ দায়ূদে বেরোতীয় রিম্মোণর পূঅ রেখব আর তা ভেই বানারে কলঅ, “যিবে বেক্‌ দজাত্তুন্‌ মরে উদ্ধোর্ গোজ্যে সে জেদা লগেপ্রভুর নাঙে কঙর্‌,

গীতসংহিতা 112:8

তা মনান্ গমেডালে থির্ বিলিনে তে ন-দরায়; যেরেন্দি তে তার শত্রুগুনোরে ওদেই দিবো।

গীতসংহিতা 118:7

মর্ এজাল্ দিয়্যে ইজেবে লগেপ্রভু মঅ তপ্পে আঘে, সেনত্তে মর্ শত্রুগুনোর্ উদি যানাগান্ মুই দেগিম।

গীতসংহিতা 143:12

তর্ অমকদ কোচ্‌পানার কারনে তুই মঅ শত্রুগুনোরে ফেলেই দে; মর্ বেক বিপক্কগুনোরে তুই ভস্ত গর্, কিত্তে মুই তর্ চাগর্।

গীতসংহিতা 34:19

যে ন্যায়র পধেদি চলে তা দজাগান দাঙর্ অলেয়ো সিয়েনিত্তুন্ লগেপ্রভু তারে উদ্ধোর্ গরে।

গীতসংহিতা 34:6

এই অভাগ্যত্যেবো লগেপ্রভুরে ডাগিলো; তে তার্ ডাগনিলোই ইজিরে দিলো আর বেক্ দুঘোত্তুন্ তারে উদ্ধোর্ গুরিলো।

গীতসংহিতা 37:34

লগেপ্রভু উগুরে আজা রাগা, তা পধেন্দি আঢিচ্; তে তরে দাঙর্ গুরিবো যেনে তুই দেজর্ ভাগ্ পাজ্। পাজিগুনে ভস্ত অলে তুই সিয়েন দেগিবে।

গীতসংহিতা 59:10

গোজেনে তার অমকদ কোচ্‌পানাত্যে মইদু এবঅ, মর্ শত্রুগুনোর উদি যানা মরে চেবাত্তে দিবো।

গীতসংহিতা 91:8

পাজি মানুচ্চুনে কেজান্ পাওনা পান তুই বানা সিয়েন চোগেন্দি দেগিবে।

গীতসংহিতা 92:11

মর্ শত্রুগুনোর উদি যানা মুই নিজোর চোগেন্দি দেখ্যং; যিগুনে মর্ বিরুদ্ধে লাক্ক্যন্ সেই পাজি মানুচ্চুনোর কানানি মুই নিজো কানে শুন্যং।

২ তীমথিয় 4:18

প্রভু মরে বেক্ ভান্ন্যেই কামত্তুন্ রোক্ষ্যে গুরিবো আর গমেডালে তার্ স্বর্গীয় রেজ্যত্ নেযেব। যুগে যুগে উমরত্যে তার্ বাঈনী ওক্‌। আমেন।

১ শমূয়েল 26:24

এচ্চ্যে মইদু তর্‌ জিংকানিগান যেধোক্ক্যেন দাঙর্ মূল্যবান অলঅ সেধোক্ক্যেন্‌ লগেপ্রভুর ইদুয়ো যেনে মর্‌ জিংকানিগান দাঙর্ মূল্যবান অয়। তে যেনে বেক্‌ দযাত্তুন্‌ মরে উদ্ধোর্ গরে।”