গীতসংহিতা 51:15 - Chakma Bible

¹⁵ ও প্রভু, মর্ মুয়োন খুলি দে, মুই তর্ নাঙ্ গিনেনা ফগদাং গুরিম।

গীতসংহিতা 51:15 ပူးပေါင်းရင်းမြစ်များ

পত্থম 44:16

যিহূদা কলঅ, “বাবুরে আমি কি কবং? কি জোব্ বা দিবোং? আর কেধোক্ক্যেন গুরিনে বা নিজোরে নিদ্দুযি বিলি প্রমাণ গুরিবোং? তঅ চাগরুনোর্‌ দুষ দঅ গোজেনে দেগেই দিয়্যে। যিবে ইধু সেই কদরাবো পাহ্ যেইয়্যে তে আর আমি বেক্কুনে বাবুর্‌ চাগর্‌ অলং।”

গীতসংহিতা 119:13

তঅ মুয়োত্তুন্ যেদক্কানি সুদোম্ নিগিল্যে মর্ মুয়োনে সিয়েনি ফগদাং গুরিবো।

গীতসংহিতা 9:14

যেনে সিয়োন্ শহরর্ গেদ্‌‌তুনোত্ মুই তর্ বাঈনী ফগদাং গুরি পারং, তর্ দিয়্যে উদ্ধোরান্ পেইনে ফুত্তি গুরি পারং।

যাত্রা 4:11

মাত্তর্‌ লগেপ্রভু তারে কলঅ, “মান্‌‌জ্যর মুয়োনি কন্না বানেই দিয়্যে? কন্না তারে বুব্‌, বহ্‌রা, চোখ কান্‌ গোজ্যে? আর কন্না বা তারে চোগোদি দেগিবার্‌ খেমতাগান্‌ দিয়্যে? সিবে কি মুই লগেপ্রভু নয়?

যিহিষ্কেল 16:63

মুই যেক্কে তর্ বেক অন্যেয়ানি খেমা গুরিম সেক্কে তুই সেই বেক্ অন্যেয় কামানির্ কধা ইদোত্ তুলিনে লাজেবে আর তর্ অসর্মানত্তে আর কনদিন্‌অ মুয়োন ন-খুলিবে। মুই প্রভু লগেপ্রভু এ কধাগান কঙর্।”

যিহিষ্কেল 29:21

“সেদিন্যে মুই ইস্রায়েল জাদরে খেমতাবলা গুরিম আর তারা ভিদিরে কধা কবাত্তে তর্ মুয়োন খুলি দিম। সেক্কে তারা হবর্ পেবাক্, মুয়ই লগেপ্রভু।”

যিহিষ্কেল 3:27

মাত্তর্ মুই তঅ লগে কধা কবার সময় তঅ মুয়োন্ খুলি দিম্ আর তুই তারা ইধু প্রভু লগেপ্রভুর কধা কবে। তারা ভিদিরে যে শুনিবাত্তে চায় তে শুনোক্ আর যে শুনিবাত্তে ন-চায় তে ন-শুনোক্; তারা দঅ এক্কো উল্লোমী জাদ্।”

যিহিষ্কেল 33:11

তুই তারারে কঅ, মুই প্রভু লগেপ্রভু, মর্ জিংকানির নাঙে কঙর্, পাজি মানুচ্চুনোর মরণত্তে মুই কনঅ হুজি ন-অং, বরং তারা যেন ভান্ন্যেই পধত্তুন্ ফিরিনে বাঁজন্ সিয়েন্দোই মুই হুজি অং। ও ইস্রায়েল জাদ্, তুমি ফিরো, তমা ভান্ন্যেই পধত্তুন্ তুমি ফিরো। কিত্তে তুমি মুরি যেবা?

মথি লেখ্যে গম্ হবর্ 22:12

এক্কো মানুচ্ মেলা কাবড়্ ন-পিনিনে সিধু এচ্চ্যে। রাজা তারে পুযোর্ গুরিলো, ‘সমাজ্যেবো, মেলা কাবড়্ ন-পিনিনে কেধোক্ক্যেন্ গুরি ইধু সুমিলে?’ তে ইয়েনর্ কনঅ জোব্ দি ন-পারিলো।

মার্ক 7:34

সে পরেদি তে আগাজ ইন্দি রিনি চেইনে ভঅ নিজেস্ ফেলেইনে মানুচ্চোরে কলঅ, “এপ্‌ফাথা,” অত্তাৎ “খুলি যাহ্।”

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

১ শমূয়েল 2:9

তে তার ভক্তগুনোরে উজোত্‌ খানাত্তুন্ রোক্ষ্যে গোজ্যে, মাত্তর্‌ পাজি মানুচ্চুনে আন্ধারত্‌ ভস্ত ওই যান; কিত্যে নিজোর বল্লোই কনঅ মানুচ্ ঝিদি ন-পারন্‌।