গীতসংহিতা 51:10 - Chakma Bible

¹⁰ ও গোজেন, তুই মইদু দোল্ মন-মানসিক্ গুরি দে; মর্ মনান্ আরঅ থির্ গুরি দে।

গীতসংহিতা 51:10 ပူးပေါင်းရင်းမြစ်များ

গীতসংহিতা 24:4

বানা তেয়ই যগাজ্যে, যিবের্ আঢ্‌‌তান্ নিদ্দুজি, মনান্ দোল্, মনান্ মিজে কধা ইন্দি নয়, আর মুয়োদি নেই মিজে শমক্।

গীতসংহিতা 35:10

মর্ কিয়্যেগানে সেক্কেনে কবদে, “ও লগেপ্রভু, আর কন্না আগে তঅ ধোক্ক্যেন্? তুয়ই দঅ দুখি মানুচ্চুনোরে উদ্ধোর গরচ্ তারার্ শত্রুগুনোর্ আঢত্তুন্ যিগুনে তারাত্তুনো বেশ্ বোলী; যিগুনে লুদোন্ তারা আঢত্তুন্ তুই দুখি আর নেইয়্যে মানুচ্চুনোরে উদ্ধোর্ গুরি থাচ্।”

গীতসংহিতা 73:1

যিগুনোর মনানি দোল্ সে ইস্রায়েলীয়গুনোর তপ্পেন্দি গোজেনে ঘেচ্চেক্‌গুরি ভালেদি গরে।

গীতসংহিতা 78:37

তারার মনানি তা উগুরে থির্ ন-এলঅ; তার সুদোমানি উগুরে তারা বিশ্বেজি ন-এলাক্।

গীতসংহিতা 78:8

ইয়ন্দোই তারার পুরোণি মানুচ্চুনো ধোক্ক্যেন তারা একবুচ্যে আর উল্লোমি ন-অবাক্; সেই পুরোণি মানুচ্চুনোর মনানি গোজেন উগুরে যোগাজ্যে ন-এলঅ আর মনানিয়ো বিশ্বেজি ন-এলঅ।

গম্ উপদেজ্ 20:9

কন্না কোই পারে, “মঅ মনান্ মুই দোল্ গোজ্যং, মঅ পাপত্তুন্ মুই সাব্ ওইয়োং”?

যিরমিয় 13:27

মুই তর্ সিনেলী আর কামনাবলা ডাগনি আর লাজ্ নেইয়্যে বেশ্যের্ কামানি দেখ্যং; দেখ্যং মুড়োই মুড়োই আর মাঢে মাঢে এই জঘন্য কামানি। যিরূশালেম, অভিশাব তরে! আর কয়দিন তুই অসিজি থেবে?”

যিরমিয় 32:39

মুই তারারে এমন মন আর স্বভাব দিম যিগুনে বানা মইন্দি এগামনে এগাচিত্তে থেবাক্; সেক্কে তারা নিজোর আর তারার পরেদি তারার ঝি-পুয়োগুনোর ভালেদিত্তে নিত্য মরে ভোক্তি গুরিনে দোরেবাক্।

যিহিষ্কেল 11:19

মুই তারারে এমন মন দিম্ যিয়েন বানা মইন্দি আসক্ত থেবঅ, আর মুই তারা ভিদিরে নূয়ো আত্মা দিম; মুই তারার্ চিৎনপুজ্যে মনান্ সোরেইনে নরম মনানি দিম।

যিহিষ্কেল 18:31

তমা বেক্ অন্যেয়ানি তমা নিজোত্তুন্ দূর গরঅ আর তমা রিবেঙানি আর মনানি নুয়ো গুরি তুলো। কিত্তে তুমি মুরিবা?

যিহিষ্কেল 36:37

সে পরেদি প্রভু লগেপ্রভু মরে কোইয়্যেদে, “মুই আর একবার ইস্রায়েল জাদরে মইধু কোজোলী গুরিবাত্তে কোম্ আর তারার্ কোজোলী মজিম্ মুই ভেড়া পাল ধোক্ক্যেন তারার মানুচ্চুনোরে গুণি ন-পুড়েইয়্যে গুরিম।

মথি লেখ্যে গম্ হবর্ 5:8

যিগুনোর্ মনানি দোল্ তারা বর্‍‍‍পেইয়্যে, কিয়া তারা গোজেনরে দেগিবাক্।

প্রেরিত্‌ 11:23

গোজেনে যে কেধোক্ক্যেন্ গুরি আন্তিয়খিয়া মানুচ্চুনোরে দোয়্যে গোজ্জ্যে বার্ণবা এইনে সিয়েন দেগিনে অমকদ হুজি অলঅ। তারা যেন বেক্ মনান্ দিইনে প্রভু ইধু বিশ্বেজি থান্ সেনত্তে তে তারার্ বেক্কুনোরে উচ্চোমি দিয়্যে ধুরিলো।

প্রেরিত্‌ 15:9

তে আমারে আর তারা ভিদিরে যুদো বিলিনে কিচ্চু ন-থয়, কিয়া তারা বিশ্বেজ্ গোজ্যন্ বিলিনে তে তারা মনানিয়ো সাব্ গোজ্যে।

রোমীয় 12:2

ইধুগোর্ ভান্ন্যেই জগদর্ চালচলন ভিদিরে তুমি নিজোরে ন-জোরেয়ো, বরং গোজেনরে তমা মনানি নুয়ো গুরিবাত্তে দিইনে পুরোপুরি নুয়ো ওই উদো, যেন তুমি গোজেনর্ আওজ্‌‌চান জানি পারঅ। গোজেনর্ আওজ্‌‌চান গম্, পুরোপুরি ঠিগ্ আর সেক্কে গোজেনে হুজি অয়।

১ করিন্হীয় 15:58

সেনত্যে, মর্ পরাণর্ ভেইলগ্, দর-মর গুরি থিয়ো; কনঅ কিজুয়ে যেন তমারে লাড়েই ন-পারে। নিত্য প্রভুর্ কামত্যে নিজোরে পুরোপুরি গুরি দি দুয়ো, কিয়া তুমি কোই পারঅ, তা কামত্ তমার্ কামানি নিষ্ফল নয়।

২ করিন্হীয় 5:17

যুনি কেঅ খ্রীষ্ট সমারে মিজেই থায় সালে তে নুয়ো গুরিনে সৃট্টি অলঅ। তার্ পুরোণি বেক্কানি ভুলি যেইনে বেক্কানি নুয়ো ওই উত্ত্যে।

ইফিষীয় 2:10

আমি গোজেনর্ আঢ্‌তোই বানেইয়্যে। গোজেনে খ্রীষ্ট যীশুর্ সমারে এগত্তর্ গুরিনে আমারে নুয়ো গুরিনে বানেয়্যে যেনে আমি গম কাম্ গুরিই। এ গম্ কামানি তে আগে ঠিগ্ গুরি থোইয়্যে, যেন আমি সিয়েনি গুরিনে জিংকানি কাদেই।

তীত 3:5

কনঅ গম কামত্যে তে আমারে উদ্ধোর্ ন-গরে; তার্ দোয়্যের্ কারনে সিয়েন গোজ্জ্যে। পবিত্র আত্মালোই নুয়ো জর্ম দান গুরিনে আর নুয়ো গুরি বানেইনে তে আমা মনানি ধোইনে সাব্ গুরিলো, আর এবাবোত্যে গুরি তে আমারে উদ্ধোর্ গুরিলো।

যাকোব 1:8

তে দ্বি-মনা মানুচ্‌ আর তার বেক্‌ কামানিত্ থির্ নেইয়্যে।

যিহোশূয় 14:14

সিয়োত্তুন ধুরি হিব্রোণ কনিসীয় যিফুন্নির পূঅ‌ কালেবর গজগত্ আঘে, কিত্যে তে ইস্রায়েলীয়গুনোর গোজেন লগেপ্রভুর কধাগান্‌ পুরোপুরিই মানি চোল্যে।

১ পিতর 1:22

ইক্কিনে সত্যগানরে মানি লোইনে তুমি তমার মনানরে সিজি গোজ্জ্য, আর সেনত্যে বিশ্বেজি ভেইয়ুনে তমা ইধু এদক্ পরাণর্। সেনত্যে কঙত্তে, তুমি একজন আরেকজনরে মনে-পরাণে গভীন্ গুরিনে কোচ্‌পেইয়ো।