গীতসংহিতা 49:10 - Chakma Bible

¹⁰ জ্ঞানি মান্‌জ্যেয়ো যে মুরি যায় সিয়েন বেক্কুনে হবর্ পান; যিগুনোর বিবেচনা নেই আর যিগুনোর মনানি বাজে ধরনর্ তারা একইভাবে ভস্ত অন; তারার ধনানি তারা অন্যগুনোত্তে থোই যান।

গীতসংহিতা 49:10 ပူးပေါင်းရင်းမြစ်များ

গীতসংহিতা 17:14

ও লগেপ্রভু, সেই মানুচ্চুনোর্ আঢত্তুন, দুনিয়ে মানুচ্চুনো আঢত্তুন, তুই নিজো আঢে মঅ পরানান্ বাঁজা। তারার এ বক্‌শিষ্‌ছানি এ জগদত্ আঘে- তর্ ধন-সোম্বোত্তিগানিলোই তারার পেট ভরে, তারার্ পুয়ো-ছাগুন সয়-সাগোজ্যে অন্, পুয়ো-ছাগুনোত্তে তারা তারার্ ধন-সোম্বোত্তিগানি থোই যান্।

গীতসংহিতা 39:6

মানুচ্ এজন্দে ছাবা ধোক্ক্যেন্, যান্দেয়ো ছাবা ধোক্ক্যেন; তে মিজে মিজে কিজিক্ কাজাক্ গরে; তে ধন-সোম্বোত্তি তুবোয় মাত্তর্ কন্না সিয়েন ভোগ গুরিবো হবর্ ন-পায়।

গীতসংহিতা 49:17

কিয়া তে মুরিবার কাদাল্যে কিচ্চু সমারে ন-নেযেব, তা ধন-সোম্বোত্তিগানি তা সমারে মরণর জাগাত্ ন-নেযেব।

গীতসংহিতা 73:22

সেক্কেনে মুই বাজে আর অবুঝুনোর্ ওইয়োং আর তইদু বুদ্ধিনেইয়্যে য়েমান ধোক্ক্যেন ওইয়োং।

গীতসংহিতা 89:49

ও প্রভু, কুদু তর্ সেই পুরোণী অমকদ কোচ্‌পানাগান? তর্ বিশ্বেজত্তে সেই কোচ্‌পানার শমক্তান্ তুই দায়ূদো ইদু গোজ্যস্।

গীতসংহিতা 94:8

বাজে মনর্ মানুচ্চুন, তুমি কান পাদঅ; ও চিদে নেইয়্যে মানুচ্চুন, কমলে তমার গম্ বুদ্ধি অবঅ?

গম্ উপদেজ্ 11:4

যেদিন্যে গোজেন রাগ্‌কান লামি এবঅ সেদিন্যে ধন কনঅ কামত্ ন-লাগিবো, মাত্তর্ গোজেন উগুরে ভোক্তিগানে মরণত্তুণ্ রোক্ক্যে গুরিবো।

গম্ উপদেজ্ 12:1

যে মানুচ্চো শাজন্ গমপায় তে জ্ঞান গম পায়, মাত্তর্ যে মানুচ্চো সংশোধনর কধা ঘিনেই তে য়েমান ধোক্ক্যেন্।

গম্ উপদেজ্ 14:24

জ্ঞানীগুনোর্ বক্‌শিজ্ অলঅ তারার ধন, মাত্তর্ জ্ঞাননেইয়্যেগুনোর ভুলানি আরঅ ভুলোর জর্ম দে।

গম্ উপদেজ্ 30:2

ঘেচ্চেক্‌‌গুরি মুই মানুচ্ অলেয়ো মঅ বুদ্ধিগান য়েমান ধোক্ক্যেন্; মান্‌‌জ্যর যে বিচের বুদ্ধিগান আঘে সিয়েন্‌অ মর্ নেই।

উপদেশক 2:26

গোজেনরে যে হুজি গরে তারে তে জ্ঞান, বুদ্ধি আর রঙ্গ-ফুত্তি দান গরে, মাত্তর্ পাপিরে তে ধন-সোম্বোত্তি তুবেবার্ আর সিয়েনি জোমেবার্ কামানি দে, যেনে তে সিয়েনি সে মানুচ্চোরে দি যায় যে গোজেনরে হুজি গরে। ইয়েন্অ বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

যিরমিয় 10:8

তারা বেক্কুনে জ্ঞাননেইয়্যে আর ভুল্। তারার মূত্তিগুন দঅ তক্তালোই বানেয়্যে, সিগুনে কেধোক্ক্যেন গুরি শিক্ষ্যে দিবাক্?

যিরমিয় 17:11

“অন্য বদাত্ উম্ দিইনে চঅ পেইয়্যে তিতি পেগো ধোক্ক্যেন সেই মানুচ্চো, যে ভান্ন্যেই গুরিনে ধন লাভ গরে। তা বয়জর্ সংমোধ্যে সময়ানত্ সেই ধনানিয়ে তারে ছাড়িনে যেবগোই, আর যেরেদি তে বেদমা বিলিনে ফগদাং অবঅ।”

লূকে লেখ্যে গম্ হবর্ 12:20

মাত্তর্ গোজেনে তারে কলঅ, ‘ও ভুলো, এইচ্চ্যে রেদোত্ তত্তুন্ মরা পুরিবো। সালে যেদক্কানি জিনিস্ তুমি থুবেইয়ো সিয়েনি কন্না ভোগ্ গুরিবো?’ ”

ইব্রীয় 9:27

গোজেনে ঠিগ্ গুরি থোইয়্যেদে যে, পত্তি মানুচ্‌ একবার্ মুরিবো আর সে পরেদি তার্ বিচের্ অবঅ।