গীতসংহিতা 5:9 - Chakma Bible

⁹ মঅ শত্রুগুনোর কনঅ কধা বিশ্বেজ্ গরা ন-যায়, তারা মনত্ আগেদে ভস্ত অইদে মনভাব, তারা মুয়োনি যেন মেল্যে গোর ধোক্ক্যেন্, জিল্লোই তারা থেঝেরামাজ্যে কধা কন্।

গীতসংহিতা 5:9 ပူးပေါင်းရင်းမြစ်များ

ইষ্রা 8:21

পরেদি মুই অহবার ছড়া ইধু আমাত্যে উবোস্ থানাগান্ ফগদাং গুরিলুং যেনে আমি আমা গোজেন মুজুঙোত্ নিজোরে লোঙেই পারিই আর আমা ঝি-পুয়োগুনোরে আর বেক্ সোম্বোত্তিগানোই গমেডালে যাত্রা গুরি পারিই।

গীতসংহিতা 27:11

ও লগেপ্রভু, তর্ পথ্‌তান্ মরে দেগেই দে; মর্ শত্রুগুনোর্ কারনে সং পধেন্দি মরে চালেই নেযা।

গীতসংহিতা 51:6

তুই মনান ভিদিরে সত্যগান দেগিবাত্তে চাজ্; তুয়ই মর্ মনানর্ গভীনোত্ জ্ঞানান্ দে।

গীতসংহিতা 52:2

তর্ জিলানদি ভস্ত অবার্ সল্লার কধা নিগিলি এজের্; ও ছলনাগুরিয়্যে, তর্ জিলান্ যেন ধার্ দিয়্যে ক্ষুর ধোক্ক্যেন্।

গীতসংহিতা 62:4

তার দাঙর্ পথ্‌তানত্তুন্ তারে তলেন্দি লামেই দেনা তারার বানা এক্কান ফন্দি; মিজে কধালোই তারার ফুত্তি। মুয়োন্দি তারা বর্ দুয়োন্ মাত্তর্ মনেদি অভিশাব্ দুয়োন।

গীতসংহিতা 62:9

সমাজর তলেন্দি মানুচ্চুন মেঘ ধোক্ক্যেন্, আর উগুরে মানুচ্চুন বাজে বাবোত্যে; পাল্লাত্ মাবিলে তারা বেক্কুনে মিলিনে বোইয়্যেরত্তুন বেশ্ পাদল।

গীতসংহিতা 64:6

তারা অন্যেয় গুরিবার ফন্দি গুরিনে কন্দে, “আমি চেরোকিত্তে চিন্তে গুরিনে এক্কান সল্লা গোজ্যেই।” ঘেচ্চেকগুরি মান্‌জ্যর্ মনানি আর মনর্ ভিদিরেগান তোগেইনে পাহ্ ন-যায়।

গীতসংহিতা 69:19

মুই যে কদক্ ঈচ্ গোজ্যে, লাজত্ পোজ্যে আর অসর্মানর মানুচ্ ওইয়োং সিয়েন দঅ তুই হরব পাচ্; মঅ শত্রুগুনে বেক্কুনে তঅ মুজুঙোত্ আগন।

গম্ উপদেজ্ 29:5

যে মানুচ্চো পাড়াল্যেগুনোর চাম্‌‌চাগিরি গরে তে নিজো টেঙত্ তলে জালান্ পাদে।

যিশাইয় 26:7

গোজেনভক্ত মানুচ্চুনোর পথ্‌তান্ সং থায়; ও ন্যায়বলা, তুই গোজেন ভক্তগুনোর্ পথ্‌তানি সং গুরি থাচ্।

যিরমিয় 17:9

মনান্ বেগত্তুন্ বেশ ঠগ্, তারে কনঅ বাবদে গম্ গরা ন-যায়। কনজনে মান্‌‍‌‍‍জ্যর্ মনানি বুঝি ন-পারে।

যিরমিয় 4:14

ও যিরূশালেম, তঅ মনানত্তুন্ ভান্ন্যেয়ানি ধোই ফেলা যেনে তুই উদ্ধোর্ পাজ্। আর কয়দিন তুই ভান্ন্যেই চিন্তে মনত্ জমা রাগেবে?

মীখা 6:12

তমা তাগোয়্যে মানুচ্চুনে অত্যেচারী, তুমি মিজে কধা কোইয়্যে আর তমা মুয়োনি ছলনার্ কধা কয়।

লূকে লেখ্যে গম্ হবর্ 11:39

প্রভু তারে কলঅ, সালে শুনো, তুমি, অত্তাৎ ফরীশীগুন থাল্ আর কদরা বারেদিগান্ তেল্‌তেল্যে গুরি রাগঅ, মাত্তর্ তমা ভিদিরেদিগান্ লুভে আর ভান্ন্যেয়দি ভরা।

লূকে লেখ্যে গম্ হবর্ 11:44

তমাত্যে কত্তমান্ দর্‌গরেপারা ! তুমি দঅ চিহ্নো ন-দিয়্যে গৌর ধোক্ক্যেন্। মান্‌‌জ্যে হবর্ ন-পেইয়্যে গুরি সিয়েন উগুরেদি আঢি যান্।”

রোমীয় 3:13

তারার্ মুয়োনি যেন খুলো কবর ধোক্ক্যেন, জিলান্দোই তারা ছলনার্ কধা কন্। তারার্ ঠুদ্‌‌তুনো তলে যেন সাপর্ বিষ আঘে।

১ থিষলনীকীয় 2:5

তুমি কোই পারঅ আমি কনদিন্অ বিগিদি গুরিনে কধা ন-কোই, আর লুভ্‌পানরে নাঢি থোইনেয়ো যে ছলনা গুরিনে কনঅ কধা আমি ন-কোই, গোজেনে তার্ সাক্ষী।