গীতসংহিতা 48:13 - Chakma Bible

¹³ তার চেরোকিত্তে দেবালানি খিয়েল্ রাগেয়ো, তার রাজঘরর বিল্ডিঙান ঘুরি চঅ, যেনে সে বেক্ কধাগানি তমা ঝি-পুয়োগুনো ইদু কোই যেই পার।

গীতসংহিতা 48:13 ပူးပေါင်းရင်းမြစ်များ

গীতসংহিতা 122:7

সিয়েনর চেরোকিত্তে দেবাল ভিদিরে সুগ্-শান্দি থোক্, আর সিয়েনর রাজঘর বিল্ডিঙো ভিদিরে ভালেদি থোক্।”

গীতসংহিতা 71:18

ও গোজেন, এচ্চ্যে বুড়ো ওইনে চুল পাগিলেয়ো তুই মরে ছাড়ি ন-যেচ্; আগাম্ বংশধরুনোর ইদু তর্ খেমতার কধা, আগাম্ বংশধরুনোর ইদু তর্ বলর্ কধা মরে ফগদাং গুরিবাত্তে দে।

যিশাইয় 33:20

আমার বেক্ পরব্‌পুন পালেয়্যে শঅর্ সিয়োন ইন্দি রিনি চাহ্। তঅ চোগ্‌‌কুনে দেগিবাক্ যিরূশালেমানরে, এক্কান সুগ্-শান্দিয়্যে ভরা থেবার জাগানরে, এক্কান তাম্বুলোরে যিয়েন্ সরা ন-অবঅ। তার খুদোগুন্ কনদিন্অ তুলো ন-অবঅ আর সিয়েনর কনঅ দুড়িয়ো ন-ছিনিবো।

যিশাইয় 58:12

তমা মানুচ্চুনে আগে ভস্ত ওইয়্যে জাগায়ানি আরঅ বানেবাক্ আর পুরোণি দিনো গড়াগানি উগুরে আরঅ গাড়েবাক্; তমারে কুয়ো অবঅ ভাঙা দেবাল আর বজত্তি গুরিবার জাগানর পথ্‌তানি ঠিগ্ গুরিয়্যে।‍‌

যিহিষ্কেল 21:25

ও অসিজি আর পাজি ইস্রায়েলর রাজা, তঅ দিন্নো আজিল্ ওইয়্যে, তর্ সাজার্ সময় এচ্চ্যে।

যোয়েল 1:3

এ ঘটনার্ কধানি তুমি তমার্ পুয়ো-ঝিগুনো ইধু কঅ আর তারা তারার্ পুয়ো-ঝিগুনো ইধু কোদোক্ আর সেই পুয়ো-ঝিগুনে তারার্ বংশধরুনো ইধু কোদোক্।

আমোষ 9:11

লগেপ্রভু কত্তে, “সেদিন্যে মুই দায়ূদোর পুড়ি যেইয়্যে ঘরান আরঅ তুলিম। মুই তার্ ভাঙা জাগানি তুনিম্, ভস্ত ওইয়্যে জাগানি ঠিগ্ গুরিম আর আগে যেবাবোত্যে এলঅ সেবাবোত্যে গুরি সিয়েনি বানেম্,

দ্বি’লম্বর বিররণ 11:19

তমা ঝি-পূঅগুনোরে সিয়েনি শিগেবা। ঘরত্‌ বোই থেবার অক্তত্‌, পদেন্দি আদিবার্‌ অক্তত্‌, ঘুম্‌ যেবার অক্তত্‌ আর বিচ্ছোনত্তুন্‌ উদিবার্‌ অক্তত্‌ তুমি ইয়ানি পৌইদ্যেনে কধাবাত্তা কবা।