গীতসংহিতা 52:2 - Chakma Bible

² তর্ জিলানদি ভস্ত অবার্ সল্লার কধা নিগিলি এজের্; ও ছলনাগুরিয়্যে, তর্ জিলান্ যেন ধার্ দিয়্যে ক্ষুর ধোক্ক্যেন্।

গীতসংহিতা 52:2 ပူးပေါင်းရင်းမြစ်များ

গীতসংহিতা 109:2

পাজি ছলনাগোজ্যে মানুচ্চুনে মঅ বিরুদ্ধে মু খুল্যন্; তারার মিজেকধা কোইয়্যে জিলানিলোই তারা মঅ বিরুদ্ধে কধা কোইয়োন্।

গীতসংহিতা 120:2

ও লগেপ্রভু, মিজেকধা কোইয়্যেগুনোত্তুন্ আর ছলনাগুরিয়্যে জিলানিত্তুন্ তুই মরে রোক্ক্যে গর্।

গীতসংহিতা 50:19

ভান্ন্যেই কধালোই তর্ মুয়োন মেল্যে, তর্ জিলানে ছল গুরিনে কধা কয়।

গীতসংহিতা 57:4

পেত্ পরায় পাগল সিংহ ধোক্ক্যেন মান্‌জ্যর্ সংমধ্যে মুই পড়ি আগং; তারার দাত্‌তুন্ যাদি আর শেল ধোক্ক্যেন, আর জিলান্ ধারেয়্যে ছুরি।

গীতসংহিতা 59:7

চাহ্, তারা মুয়োন্দি কি বেক্ কধানি নিগিলেয়োন্, তারার ঠুদোত্তুন যেন লাম্বা ছুরি নিগিলি এজের্; তারা কদন, “আমা কধানি কনজনে ন-শুনিবাক্।”

গম্ উপদেজ্ 12:18

আপাদাজ্যে কধা ছুরি ধোক্ক্যেন্ বুগোত্ ফুদে, মাত্তর্ জ্ঞানীগুনোর্ কধা গম্ লাগে।

গম্ উপদেজ্ 18:21

মুয়ো কধানি উগুরে নির্ভর গরে জিংকানি আর মরণান; যিগুনে যগাজ্যে কধা কবাত্তে গম্ পান তারা সিয়েনর ফল পেবাক্।

গম্ উপদেজ্ 30:14

তারার দাত্‌‌তুন যেন তলোয়ার আর মারিগান যেন ছুরি ধোক্ক্যেন্, যেনে তারা পিত্‌‌থিমীত্তুন্ দুঘি মানুচ্চুনোরে আর মান্‌‌জ্য ভিদিরেত্তুন্ অভাবীগুনোরে গিলিক্ গুরি পারন।

যিরমিয় 18:18

মানুচ্চুনে কলাক্, “আঢ, আমি যিরমিয়র বিরুদ্ধে ফন্দি গুরিই; কিত্তে ধর্মগুরুগুন ইধু রীদি-সুদোমর্ শিক্ষ্যে, জ্ঞানীগুনো ইধু সল্লা আর ভাববাদীগুনো ইধু গোজেনর কধা দঅ আঘে। সেনত্তে এজঅ, আমি আমা মুয়ো কধালোই তারে দুষি গুরিই আর তা কধায় মনযোগ ন-দিই।”

মথি লেখ্যে গম্ হবর্ 26:59

যীশুরে মারে ফেলেবাত্যে আজল্ ধর্মগুরুগুনে আর তেম্মাঙর্ বেক্ মানুচ্চুনে তা বিরুদ্ধে কিজু মিজে সাক্ষী তগা ধুরিলাক্।

প্রেরিত্‌ 24:1

পাচ্ দিন পরেদি দাঙর্ ধর্মগুরু অননিয় কয়েক্কো যিহূদী বুড়ো নেতা আর তর্তুল্ল নাঙে এক্কো উকিলোরে নেযেইনে কৈসরিয়াত্ গেলঅ আর পৌল বিরুদ্ধে আজল্ শাসন গুরিয়্যেবো ইধু আবিত্তি জানেল।

প্রেরিত্‌ 24:5

“আমি দেক্ক্যেই এ মানুচ্চো এক্কো ফি-বলা; আমিযে তে যাগুলুগ্ বাজেই দি থায়। গোদা পিত্‌থিমীর্ যিহূদীগুনো ইধু তে যাগুলুগ্ বাজেই দিইনে বেড়ায়। তে নাসরতীয় নাঙে এক্কো ধর্ম-বিরুদ্ধ দলর্ নেতা।

২ করিন্হীয় 11:13

আসলে সেবাবোত্যে মানুচ্চুনে দঅ ভন্ড প্রচারক আর দগাবাজ্। নিজোরে খ্রীষ্টর্ প্রচারক বিলিনে দেগেবার আজায় তারা নিজোরে বুদুলি ফেলান্।

২ করিন্হীয় 4:2

মান্‌জ্যে গুমুরোত্ যেদক্কানি লাজ্ গরেদে বাবোত্যে কাম্ গরন সিয়েনি আমি এক্কুবারে ন-গুরিই। আমি কনঅ কামত্ ছলনা ন-গুরিই, গোজেন কধানিত্ কনঅ ভুলোর্ ভেজাল্ ন-দিই। আমি বরং গোজেনর্ সত্যগান্ ফগদাং গুরিনে তা মুজুঙোত্ বেক্‌ মানুচ্চুনোর্ বিবেগ ইধু নিজোরে মানি লোইয়্যে বিলিনে তুলি ধুরিই।

ফগদাং পেইয়্যে 12:10

সে পরেদি মুই স্বর্গত্তুন্ দাঙর্ দাঙর্ গুরি একজনরে কধে শুনিলুং, ইক্কিনে উদ্ধোর্, খেমতা আর আমার গোজেনর্ রেজ্য আর তার্ মশীহর খেমতা লুম্মেগি, কিয়া যিবে আমা ভেইবোরে দুষ্ দিদো তারে স্বর্গত্তুন্ ফেলেই দিয়্যে ওইয়্যে। আমা গোজেন মুজুঙোত্ তে দিন-রেত্ তারারে দুষ্ দেগেদ।

১ শমূয়েল 22:9

ইদোমীয় দোয়েগে সে অক্তত্‌ শৌলর কামগুরিয়্যেগুনোর কায়-কুরে এলঅ। তে কলঅ, “মুই যিশয়র পূঅবোরে নোব আদামত্‌ অহীটূবোর্ পূঅ অহীমেলক ইদু যাদে দেখ্যং।