গীতসংহিতা 51:6 - Chakma Bible

⁶ তুই মনান ভিদিরে সত্যগান দেগিবাত্তে চাজ্; তুয়ই মর্ মনানর্ গভীনোত্ জ্ঞানান্ দে।

গীতসংহিতা 51:6 ပူးပေါင်းရင်းမြစ်များ

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

১ বংশধর 29:17

ও মর্‌ গোজেন, মুই হবর্‌ পাঙ্, তুই মনানিরে যগা চাজ্‌ আর গমত্‌ হুজি অচ্‌। এ বেক্‌ জিনিজ্‌ছানি মুই হুজি ওইনে আর মন ভোক্তিলোই দুয়োং। ইক্কিনে মুই দেগিনে হুজি অলুং, তঅ মানুচ্চুনে যিগুনে ইদু আগন্‌ তারায়ো কেধোক্ক্যেন হুজি ওইনে তরে দুয়োন্‌।

ইয়োব 32:8

সত্যি মান্‌জ্য ভিদিরে আত্মা আঘে, আর বেগত্তুন্ খেমতাবলা গোজেনর নিজেসে তারে বুঝিবার বল্ দিয়্যে।

ইয়োব 38:36

কন্না মনানরে জ্ঞান দিইনে সাজেয়্যে, বা মনানরে বুঝেবার বলান্ দিয়্যে?

গীতসংহিতা 125:4

ও লগেপ্রভু, যিগুনে গম্ আর মনেদি খাটি তারারে তুই ভালেদি গর্;

গীতসংহিতা 15:2

তেয়ই যগাজ্যে, যিবে গমেডালে জিংকানি কাদায়, গম কাম্ গরে, মনত্তুন্ সত্য কধা কয়,

গীতসংহিতা 26:2

ও লগেপ্রভু, তুই মরে খাটি বিলিনে প্রমান গর্; মরে যগা চাহ্, আর মঅ মনান্ আর মন চিন্তেগান নিগিলেই ফেলা;

গীতসংহিতা 32:5

সেক্কেনে মঅ পাপ্পান্ মুই তইদু স্বীগের্ গুরিলুং, মঅ অন্যেয়ান্ মুই আর্ ঢাগি ন-রাগেলুং। মুই কোইয়োংগে, “মর্ উল্লোমির কধা মুই লগেপ্রভু ইদু স্বীগের্ গুরিম।” সেনত্তে পাপর্ কারনে মঅ দুষ্‌ছানি তুই খেমা গুরি দিলে।

গীতসংহিতা 41:5

মর্ শত্রুগুনে মর্ অমংগল চেইনে কন্, “তে কক্কে মুরিবো? কক্কে তা নাঙান্ বাদ যেবঅ?”

গীতসংহিতা 5:9

মঅ শত্রুগুনোর কনঅ কধা বিশ্বেজ্ গরা ন-যায়, তারা মনত্ আগেদে ভস্ত অইদে মনভাব, তারা মুয়োনি যেন মেল্যে গোর ধোক্ক্যেন্, জিল্লোই তারা থেঝেরামাজ্যে কধা কন্।

গম্ উপদেজ্ 2:21

গম্ মানুচ্চুনে দেজত্ বজত্তি গুরি পারিবাক্, নিদ্দুযি মানুচ্চুনে সিগুনো ভিদিরে টিগি থেবাক্;

গম্ উপদেজ্ 2:6

কিত্তে লগেপ্রভু গম বুদ্ধি দান গরে, তা মুয়োত্তুন্ জ্ঞান আর বিচের বুদ্ধি নিগিলি এজে।

যিরমিয় 12:1

ও লগেপ্রভু, মুই যেক্কে তঅ বিরুদ্ধে কনঅ আবিত্তি গরং সেক্কে তুই যে নিদ্দুযি সিয়েনি নিত্য ফগদাং অয়। তো মুই তঅ বিচের পৌইদ্যেনে তঅ লগে কিজু কধা কোম্। পাজিগুনোর পথ্‌‍‍‌‌‌‌তান কেনে গম্ অয়? যিগুনে বেঈমানী গরন তারা কেনে আরামে বজত্তি গরন?

যিরমিয় 31:33

পরেদি মুই ইস্রায়েলীয়গুনোত্তে যে সুদোমান থিদেবর্ গুরিম সিয়েন অলঅ, মর্ রীদি-সুদোমান্ মুই তারার মন ভিদিরে রাগেম আর তারার মনত্অ সিয়েন লিগি রাগেম। মুই তারার গোজেন ওম্ আর তারা মঅ মানুচ্ অবাক্।

যিরমিয় 32:40

মুই তারাত্তে এই জিংকানিবরর্ সুদোমান থিদেবর্ গুরিম, মুই তারার ভালেদি গরানা কনদিন্‌অ বন্ধ ন-গুরিম। মুই তারা মনত্ ভোক্তিবলা দর্ লাগেম্ যেনে তারা কনদিন্‌অ মত্তুন্ ফিরি ন-যান।

যিরমিয় 5:3

ও লগেপ্রভু, তুই কি সত্যগান দেগিবাত্তে ন-চাজ্? তুই তারারে আঘাত্ গুরিলেয়ো তারা পিড়ে ন-পান; তুই তারারে গুড়ি গুরিলেয়ো তারা সংশোধনান্ এলাফেলা গোজ্যন্। তারার মুয়োনি তারা পাত্তরত্তুন্‌অ বেশ্ দর গুরিনে মনান ফিরেদে অস্বিগের্ গোজ্যন।

লূকে লেখ্যে গম্ হবর্ 11:39

প্রভু তারে কলঅ, সালে শুনো, তুমি, অত্তাৎ ফরীশীগুন থাল্ আর কদরা বারেদিগান্ তেল্‌তেল্যে গুরি রাগঅ, মাত্তর্ তমা ভিদিরেদিগান্ লুভে আর ভান্ন্যেয়দি ভরা।

রোমীয় 7:22

মঅ মনানে গোজেনর্ রীতি-সুদোমে হুজি অয়;

২ করিন্হীয় 1:12

আমি যিয়েনত্যে দেমাগে ফুলি উদিই সিয়েন এই-আমা বিবেগ্‌‌‌কানিয়ে এ সাক্ষ্যগানি দেত্তে যে, গোজেনর্ দিয়্যে পবিত্রতালোই আর সরলতায় আমি বেক্ মানুচ্চুনো ইধু, বিশেষ গুরি তমা ইধু জিংকানি কাদেয়্যেই। সেই জিংকানিগানি আমি জগদ জ্ঞানর্ পরিচালনায় ন-কাদেই বরং গোজেনর্ দোয়্যেই পরিচালনায় কাদেয়্যেই।

যাকোব 4:8

গোজেন ইধু উজেই যঅ, সালে তেয়ো তমা ইন্দি উজেই এবঅ। পাপীগুন্, তুমি নিজোরে সাব্ গরঅ। দ্বিমনা মানুচ্চুন, তমা মনানি খাটি গরঅ।

১ পিতর 3:4

বরং যিবের্ দোল্ জিনিচ্‌সান ভস্ত ওই ন-যেবঅ সে নরম আর শান্ত- খাচ্চ্যদ্‌তোই তমা মনানিরে সাজঅ। গোজেনর্ চোগেদি সিয়েনই বেশ্ দামী।

১ শমূয়েল 16:7

মাত্তর্‌ লগেপ্রভু শমূয়েলরে কলঅ, “তার চেঙারাগান কেধোক্ক্যেন বা তে কু্‌দ্দুর লাম্বা সিয়েন তুমি চেবাত্তে ন-যেয়ো, কিত্যে মুই তারে এলাফেলা গোজ্যং। মান্‌জ্যে যিয়েন দেগিদাক সাৎ সিয়েন্দোই কিচ্ছু ন-অবঅ, কিত্যে মান্‌জ্যে দেগন্দে বারেন্দি চেঙারাগান্‌ মাত্তর্‌ লগেপ্রভু চাইদে মনান্‌।”