গীতসংহিতা 54:1 - Chakma Bible

¹ ও গোজেন, তর্ খেমতালোই তুই মরে উদ্ধোর গর্; মুই যে ন্যায়পদত্ আগং সিয়েন তর্ খেমতালোই তুই দেগেই দে।

গীতসংহিতা 54:1 ပူးပေါင်းရင်းမြစ်များ

২ বংশধর 20:6

ও লগেপ্রভু, আমা পূরোণি মানুচ্চুনোর গোজেন, তুই দঅ স্বর্গর গোজেন। তুই বেক্‌ জাদর্‌ রেজ্যগানিরে শাজন্ গুরি থাজ্‌। খেমতা আর বল্‌ তঅ আঢত্‌ আর কনজনে তরে মানা গুরি ন-পারিবাক্‌।

গীতসংহিতা 20:1

তর্ দুঘো দিনোত্ লগেপ্রভু তর্ ডাগনিলোই রিনি চোক্; যাকোবর্ গোজেনে তরে গমেডালে রাগোক্।

গীতসংহিতা 26:1

ও লগেপ্রভু, মুই যে ন্যায়র পধেদি আগং সিয়েন তুই দেগেই দে, কিত্যে মুই গমেডালে চলং; মুই থির্ গুরিনে লগেপ্রভু উগুরে বিশ্বেজ্ গরং।

গীতসংহিতা 48:10

ও গোজেন, তঅ পৌইদ্যেনে যেধোক্ক্যেন বেক্ মানুচ্চুনে হবর্ পান সেধোক্ক্যেন তর্ নাঙ্ গিনেনা পিত্‌থিমীর শেজ্ দুযি সং আঘে; তর্ ডেন্ আঢ্‌তান ন্যায়র কাম গুরিবার বল্লোই পরিপূরোণ।

গীতসংহিতা 79:9

ও আমা উদ্ধোর গুরিয়্যে গোজেন, তর্ বাঈনী গুরিবাত্যে তুই আমারে এজাল্ দে; তর্ সুনাঙ্ রাগেবাত্তে আমারে উদ্ধোর গর্ আর আমা পাপ্পানি খেমা গর্।

গীতসংহিতা 99:4

যে রাজা ন্যায়বিচের কোচ্‌পায় তা খেমতাগানরে তুয়ই অদে অদে রাগেয়োচ্, যেনে তে গমেডালে বিচের গুরি পারে। তুয়ই যাকোব বংশ ইদু ন্যায়বিচের আর ধর্মগান অদে অদে রাগেয়োচ্।

যাত্রা 23:21

তুমি তার্‌ কধা শুনিবা আর সিয়েন মানি চুলিবা। তুমি তা বিরুদ্ধে মনানি ঝাগুলুক্ ন-গোজ্য। তমা উল্লোমিগানি তে মাপ্‌ ন-গুরিবো, কিত্তে মুয়ই তা সমারে আগং।

গম্ উপদেজ্ 18:10

লগেপ্রভুর দরমর ঘর ধোক্ক্যেন্; গোজেন ভক্ত মান্‌জ্যে সিয়েনত্ যেইনে রোক্ষ্যে পায়।

গম্ উপদেজ্ 23:11

কিত্তে তারার্ উদ্ধোর্ গুরিয়্যেবো খেমতাবলা; তে তঅ বিরুদ্ধে মগদ্দমাত্ কুদুম্মো ইজেবে তারার তপ্পে নিবো।

যিশাইয় 30:27

চঅ, লগেপ্রভুর্ জোল্‌‍‌জোল্যে রাগ্‌‍‌কান আর ঘুর্‌‍‌ঘুজ্যে ধূমোগান মেঘ সমারে দূরোত্তুন্ এজের্; তা মুয়োন জদবদে রাগে ভরা আর তার জিলান্ পুড়ি ফেলাইদ্যে আগুনো ধোক্ক্যেন্।

যিরমিয় 50:34

মাত্তর্ তারার উদ্ধোর্ গুরিয়্যেবো খেমতাবলা; তা নাঙান্ বেগত্তুন খেমতাবলা লগেপ্রভু। তে দরমরগুরি তারার তপ্পে ওকালতি গুরিবো যেনে তারার দেজত্ শান্তি আর বাবিল আদাম্মেগুনোত্তে অশান্তি আনি পারে।”

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 10:21

ভেই ভেইয়োরে আর বাবে পুয়োরে মারে ফেলেবাত্তে ধুরি দিবো। পুয়ো-ছাগুনে মা-বাব বিরুদ্ধে থিয়্যেইনে তারারে খুন্ গোরেবাক্।

প্রেরিত্‌ 4:12

পাপত্তুন্ উদ্ধোর্ আর কারঅ ইধু পাহ্ ন-যায়, কিয়া গোদা পিত্‌থিমীত্ আর এমন্‌ কেঅ নেই যিবের্ নাঙে আমি পাপত্তুন্ উদ্ধোর্ পেই পারিই।”

১ শমূয়েল 26:1

পরেন্দি সীফোর মানুচ্চুনে গিবিয়াদত্‌ শৌলর ইদু যেইনে কলাক্, “যিশীমোনর ইদু হখীলা মুড়োবোত্‌ দায়ূদে পৌল্যেই আঘে।”