গীতসংহিতা 5:10 - Chakma Bible

¹⁰ ও গোজেন, তুই তারারে দুষি বিলিনে ফগদাং গর্; তারার্ কুজুরোমিলোই তারার্ দযা ওক্। তারার্ গুণি ন-পুরেইয়্যে দুষোত্যে তুই তারারে ধাবেই দে, কিয়া তারা তঅ বিরুদ্ধে উল্লোমি গোজ্যন্।

গীতসংহিতা 5:10 ပူးပေါင်းရင်းမြစ်များ

২ শমূয়েল 15:31

সেক্কে দায়ূদোরে কন্না কলঅ, “অবশালোম লগে কুজুরোমিগুরিয়্যে গুনোর ভিদিরে অহীথোফলেয়ো আঘে।” এ কধাগান শুনিনে দায়ূদ ইয়েন কোইনে তবনা গুরিলো, “ও লগেপ্রভু, তুই অহীথোফলর্‌ সল্লাগানরে ফোলেই ন-দিচ্।”

২ শমূয়েল 17:14

অবশালোম আর ইস্রায়েলর বেক্‌ মানুচ্চুনে কলাক্, “অহীথোফলর সল্লাগানিত্তুন্‌ অর্কীয় হূশয়র সল্লাগানি গম্‌।” আজলে অবশালোমর্‌ উগুরে ভস্তগান্ অানিবাত্তে লগেপ্রভু অহীথোফলর গম্‌ সল্লাগানরে বিফল গুরি দিবো বিলিনে ঠিগ্ গুরি রাগেয়্যে।

২ শমূয়েল 17:23

অহীথোফলে যেক্কে দেগিলো, তা সল্লা মজিম্‌ কাম গরা ন-অলঅ সেক্কে তে তা গাধাবো উগুরে গদিবো চাবিনে তা নিজো আদাম ঘরত্‌ গেলঅ। তা ঘরর্‌ বেক্কানি বেবস্থা গুরিনে তে গত্তনাত্‌ ধুরি বানিনে মুরিলো। তা বাব গোরবোত্‌ তারে গোর্ দিয়্যে অলঅ।

২ বংশধর 25:16

ভাববাদীবোর্‌ কধাগান থুম্‌ অদে ন-অদে রাজা তারে কলঅ, “আমি কি রাজারে শল্লা দিয়্যে ইজেবে তরে নেযেয়্যেই? তুই মঅ অ, নলে তরে মারে ফেলা অবঅ।” সেক্কে সে ভাববাদীবো মঅ অলঅ, তো কলে, “মুই হবর্‌ পাং, তুই এ কামান্‌ গোজ্যস্‌ আর মঅ শল্লাগান্‌ কান ন-পাদচ্‌ বিলিনে গোজেনে তরে ভস্ত গুরিবাত্তে ঠিগ্‌ গোজ্যে।”

ইষ্টের 7:10

সেনত্তেই হামনে যে ফাসিগান মর্দখয়ত্তে বানেয়্যে মানুচ্চুনে সিয়েন উগুরে তারে ফাসি দিলাক্‌। সে পরেন্দি রাজার রাগ্‌কান কুমি গেলঅ।

গীতসংহিতা 10:15

পাজি আর বজং মানুচ্চুনোর্ খেমতাগান তুই শেজ্ গুরি দিচ্; তার্ বেক্ অন্যেয়র্ ইজেবপানি তুই চেই নেযেচ্।

গীতসংহিতা 107:11

কিত্তে তারা গোজেন কধার বিরুদ্ধে উল্লোমি গুরিদাক্, গোজেনর সল্লানি তারা তুচ্ছো গুরিদাক্।

গীতসংহিতা 17:13

ও লগেপ্রভু, তুই উঠ্, তারারে থামা, তারারে মাদিত্ ফেলেেই দে। তর্ লাম্বা ছুড়িলোই পাজিগুনোর্ আঢত্তুন মরে উদ্ধোর্ গর্।

গীতসংহিতা 31:18

বার্‌বো আর ঘিনাইদে মনভাবপোই যিগুনে গোজেন ভক্তগুনো বিরুদ্ধে অসর্মানর কধা কন্, তারার্ মিজেকধালোই ভরা মুয়োনি নাঢা যোক্।

গীতসংহিতা 35:26

মর্ দজা দেগিনে যিগুনে হুজি অন্ তারা বেক্কুনে লাজত্ পোড়োদোক্ আর অগমান ওদোক্; যিগুনে মঅ উগুরে নিজোরে তুলি ধরন্ তারা লাজত্ আর অগমানত্ পোড়োদোক্।

গীতসংহিতা 55:15

মঅ শত্রুগুনো উগুরে আদিক্ক্যেন্‌গুরি মরন এজোক্; তারা জেদাবাদে পাদালত্ যাদোক্, কিত্তেই তারা ঘরত্ আর তারা মনানিত্ কুজুরোমি আঘে।

গীতসংহিতা 66:7

তার বল্‌লোই তে জিংকানিবর রাজাগিরি গরে; তা চোখ্‌কুন বেক্ জাদ্‌তুনো উগুরে আঘে। যিগুনে গোজেন উগুরে উল্লোমী তারা নিজোরে দাঙর্ মনে ন-গোরোক্।

গীতসংহিতা 71:13

মর্ বিপক্কগুনে লাজত্ পোড়োদোক্ আর ভস্ত ওদোক্; যিগুনে মরে দযাত্ ফেলেবার চেট্টাদ্ আগন্ তারা ঈচ্ গরা হেইনে আর অগমানে নাঢা যাদোক্।

গীতসংহিতা 79:12

ও প্রভু, আমা কায়-কুরে জাদ্‌তুনে যেবাবোত্যে গুরি তরে গেইল্ দুয়োন, সেই সাতগুন সাজা তুই তারারে ফিরেই দে।

যিশাইয় 1:2

ও আগাজ্‌ছান শুন্, ও পিত্‌থিমীগান্ শুন্, লগেপ্রভু কোইয়্যেদে, “মুই ঝি-পুয়োগুনোরে পালেয়োং আর তারারে দাঙর্ গোজ্যং, মাত্তর্ তারা মঅ বিরুদ্ধে উল্লোমি গোজ্যন্।

যিশাইয় 1:20

মাত্তর্ যুনি তুমি বাধ্য অবাত্তে রাজী ন-ওইনে উল্লোমী গরঅ সালে তলোয়ারানে তমারে ভস্ত গুরিবো।” লগেপ্রভু নিজে এ কধাগান কোইয়্যে।

যিশাইয় 63:10

তো তারা উল্লোমী গুরিনে তা পবিত্র আত্মাগানরে দুঘ্ দিদাক্। সেনত্তে তে ফিরিনে তারার শত্রু অলঅ আর তে নিজে তারার্ বিরুদ্ধে যুদ্ধো গরা ধুরিলো।

আবিলেচ্ 1:5

তার বিপক্ষগুনে তার গিরোজ্ ওইয়োন; তার শত্রুগুনে আরামে আগন্। তার ভালোক্কানি পাপত্তে লগেপ্রভু তারে দুঘ্ দিয়্যে। তার চিগোন চিগোন ঝি-পুয়োগুনে বন্দী ওইনে শত্রুগুনোর আগে আগে যেইয়োন্।

দানিয়েল 9:5

আমি পাপ গোজ্যেই, অন্যেয় গোজ্যেই। আমি ভান্ন্যেই কাম্ গোজ্যেই, উল্লোমি গোজ্যেই। আমি তর্ উগুম আর সুদোম পদত্তুন্ সুরি যেইয়্যেই।

দানিয়েল 9:9

আমা প্রভু গোজেন দোয়্যেলু আর খেমাবলা, যুনিয়ো আমি তঅ বিরুদ্ধে উল্লোমী গোজ্যেই।

হোশেয় 9:7

ইস্রায়েল যেন হবর্ রাগায়, সাজার্ দিন্নো এই যেইয়্যে, ইজেব-নিকেশর্ দিন্নো এইচ্চ্যে। তারার্ পাপ জনেদি বোউত্ আর তারা গোজেনরে এদক্ ঈচ্ গরনদে যে, তারা ভাববাদীগুনোরে বেদমা আর গোজেনর আত্মায় পেইয়্যে মান্‌জ্যরে পাগল্ মনে গরন্।

১ করিন্হীয় 3:19

কিয়া গোজেনর্ চোগেদি এ জগদর্ জ্ঞানান্ বানা মূর্খতা। পবিত্র বোইবোত্ লেগা আঘে, “গোজেনে জ্ঞানীগুনোরে তারার্ ছল-চালাগিগানিত্ ধরে।”

দ্বি’লম্বর বিররণ 2:30

মাত্তর্‌ হিষ্‌বোনর রাজা সীহোনে সিয়েন্দোই রাজী ন অলঅ। তমার গোজেন লগেপ্রভু তার্‌ মনান্‌ দরঅ গোজ্যে আর মনান্‌ একবুচ্চ্যেলোই ভোরেই দিয়্যে যেনে তে তমা আদত্‌ পড়ে, আর ইক্কিনে সিয়েনোই ঘদের্‌।

১ শমূয়েল 25:29

মর্‌ গিরোজ্‌সোরে মারে ফেলেবাত্তে মান্‌জ্যে লোড়েলেয়ো মুই হবর্‌ পাং তার্‌ পরাণান তার্‌ গোজেন লগেপ্রভুর ধনভান্ডালত্‌ যত্তন্‌ গুরিনে থোইয়্যে আঘে। মাত্তর্‌ তর্‌ শত্রুগুনোর পরাণান তে ফিংগালোই পাত্তর্‌ মারেদে ধোক্ক্যেন গুরি ফেলেই দিবো।

১ শমূয়েল 25:39

নাবলর্ মরাণার হবর্‌ পেইনে দায়ূদে কলঅ, “লগেপ্রভুর বাঈনী ওক্‌। তে নাবলর্ বিরুদ্ধে মর্‌ পক্ষেন্দি থিয়েইয়্যে, কিত্যে নাবলে মরে অগমান গোজ্যে, আর নাবলর্ অন্যেয়ানরে নাবল উগুরে ফিরেই দিয়্যে।” পরেন্দি দায়ূদে অবীমেলকরে লবার্‌ সল্লাগান্ তাইদু মানুচ্‌ পাধেই দিলো।