গীতসংহিতা 50:1 - Chakma Bible

¹ খেমতাবলা গোজেন, লগেপ্রভু গোজেন, কধা কোইয়্যে; পূগত্তুন্ পোজিমেন্দি সং পিত্‌থিমীর বেক্কুনোরে তে ডাক্যে।

গীতসংহিতা 50:1 ပူးပေါင်းရင်းမြစ်များ

পত্থম 17:1

অব্রাম বয়জ যেক্কে নিরেনোব্বোই বজর সেক্কে লগেপ্রভু তারে দেগা দিইনে কলঅ “মুয়ই বেগত্তুন্ খেমতাবলা গোজেন। তুই মঅ সমারে উদোলোলিগান্ রাগা আর মর্‌ আওজ্ মজিম্‌ আঢিবে।

১ রাজাবলী 18:21

এলিয় মানুচ্চুনোর মুজুঙোত্‌ যেইনে কলঅ, “আর কয়দিন তুমি দ্বিয়েন্‌ নৌকোত্‌ ঠেঙ্‌ দিইনে চলিবা? যুনি লগেপ্রভু গোজেন্‌ অয় সালে তারে সেবা গরঅ, আর যুনি বাল দেবেদাবো গোজেন অয় সালে তারে সেবা গরঅ।” মাত্তর্‌ মানুচ্চুনে কনঅ জোব্‌ ন-দিলাক্‌।

১ বংশধর 15:17

সেনত্তে লেবীয়গুনে যোয়েল পুয়ো হেমনরে আর তা বংশর মানুচ্চুনো ভিদিরেত্তুন্‌ বেরিখিয় পুয়ো আসফরে আর তারা গুট্টির-ভেই মরারীয়গুনো ভিদিরেত্তুন্‌ কূশায়া পুয়ো এথনরে ঠিগ্ গুরিলো।

১ বংশধর 16:37

পত্তিদিনো দরকার্‌ মজিম্‌ নিত্য সেবা-কামত্তে দায়ূদ লগেপ্রভুর সুদোম-সুন্দুক্কো ইদু আসফরে আর তা মানুচ্চুনোরে ফেলেই গেলঅ।

১ বংশধর 25:2

আসফর পুয়ো সক্কুর, যোষেফ, নথনিয় আর অসারেল। তারা রাজার্ উগুমে আসফর পরিচালনায় গানর মাধ্যমে গোজেন কধানি ফগদাঙ্‌ গুরিদাক্‌।

১ বংশধর 25:6

গোজেন ঘরর সেবা-কামত্তে ইগুনে বেক্কুনে তারার্‌ বাব্‌ আসফ, যিদূথূন আর হেমন পরিচালনার্‌ অধীনোত্‌ এলাক্‌। তারা রাজার উগুমে ঝোন্‌ঝোনি, বাশি আর হার্‌মোনিলোই লগেপ্রভুর ঘরত্‌ গান-বাজনা গুরিদাক্‌।

১ বংশধর 6:24

অসীর পুয়ো তহৎ, তহত পুয়ো ঊরীয়েল, ঊরীয়েল পুয়ো ঊষিয়, ঊষিয় পুয়ো শৌল।

২ বংশধর 29:30

রাজা হিষ্কিয় আর তার্‌ কাম্‌গুরিয়্যেগুনে দায়ূদোর্‌ আর চেইচিদিয়্যে আসফর রোজেয়্যে-গান্‌নোলোই লগেপ্রভুর নাঙে বাঈনী গুরিবাত্তে লেবীয়গুনোরে উগুম্‌ দিলো। সেক্কে তারা হুজি ওইনে নাঙ গিনেদে-গান গেলাক্‌ আর মাদিত্‌ মাধা নিগিরিনে লগেপ্রভুরে ভোক্তি জানেলাক্‌।

নহিমিয় 9:32

ও আমা গোজেন, তুই দাঙর্, বোলী আর দর্‌বুগ্‌ জাগেয়্যে গোজেন। তর্‌ শেজ্‌ ন-ওইয়্যে কোচ্‌পানার্‌ সুদোমানি তুই রোক্ষ্যে গুরি থাচ্‌। আসিরিয়ার রাজাগুনোর্‌ সময়ত্তুন্‌ ধুরি আরাম্ভ গুরিনে এচ্ছ্যে সং যে দুখ্‌কানি আমা উগুরে আর আমা রাজাগুনোর্‌, নেতাগুনোর্‌, ধর্মগুরুগুনোর্‌, ভাববাদীগুনোর্‌, আমা পূরোণিমানুচ্চুনোর্‌ আর তমার্‌ বেক্‌ মানুচ্চুনো উগুরে চলের্‌ সিয়েনি তঅ চোগেন্দি যেনে চিগোন্‌ বিলিনে মনে ন-গরচ্‌।

নহিমিয় 9:6

বানা তুয়ই লগেপ্রভু। তুয়ই আগাজ্‌, দাঙর্‌ আগাজ্‌ আর সিয়েন ভিদিরে বেক্কানি, পিত্‌থিমী আর তা উগুরে বেক্কানি আর সাগর্‌ আর তা ভিদিরে বেক্কানি বানেয়োচ্‌। তুয়ই বেক্কুনোর্‌ পরাণান্‌ দুয়োচ্‌ আর স্বর্গর বেক্কুনে তর্‌ উবোসনা গরন্‌।

গীতসংহিতা 113:3

বেলান্ উদেদে সিত্তুন্ ধুরি বেলান্ ডুবেদে সং লগেপ্রভুরে বাঈনী গরা ওক্।

গীতসংহিতা 73:1

যিগুনোর মনানি দোল্ সে ইস্রায়েলীয়গুনোর তপ্পেন্দি গোজেনে ঘেচ্চেক্‌গুরি ভালেদি গরে।

গীতসংহিতা 74:1

ও গোজেন, তুই উমরত্যে কিত্তে আমারে ফেলেই যেয়োচ্? তর্ চড়েদে জাগানর্ ভেড়াগুনোর বিরুদ্ধে কিত্তে তর্ রাগর আগুনান্ ধূমেই উদের্?

গীতসংহিতা 75:1

ও গোজেন, আমি তরে ভালেদি জানেই, আমি তরে ভালেদি জানেই, কিত্তেই তুই মুজুঙোত্ আগচ্; মানুচ্চুনে তর্ আমক্ অবার কামর কধানি ফগদাং গরন্।

গীতসংহিতা 76:1

যিহূদা-রেজ্যত্ বেক্কুনে গোজেনর কধা হবর্ পান; ইস্রায়েল-রেজ্যত্ তা নাঙান দাঙর্।

গীতসংহিতা 77:1

মুই রঅ ছাড়িনে গোজেন মুজুঙোত্ কানঙর্; মুই গোজেন ইদু রঅ ছাড়ঙর্ যেনে তে সিয়েনি শুনিনে জোব্ দে।

গীতসংহিতা 78:1

ও মর্ জাদঅ মানুচ্চুন, মঅ সল্লাগান শুনো; মর্ মুয়ো কধানি শুনো।

গীতসংহিতা 79:1

ও গোজেন, অন্য জাদ্‌তুনে তর্ সোম্বোত্তিগানি আক্রমন গোজ্যন্, তারা সিদু চোমেয়োন্দি; তঅ সুদ্ধো-সাংগ ঘরান্ তারা অসিজি গোজ্যন্; যিরূশালেমানরে তারা ভস্তর কুড়্ বানেয়োন্।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

গীতসংহিতা 81:1

গোজেন, যিবে আমার বল্, তুমি তা নাঙে হুজির্ রঅ ছাড়অ; যাকোবর গোজেনর নাঙে জয় জয় গরঅ।

গীতসংহিতা 82:1

গোজেনে তা বিচের-সভাত্ থিয়েয়্যে; তে শাজন্‌গুরিয়্যেগুনোর সংমধ্যে থেইনে তারারে বিচের্ গুরিনে উগুম দের্;

গীতসংহিতা 83:1

ও গোজেন, তুই জুরো গুরি বোই ন-থেচ্; ও গোজেন, তুই মুয়োন বানি ন-রাগেচ্, সাড়্ দিচ্।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 37:20

ইক্কিনে ও আমার গোজেন লগেপ্রভু, আসিরিয়ার রাজা আঢত্তুন্ তুই আমারে রোক্ষ্যে গর্, যেনে পিত্‌থিমীর বেক্ রেজ্যগানিয়ে জানি পারে, তুই, বানা তুয়ই লগেপ্রভু।”

যিশাইয় 54:5

তর্ গোজেনে তর্ নেক্, তা নাঙান্ বেগত্তুন্ খেমতাবলা লগেপ্রভু; ইস্রায়েলর সেই সুদ্ধো-সাংগ মানুচ্চো তর্ উদ্ধোরগুরিয়্যে। তারে বেক্ পিত্‌থিমীগানর গোজেন কুয়ো অয়।

যিশাইয় 9:6

ইয়েনি বেক্কানি অবঅ, কিত্তে এক্কো পুয়ো আমাত্তে জোর্মেব, এক্কো পুয়ো আমারে দিয়্যে অবঅ। শাজন্‌ গুরিবার ভারান্ তা কানা উগুরে থেবঅ, আর তা নাঙান্ অবঅ অামক্ অবার্ সল্লাদিয়্যে, খেমতাবলা গোজেন, উমরর্ বাপ, শান্তির্ রাজা।

যিরমিয় 10:6

ও লগেপ্রভু, তঅ ধোক্ক্যেন আর কনজন নেই; তুই মহান, তুই খেমতালোই বোলী।

আমোষ 3:8

সিংহবো গুজুরিলে কন্না ন-দোরেব? প্রভু লগেপ্রভু কবাত্তে কলে কন্না ভাববাদী ইজেবে কধা ন-কোই পারিবো?

মালাখি 1:11

পূগেত্তুন্ ধুরি পোজিমেদি সং বেক্ জাদ ভিদিরে মঅ নাঙান্ মহৎ অবঅ। বেক্ জাগানিত্ মঅ নাঙে আগর্‌বাট্টি জ্বালা অবঅ আর উৎসর্ব গুরিবাত্তে সিজি জিনিস আনা অবঅ, কিত্যেই বেক্ জাদ ভিদিরে মঅ নাঙান্ মহৎ অবঅ।

মথি লেখ্যে গম্ হবর্ 25:32

সে অক্তত্ বেক্ জাদর্ মানুচ্চুনোরে তা মুজুঙোত্ এক সমারে এগত্তর্ গরা অবঅ। গরগ্‌কুনে যেবাবোত্যে গুরি ভেড়া আর ছাগলুনোরে ফারগ্ গরন্ সেবাবোত্যেগুরি তে বেক্ মানুচ্চুনোরে দ্বি ভাগে যুদো গুরিবো।

যিহোশূয় 22:22

বেক্কুনোর্‌ দাঙর্‌ গোজেন লগেপ্রভু! বেক্কুনোর্‌ দাঙর্‌ গোজেন লগেপ্রভু! তে দঅ‌ হবর্‌ পায় আর ইস্রায়েলীয়গুনেয়ো হবর্‌ পাদোক্‌। ইয়েন যুনি লগেপ্রভুর বিরুদ্ধে কনঅ‌ উল্লোমী বা অবাধ্য অনার্‌ কাম্‌ ওই থায় সালে তুমি এচ্চ্যে আমারে রেহাই ন-দিবা।