গীতসংহিতা 51:12 - Chakma Bible

¹² তর্ দিয়্যে উদ্ধোরর্ হুজিগান মরে আরঅ দে; তর্ বাধ্য অবার্ আওজর্ মনান্দোই তুই মরে পোত্‌পোত্যে গর্।

গীতসংহিতা 51:12 ပူးပေါင်းရင်းမြစ်များ

গীতসংহিতা 119:133

তর্ কধা মজিম্ গম্ পধেন্দি চলিবাত্তে তুই মঅ টেঙানি ঠিগ্ গুরি দে; কনঅ অন্যেয় যেনে মঅ উগুরে ন-অয়।

গীতসংহিতা 13:5

মাত্তর্ মুই তর্ কোচপানা উগুরে বিশ্বেজ্ গোজ্যং; তুই মরে রোক্ষ্যে গুরিবে বিলিনে মঅ মনান্ হুজি।

গীতসংহিতা 17:5

তঅ পধেদি মুই মঅ টেঙান্ থির্ রাগেয়োং; সিয়োত্তুন মঅ টেঙান্ এক্কেনায়ো ন-লরে।

গীতসংহিতা 19:13

হবর্ পেইনে বার্‌বো গোজ্যে পাপত্তুন্ তর্ চাগর্‌‌‌বোরে তুই দূরোত্ রাগা; সিয়েনে যেনে মঅ উগুরে রাজাগিরি ন-গরে। সেক্কেনে তে মুই খাটি ওই পারিম, মুক্ত থেম্ গোজেন উগুরে অমকদ উল্লোমির দায়ত্তুন্।

গীতসংহিতা 21:1

ও লগেপ্রভু, তর্ বলান্ দেগিনে রাজা হুজি অয়; তুই তারে জিদেই দিলে তে কত্তমান হুজি অয়।

গীতসংহিতা 24:4

বানা তেয়ই যগাজ্যে, যিবের্ আঢ্‌‌তান্ নিদ্দুজি, মনান্ দোল্, মনান্ মিজে কধা ইন্দি নয়, আর মুয়োদি নেই মিজে শমক্।

গীতসংহিতা 35:9

সেক্কে লগেপ্রভুরে নিইনে মুই ফুত্তি গুরিম; তার্ দিয়্যে উদ্ধোরে মুই ফুত্তি গুরিম।

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

যিশাইয় 49:13

ও আগাজ্‌চান, হুজিয়ে রঅ ছাড়্; ‌‍‍‍ ও পিত্‌থিমীগান, ফুত্তি গর্; ও মুড়ো-মুড়িগুন, দাঙর্ দাঙর্ গুরি হুজিয়ে গান গঅ; কিত্তে লগেপ্রভু তা মানুচ্চুনোরে বুঝেব আর তার অত্যেচার ওইয়্যে মানুচ্চুনো উগুরে মেয়্যে গুরিবো।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

যিরমিয় 10:23

ও লগেপ্রভু, মুই হবর্ পাং মান্‌জ্যর জিংকানির-পথ্‌‍তান তার নিজোর্ নয়; তার টেঙ পোইদ্যেগুন উগুম দেনায়ো তার কাম নয়। ‍‍

লূকে লেখ্যে গম্ হবর্ 1:47

মর্ উদ্ধোরগুরিয়্যে গোজেনরে নিইনে মঅ পরাণান্ হুজিয়ে ভুরি উঠ্যে,

রোমীয় 14:4

তুই কন্না, যে অন্য চাগরর্ বিচের গরচ্? তে থিয়্যেই আঘে, না পড়ি যেইয়্যে, সিয়েন তা গিরোজ্‌সো বুঝিবো। মাত্তর্ তে থিয়্যেই থেবঅ, কিয়া গোজেনে তারে থিয়্যেই রাগেই পারে।

রোমীয় 8:15

তুমি দঅ চাগর মনভাব ন-পঅ যিয়েনত্যে দোরেবা; তুমি গোজেনর্ আত্মাগানরে পেইয়ো যিবে তমারে পুয়ো ইজেবে অধিকার্ দিয়্যে। সেনত্তে আমি গোজেনরে বাবা, মানে বাব্, বিলিনে ডাগিই।

২ করিন্হীয় 3:17

এই প্রভুই অলঅ পবিত্র আত্মা; আর যিয়েনত্ প্রভুর আত্মা সিয়েনত্ স্বাধীনতা।

১ পিতর 1:5

তুমি পুরোপুরি গুরিনে উদ্ধোর্ ন-পানা সং গোজেনর্ খেমতায় বিশ্বেজ্‌‌চান্দোই তমারে গমেডালে থুয়ো অর্। শেজ্ সময়োত্ ফগদাং অবাত্যে সেই উদ্ধোরর্ যুক্কোল্ গুরি থুয়ো ওইয়্যে।

যিহূদা 1:24

বানা এক্কোগুরি গোজেন আমার উদ্ধোর গুরিয়্যে তে তমারে উজোত্ হেবার আঢত্তুন রোক্ষ্যে গুরিনে থুদো নেইয়্যে অবস্থায় নিজোর মহিমার মুজুঙোত্ হুজিয়ে আজির্ গুরি পারে। পুরোণি কালত্তুন্ ধুরি যেধোক্ক্যেন এলঅ সেধোক্ক্যেন ইক্কিনিয়ো আর উমরত্যে আমার প্রভু যীশু খ্রীষ্টর মাধ্যমে গোজেনর্ বাঈনী, মহিমা, বল্ আর খেমতা থোক্। আমেন।