গীতসংহিতা 51:2 - Chakma Bible

² মর্ বেক্ অন্যেয়ানি তুই ধোই ফেলা; মর্ পাপ্পানিত্তুন্ মরে সিজি গর্।

গীতসংহিতা 51:2 ပူးပေါင်းရင်းမြစ်များ

২ শমূয়েল 11:4

দায়ূদে তারে আনিবাত্তে মানুচ্‌ পাদেল। তে তাইদু এজানার্‌ পরেন্দি দায়ূদে তা সমারে সিনেলী গুরিলো। মিলেবো সেক্কে তা মাসিগোর্‌ অসিজিত্তুন্‌ সুদ্ধো সাংগ ওইয়্যে। ইয়েনর্ পরেন্দি মিলেবো তা ঘরত্‌ ফিরি গেলঅ।

২ শমূয়েল 12:1

লগেপ্রভু সেক্কে নাথনরে দায়ূদো ইদু পাদেল। তে দায়ূদো ইদু যেইনে কলঅ, “কনঅ এক্কান্‌ শঅরত্‌ দ্বিজন মানুচ্‌ এলাক্। তারার্‌ একজনে থাগোয়্যে আর অন্যজনে নাঢা।

গীতসংহিতা 19:12

নিজোর্ ভুলানি কন্না বুঝে? মর্ হবর্ ন-পেইয়্যে দুষ্‌‌ছানি তুই খেমা গর্।

গীতসংহিতা 51:7

এসোব গাজর্ ডাল্লোই তুই মরে সিজি গর্, সিয়েন্দোই মুই সিজি ওম্; মরে ধোই ফেলা, সেক্কে মুই ধোক্ ধোক্যে ধুব্ ওম।

যিশাইয় 1:16

তুমি নিজোরে খাটি গরঅ, সিজি অ। মঅ চোগো মুজুঙোত্তুন্ তমার্ বেক্ ভান্ন্যেই কামানি দূর্ গুরি দুয়ো; সিয়েনি আর ন-গোজ্য।

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

যিহিষ্কেল 36:25

মুই তমা উগুরে সাব্ পানি ছিদি দিম্, আর সেক্কে তুমি সিজি অবা; তমার্ বেক্ কজরানি আর মূত্তিগুনোত্তুন্ মুই তমারে সিজি গুরিম।

লেবীয় 13:58

জিনিস্‌ছান্‌ ধনার্‌ পরেদি যুনি দেগা যায় ফারাঙিগান্‌ মিলে যেইয়্যে সালে সিয়েন্‌ আরঅ‌ ধোয়্‌ ফেলা পুরিবো, সেক্কে সিয়েন্‌ শুদ্ধো-সাংগ অবঅ।”

সখরিয় 13:1

মুই বেগত্তুন্ খেমতাবলা লগেপ্রভু কঙর্, সেদিন্যে দায়ূদো বংশর আর যিরূশালেম আদাম্মেগুনোর পাপ আর অসিজিগান ধোই ফেলেবাত্তে এক্কো পয়নালা খুলো অবঅ। সেদিন্যে দেজত্তুন্ মূত্তিগুন দূর গুরি দিয়্যে অবঅ আর তারার্ নাঙানিয়ো আর কারঅ মনত্ ন-থেবঅ। মুই দেজত্তুন্ তারার্ ভাববাদীগুনোরে দূর্ গুরি দিম আর ভান্ন্যেই আত্মাগুনোরেয়ো দূর্ গুরি দিম।

যোহন 13:9

সেক্কে শিমোন-পিতরে কলঅ, “প্রভু, সালে বানা মঅ টেঙানি নয়, মঅ আঢ্‌তানি আর মাঢাবোয়ো ধোই দে।”

প্রেরিত্‌ 22:16

ইক্কিনে তুই কিত্ত্যে দেরি গরর্? উদিনে বাপ্তিষ্ম লঅ আর পাপত্তুন্ উদ্ধোর্ পেবাত্যে যীশুরে ডাগিনে তর্ বেক্ পাপ্‌পানি সাব্ গুরি ফেলা।

১ করিন্হীয় 6:11

তমা ভিদিরে কেঅ কেঅ সেবাবোত্যে এলা, মাত্তর্ প্রভু যীশু খ্রীষ্টর্ মাধ্যমে আর আমা গোজেন আত্মার্ মাধ্যমে তমারে ধোইনে সাব্ গরা ওইয়্যে, গোজেন নাঙে যুদো গরা ওইয়্যে আর নিদ্দুজি বিলিনে মানি লুয়ো ওইয়্যে।

ফগদাং পেইয়্যে 7:14

মুই তারে কলুং, “চাহ্, সিয়েন তুয়ই কোই পারচ্।” তে মরে কলঅ, “সেই অমকদ দুঘোত্তুন্ যিগুনে এচ্চ্যন ইগুনে সিগুনই। ইগুনে তারার্ কাবড়ানি ভেড়া-ছঅ লো-লোই ধোইনে ধুব্ গোজ্জ্যন।