গীতসংহিতা 49:7 - Chakma Bible

^7-9 কেউ কনমতে মরণত্তুন্ কাররে উদ্ধোর গুরি ন-পারে বা গোজেনরে তার উদ্ধোরর্ দাম দি ন-পারে, যেনে তে জিংকানিবর বাঁজি থায় আর মরণর জাগাত্ যাহ্ ন পড়ে; কিত্যে জিংকানি কিনিবার দাম বোউত্, সেই দামানর সং সং কিচ্চু নেই।

গীতসংহিতা 49:7 ပူးပေါင်းရင်းမြစ်များ

ইষ্টের 5:11

সে পরেন্দি তে তারার্‌ ইদু তার্‌ ধন-সম্পদর্‌ কধা, তা পূঅগুনোর্‌ কধা, যেদক্কানি উপায়ে রাজা তারে সর্মান দেগেয়্যে সিয়েনির কধা আর কেধোক্কেন্‌ গুরিনে তারে অন্য দাঙর্‌ পোজিশনর্‌ মানুচ্চুনোত্তুন্‌ আর অফিসারুনোত্তুন্‌ উগুরে তুল্যে সে কধানি বার্‌বো গুরিনে কুয়ো ধুরিলো।

গম্ উপদেজ্ 18:11

তাগোয়্যেগুনোর ধন তারার দেবাল্-ঘিজ্যে শঅর; তারার ধনানরে তারা মনে গরন্ রোক্ষ্যেগুরিয়্যে দেবাল্।

যিরমিয় 9:22

লগেপ্রভু মরে এ কধাগান কবাত্তে কলদে, “মানুচ্চুনোর মরা কিয়্যেগানি গবর ধোক্ক্যেন খুলো মাদত্ পড়ি থেবঅ; যিগুনে খেত্-খেত্তি কাবন্ তারা পিজেদি কাবিনে ফেলে রাগেয়্যে শোজ্য ধোক্ক্যেন সিগুন পড়ি থেবাক্, কনজনে তারারে ন-কুড়েবাক্।”

হোশেয় 12:9

মাত্তর্ ও ইফ্রয়িম, মুয়ই তর্ গোজেন লগেপ্রভু; মুই মিসর দেজত্তুন্ তরে নিগিলেই আন্যং। তর্ ঠিগ্ গোজ্যে পরব সময়ো ধোক্ক্যেন গুরি মুই আরঅ তরে তাম্বুলোত্ বজত্তি গোরেম।

মথি লেখ্যে গম্ হবর্ 16:26

যুনি তুই পুরো পিত্‌থিমীগান পেইনেয়ো সিয়েনর বদলে আজল্ জিংকানিগান্ আরাস্ সালে সিয়েনর্ কি লাভ্ অলঅ? নিশ্চই নয়! সালে কেধোক্ক্যেন গুরি এক্কো মান্‌জ্যে তা জিংকানিগান ফিরি পেবঅ?

মথি লেখ্যে গম্ হবর্ 20:28

ইদোত্ রাগেয়ো, মান্‌জ্যপুয়োবো সেবা পেবাত্তে ন-এজে বরং সেবা গুরিবাত্তে এচ্চ্যে আর ভালোক্কুন্ মান্‌জ্যর্ উদ্ধোরর্ দাম্ ইজেবে তারা পরাণানির্ বদলে নিজো পরাণান্ দিবাত্তে এচ্চ্যে।”

মথি লেখ্যে গম্ হবর্ 25:9

সেক্কে সেই বুদ্ধিবলা মিলেগুনে জোবত্ কলাক্, না, তেল্ যিয়েন্ আঘে সিয়েন্দোই অয়ত আমার্ আর তমার্ ন-কুলেব। তুমি বরং দোগান ইধু যেইনে নিজোত্তে তেল্ কিনি নেযঅ।

মার্ক 8:37

সালে কেধোক্ক্যেন গুরি এক্কো মান্‌জ্যে তা জিংকানিগান ফিরি পেবঅ?

১ তীমথিয় 2:6

তে বেক্‌ মানুচ্চুনোর উদ্ধোরর্ দাম ইজেবে নিজোর জিংকানিগান দিয়্যে। গোজেনর্ ঠিগ গোজ্জ্যে সময়োত্ সে পৌইদ্যেনে সাক্ষ্য দিয়্যে ওইয়্যে,

১ পিতর 1:18

তুমি কোই পারঅ, জিংকানির্ পধত্ চলিবাত্যে তমা পূরোণি মানুচ্চুনোত্তুন্ পেইয়্যে বাজে খাচ্চ্যদত্তুন্ সনা বা রূবো ধোক্ক্যেন ক্ষয় ওই যেইয়্যে কনঅ জিনিস্‌চোই তমারে উদ্ধোর গরা ন-অয়;