গীতসংহিতা 50:4 - Chakma Bible

⁴ তা নিজো মানুচ্চুনোর বিচেরত্ এবাত্তে উগুরে আগাজ্‌ছানরে তে ডাগের্, আর ডাগেত্তে পিত্‌থিমীগানরে;

গীতসংহিতা 50:4 ပူးပေါင်းရင်းမြစ်များ

গীতসংহিতা 50:6

আগাজ্‌ছানে তার্ ন্যায়বিচেরর্ কধা ফগদাং গরের্, কিত্যে গোজেনে নিজেই বিচেরক্।

গীতসংহিতা 96:13

তারা লগেপ্রভুর মুজুঙোত্ গীদ্ গেবাক্, কিত্তে তে এজের্। তে দুনিয়েগানর বিচের গুরিবাত্তে এজের্। তে গমেডালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো বিশ্বেজ্ গুরিনে।

গীতসংহিতা 98:9

লগেপ্রভুর মুজুঙোত্ তারা সিয়েন গোরোদোক্, কিত্তে তে দুনিয়েত্ বিচের গুরিবাত্যে এজের্। তে দোলেদালে পিত্‌থিমীগানর বিচের গুরিবো, আর জাদ্‌তুনোর বিচের গুরিবো গমেডালে।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিরমিয় 2:9

সেনত্তে মুই তমারে আর তমা বংশধরুনোরে আরঅ দুষি বানেম।

দ্বি’লম্বর বিররণ 30:19

“তমা বিরুদ্ধে দাঙর্‌ আগাজ্‌ আর পিত্‌থিমীগানরে সাক্ষী রাগেইনে মুই কঙত্তে, এচ্চ্যে মুই তমা মুজুঙোত্‌ জীংকানি বা মরণর আর আশিদ্‌বাদর বা অভিশাব্‌পানি তুলি ধুরিলুং। তুমি জীংকানিগানরে বেঈ নেযঅ, যেনে তুমি আর তমার ঝি-পূঅগুনে বাঁজি থান্‌ আর তমার গোজেন লগেপ্রভুরে কোচ্‌পঅ, তার কধানি শুনো আর তারে আজাবোদে ধুরি রাগঅ, কিত্যে ইগুনো ভিদিরে আগে তমার জীংকানিগান। যে দেজ্‌ছান দিবার শমক্ তে তমার পুরোণি মানুচ্‌ অব্রাহাম, ইসহাক আর যাকোব ইদু গোজ্যে সিয়েনত্ ইয়েন ভিদিরে আঘে তমার আয়ুগান।”

দ্বি’লম্বর বিররণ 31:28

তুমি তমার গুট্টির বুড়ো নেতাগুনোরে আর কামগুরিয়ে বেক্কুনোরে মঅ মুজুঙোত্‌ এগত্তর্‌ গর্‌। মুই তারারে এই বেক্‌ কধানি কবাত্তে চাঙ্‌ আর দাঙর্‌ আগাজ্‌ আর পিত্‌থিমীগানরে তারার বিরুদ্ধে সাক্ষী রাগেইনে যেবাত্তে চাং।

দ্বি’লম্বর বিররণ 32:1

ও দাঙর্‌ আগাজ্‌, মর্‌ কধানি শুনিজ্‌; ও পিত্‌থিমীগান, মর্‌ মুয়োর কধানি শুন্‌।

দ্বি’লম্বর বিররণ 4:26

সে সময়ানত্তে মুই এচ্ছ্যে এ দিনোত্‌ আগাজ আর পিত্‌থিমীগান্‌ তমা বিরুদ্ধে সাক্ষী রাগেইনে কঙর্‌, তুমি যর্দন গাঙান্‌ পার্‌ ওইনে যে দেজ্‌ছান কারি লবাত্তে যর্‌ সে দেজত্‌ তুমি কয়েক দিনে শেজ্ ওই যেবা। তুমি সিদু ভালোক্‌ দিন সং বজত্তি গুরি ন-পারিবা, হামাক্কায় ভস্ত ওই যেবা।

দ্বি’লম্বর বিররণ 4:36

তমারে তার্‌ শাজন ভিদিরে আনিবাত্তে তে স্বর্গত্তুন্‌ তার্‌ রঅবো শুনিবাত্তে দিয়্যে আর পিত্‌থিমীত দেগেয়েদে তার্‌ দাঙর্‌ আগুনান্‌, আর সে আগুনো ভিদিরেত্তুন্‌ তুমি তা কধাগান্‌ শুন্ন্য।