গীতসংহিতা 53:3 - Chakma Bible

³ তে দেগিলোদে বেক্কুনে ঠিগ্ পদত্তুন্ সুরি যেইয়োন, বেক্কুনে একসমারে ভান্ন্যেই ওই যেইয়োন; গম্ কাম গরন্ এবাবোত্যে কনজন নেই, একজন্‌অ নেই।

গীতসংহিতা 53:3 ပူးပေါင်းရင်းမြစ်များ

২ শমূয়েল 20:2

সেক্কে ইস্রায়েলর বেক্‌ মানুচ্চুনে দায়ূদোরে ছাড়িনে বিখ্রির পূঅ শেবের পিজেন্দি গেলাক্। মাত্তর্‌ যর্দনত্তুন্‌ যিরূশালেম সং বেক্‌ পথ্‌‌তান যিহূদার মানুচ্চুনে রাজার লগে লগে গেলাক্।

ইয়োব 15:16

সালে মানুচ্‌ যে অমকদ বজঙ্‌ আর পানি ধোক্ক্যেন্ বজঙানি খান্‌, তে কনমতে খাটি ওই ন-পারে।

গীতসংহিতা 14:3

তে দেগিলোদে, বেক্কুনে গম পদত্তুন্ সুরি যেইয়োন্, বেক্কুনে একসমারে বজং ওই যেইয়োন; গম কাম্ গরন এবাবোত্যে কনজন নেই, একজনঅ নেই।

যিশাইয় 53:6

আমি বেক্কুনে ভেড়া ধোক্ক্যেন গুরি ভান্ন্যেই পধেদি যেইয়্যেই; আমি বেক্কুনে যার্ যার্ পধেদি ফিজ্যেই। লগেপ্রভু আমার বেক্কুনোর অন্যেয়ানি তা উগুরে চাপি দিয়্যে।

যিশাইয় 64:6

আমি বেক্কুনে অসিজি মান্‌‌জ্য ধোক্ক্যেন ওইয়্যেই আর আমা বেক্ গম্ কামানি কজরা কাবড় ধোক্ক্যেন। আমি বেক্কুনে পাদা ধোক্ক্যেন শুগেই যেইয়্যেই, আমা পাপ‌্পানিয়ে বোইয়্যের ধোক্ক্যেন গুরি আমারে উড়েই নেযেয়্যে।‌

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

সফনিয় 1:6

যিগুনে লগেপ্রভুর পিজেদি চলানাত্তুন্ ফিরি যেইয়োন আর তার্ আওজ্ মজিম ন-চলন্ আহ্ তার্ আওজ্‌চান জানিবাত্তেয়ো ন-চান তারারে মুই শেজ্ গুরি দিম।”

রোমীয় 3:12

বেক্কুনে ঠিগ্ পদত্তুন্ সুরি যেয়োন, বেক্কুনে একসমারে বজং ওই যেয়োন্। গম্ কাম্ গরন্ এবাবোত্যে কেঅ নেই, একজন-অ নেই।

২ করিন্হীয় 7:1

কোচ্‌পেইয়্যে সমাজ্যেগুন, আমাত্যে এ বেক্‌ এগেমানি গরা আঘে বিলিনে এজঅ, আমি কিয়্যে আর মনর্ বেক্‌ অসিজিয়ানিত্তুন্ নিজোরে সিজি গুরিই আর গোজেন উগুরে ভক্তিগুরি দোরেইনে পুরোপুরি পবিত্রতার্ পধেদি উজেই যেই।

১ যোহন 2:29

তুমি যুনি কোই পারঅ, তে কনদিন্অ অন্যেয় ন-গরে মাত্তর্ ইয়েন হবর্ পেইয়ো-যিগুনে ন্যায় কামত্ নিজোরে কামত্ লাগান, গোজেনত্তুন্ তারার্ জর্ম ওইয়্যে।

৩ যোহন 1:11

পরাণর্ সমাজ্জ্যেগুন, ভান্ন্যেয়র্ পিজেদি ন-যেইনে বরং গমঅ পিজেদি আঢঅ। যে গম কাম গরে তে গোজেনর্ মানুচ্‌; আর যে ভান্ন্যেই কাম গরে তে গোজেনরে ন-দেগে।

ফগদাং পেইয়্যে 22:11

যে জঘন্য, তে ইয়েনর্ পরেদিয়ো জঘন্য থোক্। গম্ মানুচ্ ইয়েনর্ পরেদিয়ো গম্ কাম গরানাত্ থোক্ আর যে মানুচ্চো পবিত্র, তে ইয়েনর্ পরেদিয়ো পবিত্র থোক্।”