গীতসংহিতা 46:9 - Chakma Bible

⁹ তে পিত্‌থিমীর বেক্ যুদ্ধোগানি বন্ধ গরে, তে ধনুগানি ভাঙে, তে সেলুন্ কট্টা কট্টা গরে, তে রথ্‌তানি আগুনোত্ পুড়ে।

গীতসংহিতা 46:9 ပူးပေါင်းရင်းမြစ်များ

যিশাইয় 2:4

তে জাদ্‌তুুনো ভিদিরে বিচের্ গুরি দিবো; ভালোক্ দেজর মানুচ্চুনো ভিদিরে মিলেমিলি অবাক্। তারা তারার্ তলোয়ারানি ভাঙিনে নাঙ্গল ফাল্ বানেবাক্ আর যাদিগুন্ ভাঙিনে ঢাল ছাজিবার ছুরি বানেবাক্। এক জাদে অন্য জাদর্ বিরুদ্ধে আর লাম্বাছুরি ন-তুলিবো; তারা আর যুদ্ধো গুরিবাত্তে ন-শিগিবাক্।

মীখা 5:10

লগেপ্রভু কত্তে, “ও ইস্রায়েল, সে সময় মুই তঅ ভিদিরেত্তুন্ তঅ ঘোড়াগুনোরে শেজ্ গুরি ফেলেম আর তঅ রথ্‌তানিরে ভস্ত গুরি দিম।

যিশাইয় 60:18

কনঅ ক্ষতি গুরিবার কধা আর তমা দেজত্ শুনো ন-যেবঅ, তঅ দুযি ভিদিরে শুনো ন-যেবঅ কনঅ ভস্ত বা বিনাশ কধা। তঅ দেবাল নাঙানি অবঅ উদ্ধোর আর তর্ গেট্‌তুনোর নাঙানি অবঅ নাঙ্ গিনেনা।‌‌‌‌‌‌‍‍

যিশাইয় 11:9

মঅ পবিত্র মুড়োবোর কনঅ জাগাত্ কনজনে খেতিয়ো ন-গুরিবাক্, ভস্তয়ো ন-গুরিবাক্, কিত্তে বড়্ সাগরানে যেধোক্ক্যেন্ পানিলোই পেলেং পেলেং থায় সেধোক্ক্যেন্ লগেপ্রভুর পৌইদ্যেনে জ্ঞান্দোই পিত্‌থিমীগান পেলে পেলে অবঅ।‌‌

১ শমূয়েল 2:4

বোলী মান্‌জ্যর ধনু ভাঙি যেইয়্যে, মাত্তর্‌ যিগুনে পড়ি যেইয়োন তারা বোলী ওই উদিনে ঠিয়্যেইয়োন।

যিহোশূয় 11:9

লগেপ্রভু যিহোশূয়রে যে উগুমান দিয়্যে যিহোশূয় শত্রুগুনো উগুরে সেধোক্ক্যেন্‌ গুরিলো। তে তারার্‌ ঘোড়াগুনোর টেঙঅ‌ রক্কুন কাবি দিলো আর রথ্‌তানি পুড়ি ফেলেল।

যিহিষ্কেল 39:3

সে পরেদি মুই আঘাত গুরিনে তঅ বাঙ্ আঢত্তুন্ তঅ ধনুগান আর ডেন্ আঢত্তুন্ তর্ সেলুন্ ফেলেই দিম।

যিহোশূয় 11:6

সেক্কে লগেপ্রভু যিহোশূয়রে কলঅ‌, “তুই তারারে ন-দোরেচ্‌, কিত্যে এযেত্যে কেল্যে মুই এই সময়ো ভিদিরে ইস্রায়েলীয়গুনোর মুজুঙোত্‌ তারারে বেক্কুনোরে শেজ্‌ গুরি দিম্‌। তুই তারার্‌ ঘোড়াগুনোরে টেঙঅ রক্কুন্‌ কাবি দিবে আর রথ্‌তানি পুড়ি দিবে।”

গীতসংহিতা 66:5

তুমি এইনে গোজেনর কামানি চেই যঅ; মান্‌জ্যত্তে তে যে কামানি গোজ্যে সিয়েনি মনত্ ভোক্তিবলা দর্‌বুক্ লাগায়।

যিশাইয় 10:23

পুরো দেজ্‌চান উগুরে যে ভস্ত অনাগান ঠিগ্ গরা আঘে সেধোক্ক্যেন্ গুরি বেগত্তুন্ খেমতাবলা প্রভু লগেপ্রভু কাম গুরিবো।‌‌‌‌