গীতসংহিতা 46:2 - Chakma Bible

^2-3 যুনিয়ো পিত্‌থিমীগান গির্‌গিরে উদে, মুড়ো-মুড়িগুন সাগরর্ সংমোধ্যে যেইনে পড়ন্দোই, যুনিয়ো বা পানিগান গুজুরি উদে আর ফেনালোই ভুরি উদে আর তার তুবলানর্ ঠেলালোই মুড়ো-মুড়িগুন জাগা লড়ন্, তো আমি ন-দোরেবং।

গীতসংহিতা 46:2 ပူးပေါင်းရင်းမြစ်များ

২ শমূয়েল 22:3

মঅ গোজেনে মর্‌ অজল্ মুড়োবো, সিবে ভিদিরে মুই আশ্রয় নেযাং। তেয়ই মর্‌ ঢাল, মর্‌ রোক্ষেগুরিয়্যে শিং, মর্‌ অজল্ চিগোন্‌ ঘরান, মর্‌ থেবার্‌-জাগায়ান। অত্যেচারী মানুচ্চুনোর আঢত্তুন্‌ তুই মরে রোক্ষ্যে গর্‌।

গীতসংহিতা 142:6

মঅ কানানিগান তুই শুনিচ্, কিত্তে মুই অমকদ অনালর্ ওইয়োং; মরে যিগুনে লোড়েয়োন্ তারা আঢত্তুন্ তুই মরে বাঁজা, কিত্তে তারা আমাত্তুন্ বেজ্ খেমতাবলা।

গীতসংহিতা 18:7

সেক্কে পিত্‌‌‌থিমীগান গির্‌গিরে উদিলো আর লুরিলো, গির্‌গিরে উদিলো বেক্ মুড়োগুনোর্ গড়াগানি; তা রাগে সিগুন্ গির্‌গিরেলাক্।

গীতসংহিতা 23:4

ঘুর্‌‌গুজ্যে আন্ধারে ঢাক্যে কলগ্‌কানি পার্ ওয়া পুড়িলেয়ো মুই দজা এলে ন-দোরেম, কিত্যে তুয়ই মঅ সমারে আগচ্; তর্ মুগোর্ আর লুদিক্কুনে দযার্ দর্‌গরেদেগানি দূর্ গুরি দুয়োন।

গীতসংহিতা 27:3

সৈন্য দলুনেয়ো যুনি মরে ঘিরিনে ধরন্, তো মর্ মনত্ দর্‌বুগ্ ন-লাগিবো; যুনি মঅ বিরুদ্ধে যুদ্ধোয়ো আরম্ভ অয় তো সেক্কেনে মুই নিচিদে থেম্।

গীতসংহিতা 28:7

লগেপ্রভু মর্ বল্ আর মর্ ঢাল ধোক্ক্যেন্; মর্ মনানে তা উগুরে বিশ্বেজ্ গরে, সেনত্তে মুই এজাল্ পেইয়োং; সেনত্তে মঅ মনান্ হুজিয়ে ভুরি উঠ্যে, আর মুই গান্‌দোই তারে ভালেদি জানেম।

গীতসংহিতা 37:39

গোজেন ভক্তগুনোর্ উদ্ধোর অনাগান লগেপ্রভু ইত্তুন্ এজে; দজার্ সময়োত্ তেয়ই তারার্ আশ্রয়।

গীতসংহিতা 59:17

ও গোজেন, মর্ বলান, মুই তর্ নাঙে নাঙ্ গিনেদে গান গেম্। তুই মর্ ঘর; তুয়ই সেই গোজেন, মত্তেই যিবের অমকদ কোচ্‌পানা আঘে।

গীতসংহিতা 62:8

ও মর্ মানুচ্চুন, গোজেনে আমা আশ্রয়; তুমি নিত্য তা উগুরে নির্ভর গর, তাইদু তমার মনান্ ঢালি দুয়ো।

গীতসংহিতা 62:9

সমাজর তলেন্দি মানুচ্চুন মেঘ ধোক্ক্যেন্, আর উগুরে মানুচ্চুন বাজে বাবোত্যে; পাল্লাত্ মাবিলে তারা বেক্কুনে মিলিনে বোইয়্যেরত্তুন বেশ্ পাদল।

গীতসংহিতা 82:5

শাজন্‌গুরিয়্যেগুনোর জ্ঞান আর বিচের বুদ্ধি বিলিনে কিচ্ছু নেই, তারা আন্ধারত্ ঘুরদন্; পিত্‌থিমীর বেক তলাগান গির্‌গিরের্।

গীতসংহিতা 91:2

লগেপ্রভুর পৌইদ্যেনে মুই এ কধাগান্‌ কোম্, “তেয়ই মর্ আশ্রয় আর মর্ ঘর; তেয়ই মর্ গোজেন যিবে উগুরে মুই বিশ্বেজ্ গরং।”

যিরমিয় 14:8

ও ইস্রায়েলর আজা, দুঘো সময়োর উদ্ধোরগুরিয়্যে, কিত্তে তুই দেজ ভিদিরে অচেনা ধোক্ক্যেন, এক রেত্ থেইয়্যে বেড়ান্যে ধোক্ক্যেন ওইয়োচ্?‌‌‍

নহূম 1:7

লগেপ্রভু মংগলময়, দুঘোত্ জিরেবার জাগা। যিগুনে তাইদু আশ্রয় নেযান্ তে তারারে দেগাশুনো গরে।

মথি লেখ্যে গম্ হবর্ 21:21

জোবত্ যীশু তারারে কলঅ, “মুই তমারে ঘেচ্চেকগুরি কঙর্, তুমি সন্দেহ ন গুরিনে যুনি বিশ্বেজ্ গরঅ সালে ডোমোর্ গাজ্‌সো উগুরে মুই যিয়েন্ গোজ্যং তুমিয়ো সিয়েন্ গুরি পারিবা। বানা সিয়েন নয়, মাত্তর্ যুনি এই মুড়োবোরে কঅ, ‘উদিনে সাগরত্ যেইনে পড়্,’ সালে সিয়েন্অ অবঅ।

লূকে লেখ্যে গম্ হবর্ 21:33

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

ইব্রীয় 13:6

ইয়েনত্যে আমি সাহচ্‌ গুরিনে কোই পারিই, প্রভু মর্ এজাল্‌‌দিয়্যে, মুই ন-দোরেম; মান্‌জ্যে মরে কি গুরি পারন্?