গীতসংহিতা 50:5 - Chakma Bible

⁵ তে কোইয়্যেদে,“মর্ সেই ভক্তগুনোরে মইদু এগত্তর্ গর্, যিগুনে য়েমান্-উৎসর্বর মাধ্যমে মর্ থিদেবর গোজ্যে সুদোমান মানি লোইয়োন।”

গীতসংহিতা 50:5 ပူးပေါင်းရင်းမြစ်များ

গীতসংহিতা 30:4

ও লগেপ্রভুর ভক্তগু্‌ন্, তুমি তা নাঙে গীদ্ গঅ, তার্ পবিত্রতাগানর্ বাঈনী গরঅ;

গীতসংহিতা 97:10

যিগুনে লগেপ্রভুরে কোচ্‌পান তারা অন্যেয়ানরে ঘিনাদোক্; তেয়ই দঅ তা ভক্তগুনোর্ পরাণানি রোক্ক্যে গরে আর পাজিগুনোর আঢত্তুন্ তারারে উদ্ধোর্ গরে।

গম্ উপদেজ্ 2:8

যেন তে দোল্ বিচের গুরি পারে, আর তা ভক্তগুনোর্ পথ্‌তানি রোক্ষ্যে গুরি পারে।

যিশাইয় 13:3

মঅ নাঙে যুদো গোজ্যে মানুচ্চুনোরে মুই উগুম দুয়োং; মঅ রাগ্‌কান ঢালি দিবাত্তে মুই মঅ যোদ্ধাগুনোরে ডাক্কোং। মর্ বাঈনী গরানাগান ফগদাং ওইয়্যে বিলিনে তারা হুজিয়ে বাড়্‌বো গত্তন্।”

সখরিয় 14:5

তুমি মুড়োবোর্ সেই কলগদি ধেই যেবা, কিত্যে সেই কলগ্‌কান আৎসল সং লুমিবো। যিহূদার রাজা উষিয়োর রাজাগিরির্ সময়োত্ ভূজোলত্ যেবাবোত্যেগুরি তুমি ধেই যেইয়ো সেবাবোত্যেগুরি ধেই যেবা। সে পরেদি মর্ গোজেন লগেপ্রভু তার্ বেক সুদ্ধো-সাংগ মানুচ্চুনোরে সমারে নিইনে এবঅ।

মথি লেখ্যে গম্ হবর্ 24:31

দাঙর্ দাঙর্ গুরি তূরী বাঁজি উদিবো আর সমারে সমারে মান্‌জ্য পুয়োবো তা স্বর্গদূত্‌তুনোরে চেরোকিত্তেত্তুন্ পাধেই দিবো। সেই দূত্‌তুনে পিত্‌থিমীর এক কিত্তেত্তুন্ ধুরি অন্য কিত্তেদি সং চেরোকিত্তেত্তুন্ তার বেঈ লোইয়্যে মানুচ্চুনোরে এক সমারে থুবেবাক্।

মথি লেখ্যে গম্ হবর্ 26:28

কিয়া ইয়েন্ মর্ লো যিয়েন্ ভালোক্কুন্ মান্‌জ্যর্ পাপর্ খেমাত্তে দিয়্যে অবঅ। মান্‌জ্যত্তে গোজেনর্ নুয়ো সুদোম মর্ এই লো-গান্দোই সুজো অবঅ।

১ থিষলনীকীয় 3:13

সালে তে তমার মনানি থির্ গুরিবো, যাতে আমার প্রভু যীশু যেক্কে তার্ নিজোর বেক্‌ মানুচ্চুনোরে সমারে লোইনে এবঅ সেক্কে আমা বাব্‌পো আর গোজেন মুজুঙোত্ তুমি থুদো নেইয়্যে আর পবিত্র অ।

২ থিষলনীকীয় 2:1

ভেইলগ্, আমা প্রভু যীশু খ্রীষ্ট এবঅ আর আমারে একসমারে এগত্তর্ গুরিনে তার্ নিজো ইধু নেযেব। এ পৌইদ্যেনে আমি তমারে এ কোজোলীগান গুরির্-

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

ইব্রীয় 13:20

যে লো-গান্দোই শান্তি দিয়্যে গোজেনর্ উমর বেবস্থাগান অদে অদে ওইয়্যে সিয়েন্দোই গোজেনে আমা প্রভু যীশু খ্রীষ্টরে, অত্তাৎ ভেড়াগুনোর্ সেই দাঙর্ পালক্‌‌কোরে মরণত্তুন্ জেদা গুরি তুল্যে।

যিহূদা 1:14

আদম গুট্টির সাত পুরুষ হনোকে এ মানুচ্চুনো পৌইদ্যেনে আগে কোইয়্যে, “চঅ, প্রভু তার আজার আজার পবিত্র দূত্‌তুনোরে লোইনে বেক্কুনোর বিচের গুরিবাত্যে এজের্, আর ভোক্তি-নেইয়্যে মানুচ্চুনে ভোক্তি-নেইয়্যে ধোক্ক্যেন গুরিনে যেদক্কানি ভান্ন্যেই কাম গোজ্জ্যন আর সেই ভোক্তি-নেইয়্যে পাপীগুনে প্রভুর বিরুদ্ধে যেদক্কানি দরমর কধা কোইয়োন সেনত্যে তে তারারে দুষি গুরিবাত্যে এজের্।”