গীতসংহিতা 51:3 - Chakma Bible

³ মর্ বেক্ উল্লোমির কধানি মর্ চেদনত্ আঘে; মর্ পাপ্পানি নিত্য মত্তুন্ মনত্ আঘে।

গীতসংহিতা 51:3 ပူးပေါင်းရင်းမြစ်များ

নহিমিয় 9:2

ইস্রায়েল জাদর্‌ মানুচ্চুনে অন্য জাদর্‌ বেক্‌ মানুচ্চুনোর্‌ ইত্তুন্‌ নিজোরে ফারগ্‌ গুরি নিলাক্‌। তারা থিয়্যেইনে নিজোর্‌ পাপ আর তারার্‌ পূরোণিমানুচ্চুনোর্‌ ভান্ন্যেইয়ানি স্বীগের্‌ গুরিলাক্‌।

ইয়োব 33:27

তে সেক্কেনে মান্‌জ্য ইদু এইনে কবঅ, মুই পাপ গোজ্যং আর যিয়েন ঠিগ্ সিয়েনর্ উগুদো গোজ্যং, মাত্তর্ মর্ পাইদে সাজাগান্ মুই ন-পাং।

গীতসংহিতা 32:5

সেক্কেনে মঅ পাপ্পান্ মুই তইদু স্বীগের্ গুরিলুং, মঅ অন্যেয়ান্ মুই আর্ ঢাগি ন-রাগেলুং। মুই কোইয়োংগে, “মর্ উল্লোমির কধা মুই লগেপ্রভু ইদু স্বীগের্ গুরিম।” সেনত্তে পাপর্ কারনে মঅ দুষ্‌ছানি তুই খেমা গুরি দিলে।

গীতসংহিতা 38:18

মঅ দুজ্‌‌ছান মুই হাম্ কাঙর্; মর্ পাপত্তে মঅ মনান্ দুশ্চিন্তেলোই ভরা।

গীতসংহিতা 40:12

কিয়া ভালোক্কানি দযায় মরে ঘিরিনে ধোজ্যে; পাপে মঅ পিজেন্দি লড়ার্ মঅ উগুরে লুম্মেগি। মুই ন-দেগঙর্; সিয়নি মর্ চুলানিত্তুন্‌অ বেশ্; সাহস কদে মর্ আর্ কিচ্ছু নেই।

গীতসংহিতা 41:5

মর্ শত্রুগুনে মর্ অমংগল চেইনে কন্, “তে কক্কে মুরিবো? কক্কে তা নাঙান্ বাদ যেবঅ?”

গম্ উপদেজ্ 28:13

যে মানুচ্চো নিজোর পাপ গুমুরোত্ রাগায় তার ভালেদি ন-অয়, মাত্তর্ যে সিয়েনি স্বিগের্ গুরিনে ছাড়ি দে তে দোয়্যে পায়।

যিশাইয় 43:25

“মুই, মুয়ই মর্ নিজোত্তে তঅ অন্যেয়ানি ফুজি ফেলাং; মুই তঅ পাপ্‌‌‌‍পানি আর ইদোত্ ন-তুলিম।‍

যিশাইয় 59:12

ও লগেপ্রভু, তঅ চোগেদি আমার অন্যেয়ানি বোউত্ বেশ্; আমা পাপ্‌পানিয়ে আমা বিরুদ্ধে সাক্ষি দে। আমা অন্যেয়ানি আমা সমারে সমারে আগে আর আমা দুষ্‌চানি আমি হবর্ পেই।‌

যিরমিয় 3:25

এজঅ, আমি আমার লাজ্ গরেপারা কামানি ইধু পুরি থেই, আমা অগমানানিয়ে আমারে ঢাগি ফেলোক্। চিগোনত্তুন্ ধুরি এচ্চ্যে সং আমি আমার গোজেন লগেপ্রভুর বিরুদ্ধে পাপ গুরি এজির্, আর আমা পুরোণি মানুচ্চুনেয়ো সিয়েনি গোজ্যন। আমি আমার গোজেন লগেপ্রভুর বাধ্য ন-ওই।”