গীতসংহিতা 51:11 - Chakma Bible

¹¹ তঅ মুজুঙোত্তুন্ মরে দূর্ গুরি ন-দিচ্; মঅ ভিদিরেত্তুন্ তর্ সুদ্ধো-সাংগ আত্মাগানরে ন-নেযেচ্।

গীতসংহিতা 51:11 ပူးပေါင်းရင်းမြစ်များ

পত্থম 4:14

এচ্চ্যে তুই মরে ভূইয়োত্তুন্ ধাবেই দিলে, যিয়েনত্তে মুই তঅ চোগো আন্দলত্‌ ওই যেম্‌। পোল্ল্যেই পোল্ল্যেই মুই যেক্কে পিত্‌থিমীয়ানত্ ঘুরি বেড়েম্‌ সেক্কে যিবে মুজুঙোত্‌ মুই পুরিম তেয়ই মরে খুন গুরিবো।”

পত্থম 6:3

এ অবস্থা দেগিনে লগেপ্রভু কলঅ, “মর্ আত্মাগানে জনম্‌ ভুরি মানুচ্চুনো ইধু ন-থেবঅ, কিত্তে মানুচ্‌ মরনর্‌ অধীন। মুই তারারে একশঅ কুড়ি বজর সময় দোঙর্।”

২ শমূয়েল 7:15

মাত্তর্‌ মঅ কোচ্‌পানাগান মুই কনদিন্‌অ তা উগুরেত্তুন তুলি ন-নেযেম্, যেধোক্ক্যেন গুরি মুই শৌল উগুরেত্তুন তুলি নেযেয়োং আর তঅ পথ্‌তানত্তুন্‌ তারে সোরেই দুয়োং।

২ রাজাবলী 13:23

মাত্তর্‌ লগেপ্রভু অব্রাহাম, ইস্‌হাক আর যাকোবত্তে যে সুদোমান্‌ থিদেবর্ গোজ্যে সেনত্তেই তে ইস্রায়েলীয়গুনো উগুরে দোয়্যে বা মেয়্যে গুরিলো আর তারান্দি মন্‌ দিলো। এজঅ সং তারারে ভস্ত গুরি ফেলাদে বা নিজো মুজুঙেত্তুন্‌ দূর্‌ গুরি দিবাত্তে তে নঅ-চায়।

২ রাজাবলী 23:27

সেনত্তে লগেপ্রভু কলঅ, “মঅ মুজুঙেত্তুন্‌ যেধোক্ক্যেন গুরি মুই ইস্রায়েলরে দূর্‌ গোজ্যং সেধোক্ক্যেন গুরি যিহূদারেয়ো দূর্‌ গুরিম্‌, আর যে শঅরানরে মুই বেঈ লোইয়োং সে যিরূশালেমানরে আর যিবে পৌইদ্যেনে মুই কোইয়োং, ‘ইয়েন্‌ মর্‌ থেবার্‌ জাগা অবঅ’ সে তবনা- ঘরানরে মুই অগ্রাজ্য গুরিম।”

২ রাজাবলী 24:20

যিরূশালেম আর যিহূদার মানুচ্চুনোর কারনে লগেপ্রভু রাগে জুলি উদিলো আর যেরেন্দি তে তা মুজুঙোত্তুন্‌ তারারে দূর্‌ গুরি দিলো। পরেন্দি সিদিকিয় বাবিলোর রাজার বিরুদ্ধে উল্লোমী গুরিলো।

গীতসংহিতা 43:2

তুয়ই মর্ আশ্রয়-তাম্বুল ধোক্ক্যেন্ গোজেন; কিয়া তুই মরে ছাড়ি যেইয়োচ্? কিত্তেই মত্তুন্ শত্রুগুনোর অত্যেচারে মনত্ দুখ্ গুরিনে বেড়া পুরিবো?

গীতসংহিতা 71:18

ও গোজেন, এচ্চ্যে বুড়ো ওইনে চুল পাগিলেয়ো তুই মরে ছাড়ি ন-যেচ্; আগাম্ বংশধরুনোর ইদু তর্ খেমতার কধা, আগাম্ বংশধরুনোর ইদু তর্ বলর্ কধা মরে ফগদাং গুরিবাত্তে দে।

গীতসংহিতা 71:9

মর্ এ শেজ্ বয়জত মরে ফেলেই ন-দিচ্; মর্ বলান ফুরেই যেইয়্যে, মরে ফেলেই ন-যেচ্।

যিরমিয় 7:15

মুই তমা ভেইয়ুনো উগুরে, অত্তাৎ ইফ্রয়িমর মানুচ্চুনো উগুরে যেবাবোত্যে গোজ্যং সেবাবোত্যে মঅ মুজুঙোত্তুন তমারে ঠিলিনে ফেলেই দিম।”

লূকে লেখ্যে গম্ হবর্ 11:13

সালে তুমি বজং অলেয়ো যুনি তমা ঝি-পুয়োগুনোরে গম্ গম্ জিনিস দিবাত্তে জান, মাত্তর্ যিগুনে স্বর্গর্ বাবঅ ইধু চান্, তে যে তারারে পবিত্র আত্মাগান্ দিবো ইয়েন কত্তমান্ ঘেচ্চেক্‌গুরি নয়!”

যোহন 14:26

সেই সাহায্যগুরিয়্যেবো, মানে পবিত্র আত্মা যিবেরে বাবা মঅ নাঙে পাধেই দিবো, তেয়ই বেক্কানি পৌইদ্যেনে তমারে শিক্ষ্যে দিবো, আর মুই তমারে যিয়েনি কোইয়োং সিয়েনি বেক্কানি তমারে ইদোত্ তুলি দিবো।

রোমীয় 8:9

মাত্তর্ গোজেনর্ আত্মাগানে যুনি তমা মনত্ বজত্তি গরে সালে তুমি দঅ পাপ-খাচ্চ্যদর্ তলে নয় বরং পবিত্র আত্মার তলে। যিবে মনত্ খ্রীষ্টর্ আত্মা নেই তে খ্রীষ্টর্ নয়।

ইফিষীয় 4:30

তুমি গোজেনর্ পবিত্র আত্মাগানরে দুঘ্ ন-দুয়ো, যিবেরে দিইনে গোজেনে উদ্ধোর্ পেবার দিন্নো সং তমারে সীলমারি থোইয়্যে।

২ থিষলনীকীয় 1:9

প্রভু যেক্কে এবঅ সেক্কে তারারে এমন্‌ সাজা দিয়্যে অবঅ যিয়েনর কারনে তারা আজিল্ আর দাঙর্ খেমতার্ বারেদি পড়িনে জিংকানিবর্ ভস্ত অনাত্ থেবাক্। সেদিন্যে তার্ নিজো মানুচ্চুনোর মাধ্যমে তার্ মহিমাগান ফগদাং অবঅ আর যিগুনে বিশ্বেজ্ গোজ্জ্যন তারার্ বেক্কুনোর্ মাধ্যমে তার্ বাঈনী অবঅ। তুমিয়ো সেই বিশ্বেজিগুনো ভিদিরে আঘঅ, কিয়া তুমি আমার সাক্ষিগানি বিশ্বেজ্ গোজ্জ্য।

বিচের গুরিয়্যেগুন 13:25

শিম্‌শোনে যেক্কে সরা আর ইষ্টায়োলর সংমোধ্যে মহনে-দান বিলিনে এক্কান জাগাত্‌ এলঅ সেক্কেত্তুন্‌ ধুরি লগেপ্রভুর আত্মাগানে তারে চেদন্‌ দিয়া ধুরিলো।

বিচের গুরিয়্যেগুন 15:14

তে যেক্কে লিহীর ইদু লুমিলো সেক্কে পলেষ্টীয়গুনে জয়-জগার গুরি গুরিনে তাইন্দি এজা ধুরিলাক্‌। সেক্কে লগেপ্রভুর আত্মাগান পুরো বলান্দোই তা উগুরে এলঅ। সেক্কে তার আঢঅ দুড়িগানি পুড়ি যেইয়্যে শনঅ ধোক্ক্যেন্‌ অলঅ আর তা আঢত্‌ বান্যেগান খুলো গেলঅ।

বিচের গুরিয়্যেগুন 16:20

সে পরেন্দি দলীলা তারে কলঅ, “শিম্‌শোন, পলেষ্টীয়গুনে তরে ধুরিবাত্তে এচ্ছোন্‌।” শিম্‌শোনে ঘুমোত্তুন জাগি উদিনে ভাবিলোদে, তে আগঅ ধোক্কেন্‌ বারেন্দি যেবঅ আর ঝাগারা দিইনে নিজোরে উদ্ধোর্‌ গুরি নিবো। মাত্তর্‌ তে হবর্‌ ন-পেদঅ, লগেপ্রভু তারে ছাড়ি যেয়েগোই।

১ শমূয়েল 10:10

শৌল আর তার চাগর্‌ গিবিয়াতত্‌ লুুমিলে এক ঝাক্ ভাববাদী সমারে তারার দেগা অলঅ। সেক্কে গোজেনর আত্নাগানে শৌলরে পুরোপুরিভাবে নিজোর অধীনোত্ আনিলো, আর সেক্কে তে সেই ভাববাদীগুনোর মোধ্যে যেইনে গোজেনর দিয়্যে কধা কুয়ো ধুরিলো।

১ শমূয়েল 16:14

সেক্কে লগেপ্রভুর আত্মাগান শৌলরে ছাড়িনে গেলগোই আর লগেপ্রভুর ইত্তুন্‌ এক্কান ভান্ন্যেই আত্মা এইনে তারে অমহদ দর্‌‌বুগ্ লাগা ধুরিলো।