গীতসংহিতা 54:5 - Chakma Bible

⁵ শত্রুগুনে মরে যে অমংগল গোজ্যন্ সিয়েনি তে তারা ইদু ফিরেই দিবো; ও প্রভু, তর্ বিশ্বেজ্‌চান্দোই তুই তারারে ভস্ত গুরি দে।

গীতসংহিতা 54:5 ပူးပေါင်းရင်းမြစ်များ

গীতসংহিতা 137:8

ও বাবিল মিলেবো, তরে ভস্ত গরা অবঅ; তুই যেবাবোত্যে আমা উগুরে গোজ্যস্, যে মানুচ্চো তঅ উগুরে সিয়েনি গুরিবো তে বর্ পেইয়্যে!

গীতসংহিতা 143:1

ও লগেপ্রভু, মর্ তবনাগান শুন্, মর্ কোজোলী গুরি কানানিগান তুই শুন্; তর্ বিশ্বেজ্‌‌চানে আর গম্ কামানিয়ে মরে জোব্ দে।

গীতসংহিতা 143:12

তর্ অমকদ কোচ্‌পানার কারনে তুই মঅ শত্রুগুনোরে ফেলেই দে; মর্ বেক বিপক্কগুনোরে তুই ভস্ত গর্, কিত্তে মুই তর্ চাগর্।

গীতসংহিতা 27:11

ও লগেপ্রভু, তর্ পথ্‌তান্ মরে দেগেই দে; মর্ শত্রুগুনোর্ কারনে সং পধেন্দি মরে চালেই নেযা।

গীতসংহিতা 31:23

ও বেক্ গোজেন ভক্ত মানুচ্চুন, তুমি লগেপ্রভুরে কোচ্‌পেয়ো। লগেপ্রভু বিশ্বেজিগুনোরে রোক্ষ্যে গরে মাত্তর্ বার্‌বোগুনোরে তে জদবদে সাজা দে।

গীতসংহিতা 5:8

ও লগেপ্রভু, মর্ ভালোক্কুন্ শত্রু আগন বিলিনে তর্ ন্যায়র্ পধেদি তুই মরে পরিচালনা গর্; তঅ পথ্‌তান্ মঅ মুজুঙোত্ উজু গুরি দে।

গীতসংহিতা 86:14

ও গোজেন, বার্‌বো গুরিয়্যেগুনে মঅ বিরুদ্ধে লাক্ক্যন্; অত্যেচারির দলুনে মঅ পরাণান্ নিবাত্তে চেট্ট্যা গত্তন্। তঅ উগুরে সেই মানুচ্চুনোর কনঅ ভোক্তি নেই।

গীতসংহিতা 89:49

ও প্রভু, কুদু তর্ সেই পুরোণী অমকদ কোচ্‌পানাগান? তর্ বিশ্বেজত্তে সেই কোচ্‌পানার শমক্তান্ তুই দায়ূদো ইদু গোজ্যস্।

গীতসংহিতা 94:23

তারার অন্যেয়ানি তে তারার মাঢা উগুরে আনিবো, তারার পাজি কামানিত্যে তে তারারে শেজ্ গুরি দিবো; আমা গোজেন লগেপ্রভু সিয়েন গুরিবো।

২ তীমথিয় 4:14

যে আলেক্‌সান্দরে তামা কাম গরে তে মরে বোউত ক্ষতি গোজ্জ্যে। তে যিয়েন গোজ্জ্যে সিয়েনর হেনা প্রভু শুজিবো।

ফগদাং পেইয়্যে 18:6

তে অন্যগুনো সমারে যেবাবোত্যে বেবহার গোজ্জ্যে তা সমারেয়ো সেবাবোত্যে বেবহার গর্; তা কামানির্ পুরোপুরি ফল তারে দে। যে গলজ ভিদিরে তে অন্যগুনোত্যে ভান্ন্যেই মিজেদ, সিয়েনত্ তার পুরোপুরি সাজা মিজেইনে তারে হেবাত্যে দে।