গীতসংহিতা 54:6 - Chakma Bible

⁶ মুই নিজোর আওজে তর্ নাঙে য়েমান উৎসর্ব গুরিম; ও লগেপ্রভু, মুই তর্ বাঈনী গুরিম, কিত্তেই তুই মংগলময়।

গীতসংহিতা 54:6 ပူးပေါင်းရင်းမြစ်များ

গীতসংহিতা 107:22

তারা ভালেদি জানেবার-উৎসর্ব গোরোদোক্, রঙ্গ-ফুত্তির্ গীদ্ গেইনে তার বেক কামানির কধা কোদোক্।

গীতসংহিতা 116:17

মুই তর্ নাঙে ভালেদি জানেবার-উৎসর্গর্ অনুষ্ঠান গুরিম আর তর্ বাঈনী গরানা ফগদাং গুরিম।

গীতসংহিতা 118:7

মর্ এজাল্ দিয়্যে ইজেবে লগেপ্রভু মঅ তপ্পে আঘে, সেনত্তে মর্ শত্রুগুনোর্ উদি যানাগান্ মুই দেগিম।

গীতসংহিতা 140:13

গম্ মানুচ্চুনে হামাক্কাই তরে বাঈনী গুরিবাক্, আর যিগুনে দোল্ মনর্ মানুচ্ তারা তঅ মুজুঙোত্ বজত্তি গুরিবাক্।

গীতসংহিতা 147:1

লগেপ্রভুরে নাঙ্ গিনো ওক্। আমা গোজেনরে নাঙ্ গিনেদে গান গানা কত্তমান গম্! সিয়েন কি দোল্! তারে বাঈনী গরানা কত্তমান গম্!

গীতসংহিতা 21:13

ও লগেপ্রভু, তর্ বল্লোই তুই ফগদাং অ; আমি তর্ খেমতাগানরে নাঙ্ গিনিবোং আর গান গেবং।

গীতসংহিতা 50:14

গোজেন ইদু তর্ ভালেদিগানই তর্ উৎসর্ব ওক্; সেই দাঙর্‌বো ইদু তর্ বেক্ মান্যেগানি পূরোণ গুরি থেচ্।

গীতসংহিতা 52:9

তুই যিয়েন গোজ্যস্ সিয়েনত্তে জিংকানিবর্ মুই তর্ বাঈনী গুরিম; তুই মংগলময় বিলিনে তর্ ভক্তগুনোর্ মুজুঙোত্ মুই তরে বাজ্জেই থেম্।

গীতসংহিতা 7:17

লগেপ্রভু ন্যায়বিচের্ গরে, সেনত্তে মুই তারে ভালেদি জানেম; মুই দাঙর্ লগেপ্রভুর্ নাঙ্ গিনেদে-গান গেইম।

গীতসংহিতা 92:1

ও লগেপ্রভু, দাঙর্ গোজেন, দশতারা আর হার্‌মোনি বাজেইনে আর বাশিলোই তরে ভালেদি জানানা, তর্ নাঙ্-গিনেদে গান গরানা, বেন্যেমাদান্ তর্ অমকদ কোচ্‌পানার কধা আর রেদোত্ তর বিশ্বেজর্ কধা ফগদাং গরানা কদক্ হুজির কধা!

যিশাইয় 50:7

প্রভু লগেপ্রভু মরে সাহায্য গরে বিলিনে মুই অগমানিত ন-ওম্। সেনত্তে মুই চক্‌মকি পাত্তর ধোক্ক্যেন মঅ মুয়োন দরমর গোজ্যং, মুই ন-লাজেম্। ‌‌

যিশাইয় 50:9

প্রভু লগেপ্রভু মরে সাহায্য গোজ্যে, সেনত্তে কন্না মরে দুষি গুরিবো? তারা বেক্কুনে কাবড় ধোক্ক্যেন পূরোণ ওই যেবাক্; পুগে তারারে হেই ফেলেব।