গীতসংহিতা 47:2 - Chakma Bible

² দাঙর লগেপ্রভু ভোক্তিবলা দর্‌বুগ্ লাগায়; পুরো পিত্‌থিমীগান উগুরে তেয়ই দাঙর্ রাজা।

গীতসংহিতা 47:2 ပူးပေါင်းရင်းမြစ်များ

নহিমিয় 1:5

সে পরেন্দি মুই কলুং, ও স্বর্গর গোজেন লগেপ্রভু, দর্‌ বুগুদ্‌ লাগেয়্যে দাঙর্‌ গোজেন, যিগুনে তরে কোচ্‌পান আর তঅ উগুম্‌ পালান্‌ তুই তারাত্তেই থুম্‌ ন-ওইয়্যে কোচ্‌পানার্‌ বেবস্থা রোক্ষ্যে গুরি থাচ্‌।

গীতসংহিতা 145:6

মান্‌জ্যে তর্ দর্‌গরেপারা আমক্ অবার কামানির খেমতার কধানি কবাক্, আর মুই তর্ গম্ গম্ কধানি ফগদাং গুরিম।

গীতসংহিতা 47:7

গোজেনে গোদা দুনিয়েগানর রাজা; তার নাঙে এক্কো এক বাবোত্যে নাঙ্ গিনেদে-গান গরঅ।

গীতসংহিতা 65:5

ও আমার উদ্ধোর্ গুরিয়্যে গোজেন, তর্ ন্যায্য ভোক্তিবলা দর্‌বুক লাগাইদ্যে কাম্বোই তুই আমা ডাগনিলোই শমক্ দিবে। পিত্‌থিমীর বেক্ মানুচ্চুন, এমন কি, বেগত্তুন দূরোত্ আর দূরো গাঙ পাড়র মানুচ্চুনেয়ো তঅ উগুরে বিশ্বেজ্ গরন।

গীতসংহিতা 68:35

ও গোজেন, তর্ পবিত্র জাগানত্ তুই থেলে ভোক্তিবলা দর্‌বুক্ লাগে। ইস্রায়েলর গোজেন তা মানুচ্চুনোর বল্ আর খেমতা দে। গোজেনর বাঈনী ওক্!

গীতসংহিতা 76:12

শাজন্‌গুরিয়্যেগুনোর সাহস্‌ছানি তেয়ই দোঙেই দে; পিত্‌থিমীর রাজাগুনে তারে দরান্।

গীতসংহিতা 95:3

লগেপ্রভুই দাঙর্ গোজেন; বেক দেব-দেবেদাগুনো উগুরে তেয়ই দাঙর্ রাজা।

গীতসংহিতা 99:3

সে জাদ্‌তুনে তার বাঈনী গোরোদোক্; তে দাঙর্ আর ভোক্তিবলা দর্‌বুক লাগেয়্যে গোজেন; তে পবিত্র।

মালাখি 1:14

যিবের্ য়েমান পাল ভিদিরে যগাজ্যে মরদ য়েমান্ আগন্ আর তে সিবে দিবাত্তে মানত্ গোজ্যে মাত্তর্ সে পরেদি এক্কো থুদো য়েমান্ লগেপ্রভুর নাঙে উৎসর্ব গোজ্যে, তে দঅ দগাবাঁজি। তা উগুরে অভিশাব্ পোড়োক্। মুয়ই দাঙর্ রাজা আর বেক্ জাদ্‌‌‌‌তুনে মরে দরান্। মুই বেগত্তুন্ খেমতাবলা লগেপ্রভু এ কধাগান কঙর্।”

মথি লেখ্যে গম্ হবর্ 28:18

সেক্কে যীশু কায়কুরে এইনে তারারে এ কধাগান্ কলঅ, “স্বর্গর্ আর পিত্‌থিমীর বেক্ খেমতাগান্ মরে দিয়্যে ওইয়্যে।

দ্বি’লম্বর বিররণ 28:58

এ বোইবোত্‌ যেদক্কানি রীদি-সুুদোম লেগা আঘে সিয়েনি যুনি তুমি গমেডালে মানি ন-চলঅ, অত্তাৎ তমার গোজেন লগেপ্রভু বিলিনে ইয়েন যে বাঈনী ‍গুরিবার আর দর্‌ জাগেয়্যে নাঙান্‌ রোইয়্যে যুনি তুমি সে নাঙানরে সর্মান ন-গরঅ,

দ্বি’লম্বর বিররণ 7:21

তুমি তারারে ন-দোরেয়ো, কিত্যে তমা গোজেন লগেপ্রভু যিবে তমা ভিদিরে আঘে, তে দাঙর্‌ আর ভোক্তিলোই ভোজ্যে দর্‌ জাগেয়্যে গোজেন।