গীতসংহিতা 5:7 - Chakma Bible

⁷ মাত্তর্ মুই তর্ অমকদ দোয়্যের্ কারনে তঅ ঘরত্ সোমেম্, তঅ সুদ্ধো-সাংগ থেবার্ ঘরানন্দি চেইনে ভোক্তিলোই মঅ মাধাবো নিগিরিম্।

গীতসংহিতা 5:7 ပူးပေါင်းရင်းမြစ်များ

১ রাজাবলী 8:35

তর্‌ বিরুদ্ধে তর্‌ মানুচ্চুনে পাপ গরানার কারনে যেক্কে আগাজ্‌চান্ বন্দ ওইনে ঝড় ন-পুরিবো, সেক্কে তারা যুনি এ জাগানর ইন্দি ফিরিনে তর্‌ বাঈনী গরন্‌ আর তইদু তবনা গরে আর তত্তুন্‌ দুখ্‌ পেইনে পাপত্তুন্‌ ফিরে,

১ রাজাবলী 8:38

সেক্কে যুনি তঅ মানুচ্‌ ইস্রায়েলীয়গুনে কনজনে আবিলেচ্‌ হেইনে মনত্‌ দুগে এ তবনা-ঘর ইন্দি আঢ্ বাড়েইনে কনঅ তবনা বা কোজোলি গরন,

গীতসংহিতা 101:7

ছলনাবলাগুনে মঅ ঘরত্ বজত্তি গুরি ন-পারিবাক্; মিজেকধা কোইয়্যেগুনে মঅ কামত্ অদে অদে থেই ন-পারিবাক্।

গীতসংহিতা 130:4

মাত্তর্ তইদু খেমা জিনিস্‌ছান আঘে, যেন মান্‌জ্যে তরে ভোক্তি গরন্।

গীতসংহিতা 132:7

আদঅ, আমি তাহ্ থেবার জাগানত্ যেই, তার্ টেঙ্-থইদ্যে জাগানত্ মাঢা নিগিরিনে উবোসনা গুরিই।

গীতসংহিতা 138:2

তঅ পবিত্র ঘরান্ ইন্দি মুই মাঢাবো নিগিরিম্, তর্ কোচ্‌পানা আর বিশ্বেজত্তে তরে বাঈনী গুরিম; কিত্তে তর্ এগেমান্ পুরোণার্ মাধ্যমে তুই নিজোরে যেবাবোত্যেগুরি ফগদাং গোজ্যস্ সিয়েন তর্ নাঙ্ গিনেনাত্তুন্‌অ বেজ্ দাঙর্।

গীতসংহিতা 28:2

বল্ পেবাত্তে মুই যেক্কেনে তরে ডাগঙর্ আর তর্ দাঙর্ সুদ্ধো-সাংগ জাগানর্ ইন্দি আত্ তুলোং, সেক্কেনে তুই মর্ কোজোলীগান শুনিচ্।

গীতসংহিতা 34:17

যিগুনে ন্যায় কাম গরন্ লগেপ্রভু তারার্ কানানিগানি শুনে; বেগ্ দুগোত্তুন্ তে তারারে উদ্ধোর্ গরে।

গীতসংহিতা 51:1

ও গোজেন, তর্ অমকদ কোচ্‌পানাত্তে মঅ উগুরে দোয়্যে গর্; তর্ অমকদ দোয়্যে-মেয়্যেত্তে‌ তঅ উগুরে মর্ বেক্ উল্লোমিগানি ক্ষেমা গর্;

গীতসংহিতা 52:8

মাত্তর্ মুই গোজেনর ঘরত্ দাঙর্ ওইয়্যে জলপাই গাজ ধোক্ক্যেন্; মুই নিত্য গোজেনর গভিন্ কোচ্‌পানা উগুরে নির্ভর গুরি থাং।

গীতসংহিতা 55:16

মাত্তর্ মুই গোজেনরে ডাগিম, আরে লগেপ্রভু মরে উদ্ধোর্ গুরিবো।

গীতসংহিতা 69:13

মাত্তর্ ও গোজেন, যে সময়োত্ তর দোয়্যে পাহ্ যায় মুই সেই অক্তত্ তইদু তবনা গরঙর্; ও গোজেন, তর্ অমকদ কোচ্‌পানালোই তর্ উদ্ধোর গুরিবার বিশ্বেজ্‌চান্ দেগেইনে মরে জোব্ দে।

গীতসংহিতা 69:16

ও লগেপ্রভু, তর্ ভালেদির অমকদ কোচ্‌পানায় মরে তুই জোব্ দে; তর্ থুম্ ন-ওইয়্যে দোয়্যে-মেয়্যেলোই তুই মন্দি ফির্।

গম্ উপদেজ্ 6:16

লগেপ্রভু কমেদি সাততান্ জিনিস ঘিনেই সিয়েনি তাইদু জঘন্য:

গম্ উপদেজ্ 6:17

বার্বো বার্বো চোগ, মিজেকধা কোইয়্যে জিলান্, গম্ মান্‌জ্যরে খুন্‌গোজ্যে যে আঢ্‌তানি,

যিশাইয় 55:7

পাজি মানুচ্চো তা পথ্‌তান ছাড়ি দুয়োক্ আর ভান্ন্যেই মানুচ্চো তার বেক চিদে চজ্জাগানি বাদ দুয়োক্। তে লগেপ্রভু ইন্দি ফিরোক্, সেক্কে তে তা উগুরে মেয়্যে গুরিবো; আমা গোজেন ইন্দি ফিরোক্, কিত্তে তে বেক্কানি খেমা গুরিবো।

যিশাইয় 64:11

আমা পুরোণী মানুচ্চুনে যিয়েনত্ তরে নাঙ্ গিনিদাক্ আমা সেই পবিত্র আর বাঈনী গুরিবার তবনা ঘরান আগুনোত্ পুড়ি যেইয়্যে আর আমা গম্ জিনিস যেদক্কানি এলঅ ভস্ত ওই যেইয়্যে।

দানিয়েল 6:10

উগুমানত্ দস্তক্ দিয়্যে ওইয়্যে শুনিনে দানিয়েলে তা ঘরানর্ উগুরে তলা ঘরত্ গেলঅ; সেই ঘরানর্ জানালাগানি যিরূশালেম ইন্দি খুলো এলঅ। তে নিজোর অভ্যেস্ মজিম দিনে তিনবার আঢু পাড়ি তবনা গুরিনেই তার গোজেনরে ভালেদি জানেল।

হোশেয় 3:5

সে পরেদি তারা তারার্ গোজেন লগেপ্রভুর আর তারার্ রাজা দায়ূদো ইন্দি ফিরিবাক্। শেষ্‌‌‌‌‌‌‌‌‌‌কালত্ তারা লগেপ্রভুর বর্ পেবাত্তে দোরেই দোরেই তাইদু এবাক্।

প্রেরিত্‌ 9:31

সেক্কে যিহূদিয়া, গালীল আর শমরিয়া রেজ্যর্ মন্ডলীগুনোত্ শান্তি এলঅ, আর সেই মন্ডলীগুন উঠ্যন্। সেনত্তে প্রভু উগুরে ভোক্তি আর পবিত্র আত্মার্ উচ্চোমিলোই তারা জনেদি বাড়দন্।

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।

যিহোশূয় 24:15

মাত্তর্‌ লগেপ্রভুর সেবা গুরিবাত্তে যুনি তমার মনত্ ন-পড়ে সালে যিবের্‌ সেবা তুমি গুরিবা সিয়েন ইক্কিনেই ঠিগ্‌ গুরি নেযঅ। তমা পূরেণিমানুচ্চুনে ইউফ্রেটিস গাঙর্‌ উইপারত্‌ থাগদে যিদুক্কুন দেব-দেবেদারে পূজো গুরিদাক্‌ তারারে সেবা গুরিবা, না কি যিগুনোর্‌ দেজত্‌ তুমি বজত্তি গরর্‌ সে ইমোরীয়গুনোর দেব-দেবেদাগুনোরে সেবা গুরিবা? মাত্তর্‌ মুই আর মঅ গিরির্‌ বেক্কুনে লগেপ্রভুরে সেবা গুরিবোং।”