গীতসংহিতা 51:14 - Chakma Bible

¹⁴ ও গোজেন, মর্ উদ্ধোর গুরিয়্যে গোজেন, খুনোর দায়ত্তুন্ তুই মরে বাঁচা; সেক্কে মর্ মুয়ত্তুন্ তর্ ন্যায়র্ গানুন্ নিগিলি এবাক্।

গীতসংহিতা 51:14 ပူးပေါင်းရင်းမြစ်များ

পত্থম 42:22

রূবেণে তারারে কলঅ, “মুই দঅ তমারে কোইয়োং, ‘তা উগুরে কনঅ অন্যেয় ন-গোজ্য,’ মাত্তর্‌ তুমি সিয়েন ন-শুনো। ইক্কিনে তার্ লো ঝড়ানার্ ইজেব দিবার অক্ত ওইয়্যে।”

পত্থম 9:6

গোজেনে মানুচ্চুনোরে তা ধোক্ক্যেন গুরি বানেইয়্যে; সেনত্ত্যে কনঅ মান্‌জ্যরে যুদি কেউ খুন্‌ গরন্‌ সালে অন্য একজনত্তুন্‌ সে খুনীবোর পরাণান্‌ নেযা অবঅ।

২ শমূয়েল 12:9

মাত্তর্‌ লগেপ্রভুর চোগোত্‌ যিয়েনি বজং সিয়েনি গুরিনে কিত্তে তুই তা কধানি ঈচ্ গুরিলে? তুই হিত্তীয় ঊরিয়রে মারে ফেলেয়োচ্‌ আর তা মোক্কোরে নিজোর্‌ মোক্‌ বানেয়োচ, আর অম্মোনীয়গুনোরে দিইনে তুই ঊরিয়রে মারে ফেলেয়োচ্‌।

২ শমূয়েল 21:1

দায়ূদোর রাজাগিরি গরানার সলাবোত্‌ উদোউত্যে তিন বজর সং ভাদরাত্‌ ওইয়্যে। সেনত্তে দায়ূদে লগেপ্রভু ইদু ইয়েনর কারণান পুযোর্‌ গুরিলো। জোবত্‌ লগেপ্রভু কলদে, “ইয়েন্‌ ওইয়্যেদে শৌল আর তা গুট্টিগুনোত্তে। তারা লো ঝরানার্ দুজে দুষী; শৌল গিবিয়োনীয়গুনোরে মারে ফেলেয়্যে।”

২ শমূয়েল 3:28

যোয়াব আর তা ভেই অবীশয় অব্‌নেররে মারে ফেলেল, কিত্যে তে তারার্‌ ভেই অসাহেলরে গিবিয়োনর যুদ্ধোত্‌ মারে ফেলেয়্যে। পরেন্দি দায়ূদে সে হবরান্‌ পেইনে কলদে, “নেরের পূঅ অব্‌নেরর লো ঝড়ানার্‌ পৌইদ্যেনে মুই আর মঅ রেজ্যগানে লগেপ্রভুর মুুজুঙোত্‌ উমরত্তে নিদ্দুজী। যোয়াব আর তা বাবর্‌ গুট্টিগুনে বেক্কুনে যেনে সে লো-গানির দায়ী অন্‌। যোয়াবর গুট্টিত্‌ আমিঝে যেন কেউ না কেউ চুনুগুলোবোর স্রাব বা চামঅ পিড়েত্‌ ভুগোন, কেউ লুদিক্কোই ভর্‌ দিইনে আদন, কেউ খুন অন বা কেউ খানার অভাবে দুখ্‌ পান।”

ইষ্রা 9:13

“আমা ভান্ন্যেই কাম আর আমা দাঙর্ পাপত্যে আমা উগুরে ইয়েনি ঘদের্, মাত্তর্ তো ও আমার্ গোজেন, আমা পাপর পাওনা মজিম তুই আমারে কম্ সাজা দুয়োচ্ আর আমার কিজু মান্‌‌জ্যরে বাঁজি থাগদে দুয়োচ্।

নহিমিয় 9:33

তুই আমা উগুরে যিয়েনি ঘুদিবাত্তে দুয়োচ্‌ সিয়েনিলোই তুই অন্যেই ন-গরচ্‌; তুই বিশ্বেজ্‌ গুরিনে কাম্‌ গোজ্যস্‌ আর আমি অন্যেই গোজ্যেই।

গীতসংহিতা 25:5

তর্ সত্যলোই মরে পরিচালনা গর্ আর মরে শিক্ষ্যে দে, কিত্যে তুয়ই মর্ উদ্ধোর্‌‍গুরিয়্যে গোজেন; নিত্য তঅ উগুরে মুই আজা রাগাং।

গীতসংহিতা 26:9

পাপিগুনোর দলত্ তুই মরে ন-ফেলেচ্; যিগুনে লো-ঝোরেবাত্তে গম্ পান্ তারা সমারে মরে মারে ন-ফেলেচ্।

গীতসংহিতা 35:28

মুই জিল্লোই তর্ ন্যায়বিচেরর্ কধানি কোম্, আর সারাদিন তর্ গুণগান গুরি গুরি থেম্।

গীতসংহিতা 38:22

ও প্রভু, মর্ উদ্ধোর গুরিয়েবো, মরে বল্ দিবাত্তে তুই যাদিমাদি আয়।

গীতসংহিতা 55:23

মাত্তর্ ও গোজেন, তুই খুনি আর ছলনাগুরিয়্যেগুনোরে মরণর জাগাত ফেলেই দিবে, আর সিয়েন গুরিবাদে তারার আয়ুর অদ্দেক্ শেজ্ অবার আগেন্দি; মাত্তর্ মুই তঅ উগুরে বিশ্বেজ্ গুরিম।

গীতসংহিতা 68:20

আমা গোজেনে এবাবোত্যে গোজেন যিবে উদ্ধোর্ গরে; প্রভু লগেপ্রভু মরণত্তুন্ রোক্ক্যে গরে।

গীতসংহিতা 88:1

ও লগেপ্রভু, মর্ উদ্ধোর গুরিয়্যে গোজেন, মুই দিনে-রেদে তইদু কানঙর্।

যিশাইয় 12:2

ঘেচ্চেক্‌গুরি, গোজেনে মর্ উদ্ধোরগুরিয়্যে; মুই তা উগুরে বিশ্বেজ্ গুরিম, ন-দোরেম্। লগেপ্রভু, লগেপ্রভু মর্ বল্ আর মর্ গান; তেয়ই মর্ উদ্ধোরগুরিয়্যে ওইয়্যে।”

যিশাইয় 45:17

মাত্তর্ গোজেনে ইস্রায়েলরে উমরত্তে উদ্ধোর্ গুরিবো; তুমি কনঅ কালত্ লাজত্ ন-পুরিবা বা অগমান ন-পেবা।

যিহিষ্কেল 33:8

মুই যেক্কে কনঅ পাজি মান্‌‌‌‌‌‌‌‌‌‌‌জ্যরে কং, ও পাজি মানুচ্, তুই হামাক্কাই মুরিবে, আর তুই তারে তার্ ভান্ন্যেই পধত্তুন্ ফিরেবাত্তে উজিয়ার ন-গরচ্, সালে সেই পাজি মানুচ্চো তার পাপত্তে মুরি যেবঅ মাত্তর্ তার মরণত্তে মুই তরে দায়ী গুরিম।

দানিয়েল 9:16

ও প্রভু, তর্ ন্যায্যতা মজিম তর্ শঅর্, অত্তাৎ তর্ সুদ্ধো-সাংগ মুড়ো যিরূশালেমত্তুন্ তর্ অমকদ অহুজিগান আর রাগ্‌‌‌‌কান দূর্ গুরি দে। আমা পাপ্পানিত্তে আর আমা পূরোণি মানুচ্চুনোর অন্যেয়ত্তে আমা চেরোকিত্তে মানুচ্চুনো ইধু যিরূশালেম আর তঅ মানুচ্চুনে ঈচ্ গরেদে মানুচ্ ওইয়োন।

দানিয়েল 9:7

ও প্রভু, তুই ন্যায়বলা, মাত্তর্ এচ্চ্যে সং আমি অগমানে নাঢা যেইয়্যেই। যিহূদার মানুচ্চুনে, যিরূশালেমর আদাম্মেগুনে আর যিদুক্কুন ইস্রায়েলীয়রে তঅ উগুরে অবিশ্বেজর্ কারনে তুই নানান্ দেজত্ ছিদি দুয়োচ্ তারা বেক্কুনে অগমানে নাঢা যেইয়্যে আঘন্।

হোশেয় 4:2

আগে বানা শমক্ ভাঙানা, মিজে কধা কনা, খুন্ গরানা, চুর্ গরানা আর বেভিচের্ গরানা। তারা আইন অমান্য গরন আর লো ঝরানা উগুরে লো ঝরান্।

হবক্‌‌‌‌কূক 3:18

তো মুই লগেপ্রভুরে নিইনে ফুত্তি গুরিম, মর্ উদ্ধোর্ গুরিয়্যে গোজেনরে নিইনে হুজি ওম্।

প্রেরিত্‌ 18:6

মাত্তর্ যিহূদীগুনে যেক্কে পৌল বিরুদ্ধে কধা কোইনে তারে অগমান্ গরা ধুরিলাক্ সেক্কে পৌলে তারা বিরুদ্ধে তা কাবড়-চুগোড়ানি ঝাড়ি ফেলেল আর কলঅ, “তমা লো-গানির্ দায় তমা নিজো মাধা উগুরে থোক্। এ পৌইদ্যেনে মর্ কনঅ দুষ্ নেই। ইক্কেত্তুন্ ধুরি মুই অযিহূদীগুনো ইধু যেম্।”

প্রেরিত্‌ 20:26

সেনত্তে এইচ্চ্যে মুই তমারে গমেডালে কঙত্তে, কারর্ লো-গানর্ দায়ী মুই নয়,

রোমীয় 10:3

গোজেনে মান্‌জ্যরে কেধোক্ক্যেন্ গুরিনে নিদ্দুজি বিলি মানি লয় সে কধাগান মনযোগ্ ন-দিইনে নিজো চেট্ট্যায় তারা তার্ মানি লয়দ্যে ধোক্ক্যেন্ অবাত্তে চেইয়োন। সেনত্তে গোজেনে যেবাবোত্যেগুরি মান্‌জ্যরে নিদ্দুজি বিলি মানি লয় সিয়েন তারা ন-মানন্।