গীতসংহিতা 50:14 - Chakma Bible

¹⁴ গোজেন ইদু তর্ ভালেদিগানই তর্ উৎসর্ব ওক্; সেই দাঙর্‌বো ইদু তর্ বেক্ মান্যেগানি পূরোণ গুরি থেচ্।

গীতসংহিতা 50:14 ပူးပေါင်းရင်းမြစ်များ

ইয়োব 22:27

তুই তাইদু তবনা গুরিলে তে সিয়েন্‌ শুনিবো, আর তুই তর্‌ বেক্‌ মান্ন্যেগানি ছিড়েবে।

গীতসংহিতা 147:1

লগেপ্রভুরে নাঙ্ গিনো ওক্। আমা গোজেনরে নাঙ্ গিনেদে গান গানা কত্তমান গম্! সিয়েন কি দোল্! তারে বাঈনী গরানা কত্তমান গম্!

গীতসংহিতা 22:25

দাঙর্ টেম্মাঙত্ মর্ যে নাঙ্ গিনেনা সিয়েন্ তত্তুনোই এজে; তঅ উগুরে যিগুনোর ভোক্তিবলা দর্ আঘে; তারার্ মুজুঙোত্ মর্ বেক্ মান্যেগানি মুই পূরোণ গুরিম।

গীতসংহিতা 22:26

নম্র মানুচ্চুনোর্ হেইনে ঈল্ অবঅ; যিগুনে লগেপ্রভুর আওজ্ মজিম্ চলন্ তারা তার্ বাঈনী গুরিবাক্। তারা জিংকানিবর্ জেদা থেবাক্।

গীতসংহিতা 27:6

যিদুক্কুন্ শত্রুয়ে মরে ঘিরিনে ধোজ্যন্ তারাত্তুন্ বেশ্ সেক্কেনে মর্ সর্মানান্ বাড়িবো; মুই তা ঘরত্ হুজিয়ে রঅ ছাড়ি ছাড়ি নানান্ বাবোত্যে উৎসর্ব গুরিম; মুই লগেপ্রভুর নাঙে গীত্ গেম্ আর তার নাঙ্ গিনেদে গান গেম্।

গীতসংহিতা 50:23

যিবের জিংকানিত্ ভালেদিগানই অলঅ তার উৎসর্ব তেয়ই মরে সর্মান গরে; যে মঅ পধেন্দি আঢে তারে মুই উদ্ধোর গুরিম।”

গীতসংহিতা 56:12

ও গোজেন, তইদু যে মান্যং মুই সিয়েন ছিড়েবাত্তে বাধ্য; মুই তইদু ভালেদির-উৎসর্ব গুরিম;

গীতসংহিতা 61:8

মুই জিংকানিবর তর্ নাঙ্ গিনেদে গান গেম্, আর দিনকে দিন মঅ মান্যেগানি ছিড়েম্।

গীতসংহিতা 65:1

ও গোজেন, সিয়োনত্ অলর্ গুরি তরে নাঙ্ গিনে অর্; আমা বেক্ মানত্‌তানি তঅ নাঙে ছিড়ে অবঅ।

গীতসংহিতা 69:32

সিয়েন দেগিনে নম্র মানুচ্চুনে হুজি অবাক্; তুমি যিগুনে গোজেনরে জানিবাত্তে আওজি, তুমি বাঁজি থাগ।

গীতসংহিতা 76:11

তুমি তমার গোজেন লগেপ্রভুর ইদু মানত্ গর আর মান্যেগানি ছিরো। যিবে দর্‌গরেপারা তার নাঙে চেরোকিত্তে দেজত্তুন্ মানুচ্চুনে বক্‌শিজ্ আনোদোক্।

গীতসংহিতা 76:12

শাজন্‌গুরিয়্যেগুনোর সাহস্‌ছানি তেয়ই দোঙেই দে; পিত্‌থিমীর রাজাগুনে তারে দরান্।

হোশেয় 14:2

তুমি লগেপ্রভু ইধু ফিরি এইনে তারে কঅ, “আমা বেক্ পাপ্‌পানি খেমা গর্ আর আমার যিয়েনি গম্ সিয়েনি মানি লঅ যেনে আমি গোরু উৎ‌সর্গ ধোক্ক্যেন গুরি আমা মুয়োদি তরে বাঈনী গুরি পারিই।

নহূম 1:15

যে মানুচ্চো গম্ হবর্ আনে আর শান্তি ফগদাং গরে, উই চাহ্, মুড়ো-মুড়ি উগুরে তা টেঙানি। ও যিহূদা, তর্ পরব্‌‌পুন পালা আর মান্যেগানি বেক্কানি ছিড়ে। পাজিগুনে আর্ তরে আক্রমণ ন-গুরিবাক্; তারারে এক্কুবারে ভস্ত গুরি ফেলা অবঅ।

নহূম 2:1

ও নীনবী, যে মানুচ্চো ছিদি-বিদি দে তে তঅ বিরুদ্ধে উজেই এজের্। তাম্বুলোত্ তঅ সৈন্যগুন সাজা, পথ্‌‌‌তানি চুগি দে, কমর্‌‌‌বো দরমর গর্, তঅ সৈন্যদলুন্ যুক্কোল্ রাগা।

রোমীয় 12:1

সালে ভেইলগ্, গোজেনর্ এ বেক্‌ দোয়্যের্ কারনে মুই তমারে বিশেষ গুরিনে কোজোলি গরঙর্, তুমি তমার্ কিয়্যেগানরে জেদা, পবিত্র আর গোজেনর্ মানি লোইয়্যে উৎসর্ব ইজেবে গোজেন আঢত্ তুলি দুয়ো। সিয়েনই অবঅ তমার্ যগাজ্যে সেবা।

দ্বি’লম্বর বিররণ 23:21

তমার গোজেন লগেপ্রভু ইদু যুনি তুমি কনঅ মানত্‌ গরঅ সালে সিয়েন্‌ ছিরেদে দেরী ন-গোজ্য, কিত্যে তমা গোজেন লগেপ্রভু কনদিনঅ সিয়েন্ ইরি ন-দিবো। সিয়েন্‌ ন-ছিড়েলে তমার্‌ পাপ্‌ অবঅ;

দ্বি’লম্বর বিররণ 23:22

মাত্তর্‌ মানত্‌ ন-গুরিলে পাপ ন-অবঅ।

দ্বি’লম্বর বিররণ 23:23

তমার মুয়োন্দি যে মান্যার্‌ কধানি কবা সিয়েনি তমাত্তুন্‌ ছিরে পুরিবো, কিত্যে তুমি নিজোর্‌ আওজে নিজোর্‌ মুয়োন্দি তমার গোজেন লগেপ্রভু ইদু সেই মান্যাগান্‌ গোজ্য।

দ্বি’লম্বর বিররণ 23:24

অন্য কারর্‌ আংগুর্‌ ক্ষেদত্‌ যেইনে তুমি আওজ মজিম আংগুর্‌ হেই পারিবা, মাত্তর্‌ সিগুন্‌ লোই যেবাত্তে কনঅ কিজুত্‌ তুলি রাগেই ন-পারিবো।

১ থিষলনীকীয় 5:18

আর যে কনঅ অবস্থাত্ গোজেনরে ভালেদি জানেয়ো; কিয়া খ্রীষ্ট যীশুর মাধ্যমে তমাত্যে সিয়েনই গোজেনর্ আয়োজ।

ইব্রীয় 13:15

ইয়েনত্যে খ্রীষ্টর্ মাধ্যমে এজঅ, আমি গোজেন ইধু আমিযে বাঈনী-উৎসর্ব গুরিই, অত্তাৎ গোজেনর্ মানুচ্‌ বিলিনে যিগুনে নিজোরে স্বীগের্ গরন্ তারা তারার্ মুয়োনিলোই গোজেনরে বাঈনী গোত্তোক্।

১ পিতর 2:9

মাত্তর্ তুমি দঅ “বেঈ লোইয়্যে বংশ ওইয়ো; তমারে দিইনে বানা ওইয়্যেদে ধর্মগুরুগুনোর্ রেজ্যগান; তুমি গোজেনর্ নাঙে ফারগ্ গোজ্জ্যে জাদ্ আর তার্ নিজোর্ মানুচ্ ওইয়ো;” যেন আন্ধারত্তুন্ যিবে তমারে তার্ আমক্ অবার্ পহ্‌রত্ ডাগি আন্ন্যে তুমি তারে গুণগীত্ গঅ।