গীতসংহিতা 51:5 - Chakma Bible

⁵ অয়, জন্মত্তুন্ ধুরি মুই অন্যেয় কামত্ আগং; পাপর্ অবস্থায় মুই মা পেদত্ এলুং।

গীতসংহিতা 51:5 ပူးပေါင်းရင်းမြစ်များ

পত্থম 5:3

একশ ত্রিশ বজর বয়জত্‌ আদমর্ এক্কো পুয়ো জর্ম অলঅ। পুয়োবো বারেদি আর ভিদিরেদি রিনি চেলে তা ধোক্ক্যেন্‌ ওইয়্যে। আদমে তা নাঙান্‌ দিলো শেথ।

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

ইয়োব 14:4

অসিজিত্তুন্‌ কি কনজনে সিজি কিজু বানেই পারন্‌? কনজনে ন-পারন্‌।

গীতসংহিতা 58:3

জর্মত্তুন ধুরি পাজিগুনে ভান্ন্যেই পধেন্দি যান; যিগুনে মিজে কধা কন্, জর্মত্তুন ধুরি তারা বজং পধেদি থান্।

লেবীয় 15:18

কনঅ মরদ যেক্কে কনঅ মিলেমান্‌জ্যলোই ঘুম যায়্‌ সেক্কে লের্‌ নিগিলিলে দ্বিজনত্তুন্‌ পানিলোই গাদা পুরিবো, আর তারা সাজোন্যে সং ফি-বলা অবস্থায় থেবাক্।

যোহন 3:6

মান্‌জ্যত্তুন্ যিবে জর্মায় সিবে মানুচ্‌, আর যিয়েন্ পবিত্র আত্মাত্তুন্ জর্মায় সিয়েন্ আত্মা।

রোমীয় 5:12

এক্কো মান্‌জ্যর্ মাধ্যমে পাপ পিত্‌থিমীত্ এচ্চ্যে আর সেই পাপর্ মাধ্যমে মরণ-অ এচ্চ্যে। বেক্‌ মানুচ্চুন্ পাপ গোজ্জ্যন্ বিলিনে এবাবোত্যেগুরি বেক্কুনো ইধু মরণান্ লুম্মেগি।

ইফিষীয় 2:3

আমি বেক্কুনে আমার পাপ-খাচ্চ্যদর্ কামনা পুরেইনে সেই মানুচ্চুনো ইধু এক সময় জিংকানি কাদেদং। পাপ-খাচ্চ্যদত্তুন্ যেদক্কানি আয়োজ আর চিন্তে জাগে আমি সে অনুসারে কাম গুরিদোং। এ খাচ্চ্যদত্যে আমিয়ো অন্য বেক্কুনো ধোক্ক্যেন গোজেনত্তুন্ সাজা পেবার্ যগাজ্যে এলং।