গীতসংহিতা 50:18 - Chakma Bible

¹⁸ চুর্‌বোরে দেগিলে তুই তারে সায় দুয়োচ্, সিনেলীগুনো সমারে মিজেজ্।

গীতসংহিতা 50:18 ပူးပေါင်းရင်းမြစ်များ

২ শমূয়েল 13:5

যোনাদবে কলঅ, “তুই অসুগোর্‌ ছলনা দিইনে বিচ্ছোনত্‌ পড়ি থাগ্‌। তঅ বাপ্পো যেক্কে তরে চেবাত্তে এবঅ সেক্কে তুই তারে কবে, ‘দোয়্যে গুরিনে মঅ বোন তামররে পাদেবে যেনে তে এইনে মরে কিজু হেবাত্তে দে। সে হানাগানি তে মঅ মুজুঙোদ্ বানোক্‌ যেনে মুই সিয়েনি দেগিনে তা আঢত্তুন্‌ হেই পারং।’”

যিশাইয় 5:23

যিগুনে ঘুষ্ হেইনে দুষিবোরে ইরি দুয়োন্ আর নিদ্দুজোত্তে গম্ বিচের গুরিবাত্তে অস্বিগের্ গরন্।

লেবীয় 20:10

যুনি কনজনে তার্‌ পাড়াল্যে মোগো সমারে, অত্তাৎ অন্য কনঅ মান্‌জ্যর্‌ মোগো সমারে সিনেলী গরে সালে বেভিচারী আর বেভিচারিনী দ্বিজনরেই মারে ফেলা পুরিবো।

মীখা 7:3

অন্যেয় কাম্ গুরিবাত্তে তারার্ দ্বিয়েন আত্ কাবিল্। নেতাগুনে বক্‌শিজ্ দাবি গরন, বিচেরগ্‌কুনে ঘুষ হান, দাঙর্ মানুচ্চুনে যিয়েনি চান্ সিয়েনি জানেই দৈন্; তারা বেক্কুনে এক সমারে কুজুরোমী গরন্।

মথি লেখ্যে গম্ হবর্ 23:30

তুমি কঅ, আমি যুনি আমা পূরোণি মানুচ্চুনোর অক্তত্ বাঁজি থেদং সালে ভাববাদীগুনোরে খুন্ গুরিবাত্তে তারা লগে ন-মিজেদং।

রোমীয় 1:32

গোজেনর্ এ বিচেরর্ কধানি তারা গমেডালে হবর্ পান্ যে, এবাবোত্যে কাম্ যিগুনে গরন্ তারা মরণর্ সাজা পেবার্ কধা। এ কধাগান্ কোই পারিনেয়ো তারা যে বানা ইয়েনি গুরি থান্ সিয়েন নয়, মাত্তর্ অন্য যিগুনে সিয়েনি গরন্ তারারেয়ো অজেই দুয়োন্।

১ তীমথিয় 5:22

যাদিমাদি গুরিনে কারঅ উগুরে আঢ্ রাগেইনে কাররে কনঅ পদত্ ন-নেযেচ্। অন্যগুনে যেক্কে পাপ গরন্ সেক্কে তারা লগে ন-মিজেস্। নিজোরে খাটি রাগেচ্।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।