গীতসংহিতা 51:18 - Chakma Bible

¹⁸ তর্ মংগলর্ আওজ্‌সোই তুই সিয়োনরে ভালেদি গর্; তুই যিরূশালেমর দেবালান তুলিবার কামান চালেই যাহ্।

গীতসংহিতা 51:18 ပူးပေါင်းရင်းမြစ်များ

নহিমিয় 2:17

পরেন্দি মুই সে দাঙর্‌ পোজিশনর্‌ কাম্‌গুরিয়্যেগুনোরে কলুঙ্‌, “আমি যে কেধোক্কেন্‌ দুঘোত্ আগিই সিয়েন্‌ তুমি দেগর্‌। যিরূশালেমান ভস্ত ওই রোইয়্যে আর সিয়েনর্‌ গেট্‌তুন্‌ আগুন্দোই পুড়ো ওইয়্যে। এজঅ, আমি যিরূশালেমর দেবালান্‌ আরঅ গাদেইনে তুলিই। ইয়েন্দোই আর আমি ঘিনাইদে মানুচ্‌ ওই ন-থেবং।”

গীতসংহিতা 102:16

লগেপ্রভু আরঅ সিয়োনানরে বানেব, আর তে নিজোর মহিমালোই দেগা দিবো।

গীতসংহিতা 147:2

লগেপ্রভু যিরূশালেমানরে গড়েই তুলিবো; দূর্ গুরি দিয়্যে ইস্রায়েলীয়গুনোরে তেয়ই এগত্তর্ গরে।

গীতসংহিতা 25:22

ও গোজেন, ইস্রায়েলরে তার বেক্ দুখকানিত্তুন্ উদ্ধোর্ গর্।

গীতসংহিতা 40:7

সেনত্তে মুই কোইয়োং, “এইয়্যে দঅ মুই এচ্যং; পবিত্র বাইবেলত মর্ এজানার পৌইদ্যেনে লেগা আঘে।

গীতসংহিতা 69:35

কিত্তেই গোজেনে সিয়োনানরে উদ্ধোর্ গুরিবো, যিহুদার শঅরানরে আরঅ বানেব; সেক্কেনে তা মানুচ্চুনে সিদু বজত্তি গুরিবাক্ আর সিয়েনর অধিকারি অবাক্।

যিশাইয় 51:3

মুই হামাক্কাই সিয়োনানরে বুঝেম্ আর তার বেক্ ভস্তর্ জাগানি উগুরে মেয়্যে গুরিম; তার ধূল্যেচর-চাগালাগানরে মুই এদন বাগান ধোক্ক্যেন গুরিম আর ধূল্যেচরানরে লগেপ্রভুর বাগান ধোক্ক্যেন গুরিম। সিয়েন ভিদিরে, রঙ্গ, ফুত্তি, ভালেদি আর গীদোর্ রঅ পাহ্ যেবঅ।

যিশাইয় 58:12

তমা মানুচ্চুনে আগে ভস্ত ওইয়্যে জাগায়ানি আরঅ বানেবাক্ আর পুরোণি দিনো গড়াগানি উগুরে আরঅ গাড়েবাক্; তমারে কুয়ো অবঅ ভাঙা দেবাল আর বজত্তি গুরিবার জাগানর পথ্‌তানি ঠিগ্ গুরিয়্যে।‍‌

যিশাইয় 62:1

মুই সিয়োনর তপ্পে আঘং সেনত্তে জুরো গুরি ন-থেম্, যিরূশালেমর তপ্পে আঘং সেনত্তে বোই ন-থেম্, যেদক্কন সং তার সততাগান বেন্যেমাদান্ পহ্‌র ধোক্ক্যেন আর তার উদ্ধোরান জোল্ জোল্যে বম্বা ধোক্ক্যেন ওইনে দেগা ন-দে।‍‍

যিরমিয় 51:50

তুমি যিগুনে মরণর্ আঢত্তুন্ রোক্ষ্যে পেইয়ো তুমি আঢি এজঅ, দেরি ন-গোজ্য। দূর দেজত্ থেবার অক্তত্ লগেপ্রভুরে ইদোত্ তুলো আর যিরূশালেম পৌইদ্যেনে চিদে গরঅ।

দানিয়েল 9:25

“তুই জানি লঅ আর বুঝি লঅ, যিরূশালেমরে আরঅ ঠিগ্ গুরিবার আর বানেবার উগুম ফগদাং অনাত্তুন্ ধুরি আরাম্ভ গুরিনে সেই মশীহর, অত্তাৎ শাজন্‌গুরিয়্যেবোর এযানা সং সাত গুণ সাত বজর্ আর বাষট্টি গুণ সাত বজর অবঅ। শঅর-চক্করুন আর শঅর রোক্ষ্যের্ বেবস্থা আরঅ নূয়ো গুরিনে বানা অবঅ আর সিয়েন গরা অবঅ দুঘো সময়োত্।

মীখা 6:7

লগেপ্রভু কি আজার্ আজার্ ভেড়া বা দশ আজার গাঙ্ ভরা জলপাই তেল্লোই হুজি অবে? মর্ অন্যেয়ত্তে কি মুই মর্ পত্তম পুয়োবো, মর্ পাপত্তে মঅ কিয়্যের্ ফল উৎসর্ব গুরিম?

মীখা 7:11

ও যিরূশালেম, সে অক্তত্ তর্ দেবাল গাদনিগান তুলো অবঅ, তঅ দুযিগান বাড়া অবঅ।

সখরিয় 2:5

লগেপ্রভু কত্তে, তে নিজেই সিয়েনর চেরোকিত্তে আগুনোর দেবাল অবঅ আর তেয়ই তার মহিমায় সিয়েনত্ থেবঅ।’ ”

লূকে লেখ্যে গম্ হবর্ 12:32

ও মর্ ভেড়া ছাগল চিগোন্ পাল্লো, ন-দোরেয়ো, কিয়া তমা বাপ্পোর্ আওজ্‌‌‌চান ইয়েন, তা রেজ্যগান্ তে তমারে দিবো।

ইফিষীয় 1:9

ঠিগ্ যেবাবোত্যে তে চেইয়্যে আর খ্রীষ্টর্ মাধ্যমে আগেবাগে ঠিগ্ গুরি থোইয়্যে, সেই মজিম তে তার্ গুমুরো উদ্দেচ্চ্যগানি আমারে জানেয়্যে।

ফিলিপীয় 2:13

গোজেনে তমা মনত্ এন্ গুরিনে কাম্ গরের্ যিয়েনত্যে তে যে কামত্ হুজি অয় সেবাবোত্যে কাম গুরিবার আওজ্ আর খেমতা তমার্ অয়।

২ থিষলনীকীয় 1:11

সেনত্যে আমি নিত্য তমাত্যে তবনা গুরি থেই যেন আমা গোজেনে তমারে তার্ ডাগনির্ যগাজ্জ্যে বিলিনে মনে গরে, আর যেন তার্ খেমতালোই তমার্ গম্ কাম গুরিবার আওজ্‌চানি তে পুরেই দে আর বিশ্বেজর্ ফলে তুমি যে কামানি গরর্ তে যেন সিয়েনি পূরোণ গুরি দে।