গীতসংহিতা 47:8 - Chakma Bible

⁸ বেক্ জাদ্‌তুনো উগুরে গোজেনে রাজাগিরি গরে; তার পবিত্র সিংহাসনত্ তে বজি আঘে।

গীতসংহিতা 47:8 ပူးပေါင်းရင်းမြစ်များ

১ বংশধর 16:31

আগাজ্‌ছানে হুজি ওক্‌, পিত্‌থিমীগানে হুজি ওক্‌; নানান্‌ জাদ ইদু তারা ফগদাঙ্‌ গোত্তোক্‌, “লগেপ্রভু রাজাগিরি গরে।”

গীতসংহিতা 110:6

তে নানান্ জাদর্ বিচের গুরিনে রায় দিবো; তে পিত্‌থিমীগানরে মরা মান্‌জ্যলোই ভরেই দিবো; তে পিত্‌থিমীর বেক শত্রুগুনোর মাধাগুন গুড়ি গুরিবো।

গীতসংহিতা 48:1

আমা গোজেনর শঅরত্, তার সুদ্ধো-সাংগ মুড়োবোত্, লগেপ্রভু দাঙর্ আর বেগত্তুন বেশ্ নাঙ্ গিনিবার।

গীতসংহিতা 89:14

সততা আর ন্যায়বিচের উগুরে তর্ সিংহাসনান্ থিয়্যেই আঘে; কোচ্‌পানা আর বিশ্বেজ্‌ছান তর্ আগেন্দি যায়।

গীতসংহিতা 9:4

কিয়া তুই মঅ বিচের্ গুরিনে মঅ পক্ষেদি রায় দুয়োচ্; তর্ সিংহাসনত্ বোইনে তুই ন্যায়বিচের্ গোজ্যস্।

গীতসংহিতা 93:1

লগেপ্রভু রাজা; তে জোল্‌জোল্যে রাজ্‌পোজাক উজ্যে, তে বল্লোই কমর্‌বো বান্যে; পিত্‌থিমীগান দরমরগুরি থিদেবর্ ওইয়্যে; সিয়েন কনদিন্‌অ ন-লুড়িবো।

গীতসংহিতা 94:20

বজং শাজন্‌গুরিয়্যেগুনে বজং কামত্যে সুদোম বানান্; তঅ সমারে তারার কি কনঅ উদোলোলি থেই পারে?

গীতসংহিতা 96:10

নানান্ জাদর ইদু ফগদাং গরঅ, “লগেপ্রভুই রাজা। পিত্‌থিমীগান দরমরগুরি থিদেবর্ অলঅ, সিয়েন কনদিন্‌অ ন-লুড়িবো; তে গমেডালে বেক জাদ্‌তুনোরে শাজন্ গুরিবো।”

গীতসংহিতা 97:1

লগেপ্রভুই রাজা, পিত্‌থিমীগানে ফুত্তি গোরোক্, দূরোর গূণি ন-পুরেইয়্যে থল্ মুড়োগুনে হুজি ওক্।

গীতসংহিতা 99:1

লগেপ্রভুই রাজা; বেক জাদ্‌তুনে গির্‌গিরে উদোদোক্। তে স্বর্গদূত্‌তুনো উগুরে সিংহাসনত্ বুজি আঘে; পিত্‌থিমীগান টলমল গোরোক্।

গীতসংহিতা 99:2

সিয়োনত্ বজত্তিগুরিয়্যে লগেপ্রভু দাঙর্; বেক জাদ্‌তুনে তা তলে।

সখরিয় 14:9

লগেপ্রভুই অবঅ গোদা পিত্‌থিমীগানর্ রাজা। সেদিন্যে মান্‌জ্যে লগেপ্রভুরে এক্কো বানা গোজেন বিলিনে স্বিগের্ গুরিবাক। বানা তা নাঙে উবোসনা গুরিবাক্।

মালাখি 1:14

যিবের্ য়েমান পাল ভিদিরে যগাজ্যে মরদ য়েমান্ আগন্ আর তে সিবে দিবাত্তে মানত্ গোজ্যে মাত্তর্ সে পরেদি এক্কো থুদো য়েমান্ লগেপ্রভুর নাঙে উৎসর্ব গোজ্যে, তে দঅ দগাবাঁজি। তা উগুরে অভিশাব্ পোড়োক্। মুয়ই দাঙর্ রাজা আর বেক্ জাদ্‌‌‌‌তুনে মরে দরান্। মুই বেগত্তুন্ খেমতাবলা লগেপ্রভু এ কধাগান কঙর্।”

ইব্রীয় 4:16

সেনত্যে এজঅ, আমি সাহচ্‌ গুরিনে গোজেনর্ দোয়্যের্ সিংহাসন মুজুঙোত্ উজেই যেই, যেন দরকার মজিম সিয়েনত্তুন্ আমি তার্ মেয়্যে আর দোয়্যে পেই পারিই।

ফগদাং পেইয়্যে 19:6

সে পরেদি মুই ভালোক্কুন্ মান্‌জ্যর্ ঝাগঅ রঅ, জোরে বেঈ যেইয়্যে গঙার পানি রঅ আর জোরে দেবা পেরাগ রঅ ধোক্ক্যেন গুরি কোইয়্যে এ কধাগান শুনিলুং, “হাল্লেলূয়া! আমার বেগত্তুন্ খেমতাবলা প্রভু গোজেনে রাজাগিরি গরানা আরাম্ভ গোজ্জ্যে।

ফগদাং পেইয়্যে 20:11

সিয়েন পরেদি মুই এক্কান দাঙর্ ধুব্ সিংহাসন আর সিয়েন উগুরে একজনরে বৈ থাগদে দেগিলুং। তা মুজুঙোত্তুন্ পিত্‌থিমীগান আর আগাজ্‌চান ধেই গেলঅ, তারার্ জাগায়ান আর কনমিক্ক্যে ন-থেলঅ।