গীতসংহিতা 45:9 - Chakma Bible

⁹ তর্ সর্মানিত মিলেগুনো ভিদিরে রাজার্ ঝিগুনে আগন, আর রাজার-বৌগুনে ওফীর দেজর সনালোই সাজিনে তর্ ডেনেন্দি আগন্।

গীতসংহিতা 45:9 ပူးပေါင်းရင်းမြစ်များ

১ রাজাবলী 10:11

ইয়েনিবাদেয়ো হীরমর যে জাহাজছানি ওফীরত্তুন্‌ সোনা আনিদো সিয়েনি ভালোক্কানি বেরস তক্তা আর মানেক্‌অ আনিদো।

১ রাজাবলী 2:19

বৎশেবা যেক্কে আদোনিয়র কধানি কবাত্তে রাজা শলোমন ইদু গেলঅ সেক্কে রাজা উদিনে তাইদু যেইনে তারে সালাম গুরিলো আর সে পরেন্দি তার সিংহাসনত্‌ বুজিলো। রাজা তা মাবোত্তে এক্কান আসন আনিনে তার ডেন্‌ ডাগেন্দি রাগেল আর তা মাবো সিয়েনত্‌ বুজিলো।

১ রাজাবলী 2:9

মাত্তর্‌ ইক্কিনে তুই তারে গম্‌ বিলিনে মনে ন-গুরিবে। তুই বুদ্ধিবলা; তা উগুরে তুই কি গুরিবে সিয়েন তুই নিজেই বুঝি পারিবে। তার বুড়ো বয়জত্‌ লো-ঝরানার মাধ্যমে তারে মরণজাগাত্‌ পাধেই দিবে।”

ইয়োব 22:24

তর্‌ সনা কট্টাগুন্‌ ধূল্যেত্‌ ফেলেই দে, আর তর্‌ ওফীরোর সোনানি গাদ পাত্তরুনো ভিদিরে ফেলেই দে,

গীতসংহিতা 45:13

রাজঘরত্ রাজার-বৌবোরে অমকদ দোল দেগিবো; তার্ পজাগত্ সনার সুদোলোই বুন্যে আঘে।

গীতসংহিতা 72:10

তর্শীশ আর দ্বিব্‌পুনোর রাজাগুনে তারে খাজানা দেদোক্; শিবা আর সবা দেজর রাজাগুনেয়ো তার পাইদ্যে বক্‌শিজ্‌ছান তারে দেদোক্।

গম্ উপদেজ্ 7:17

গন্ধরস, অগুরু আর দারচিনিলোই মঅ বিচ্ছোনান্ তুম্বাজ্ গোজ্যং।

পরমগীত 7:1

ও রাজার্ ঝিবো, জদা ভিদিরে তর্ দ্বিয়েন্ টেঙ্ চাদে কেজান্ দোল্! তর্ দ্বিবে উলুহুল চেঙারাগান্ মানেগ ধোক্ক্যেন্, সিগুন যেন কাবিল্ কালিগরর্ আঢ কাম্।

যিশাইয় 49:23

রাজাগুনে তমার্ লালন-পালনগুরিয়্যে অবাক্ আর তারার রাণীমিলেগুনে তমার্ সেবাগুরিয়্যে অবাক্। তারা মাদিত্ মাঢা নিগিরিনে তরে জু জু জানেবাক্ আর তমার টেঙর্ ধূল্যে কাজেবাক্। সেক্কে তুমি হবর্ পেবা, মুয়ই লগেপ্রভু; যিগুনে মঅ উগুরে আজা রাগান তারা ন-লাজেবাক্।”

যোহন 3:29

যা আঢত্ ঝিবোরে দিয়্যে ওইয়্যে, তেয়ই জামেবো। জামেয় সমাজ্যেবো থিয়্যেইনে জামেয়র্ কধা শুনে আর তার্ রবুয়ো শুনিনে ভারী খুজী অয়। ঠিগ্ সেবাবোত্যেগুরি মর্ খুজীগান্ এচ্চ্যে পুরেল।

ফগদাং পেইয়্যে 19:7

এজঅ, আমি মন হুজিয়ে বেশ্ গুরি ফুত্তি গুরিই আর তার্ বাঈনী গুরিই, কিয়া ভেড়া-ছবোর্ মেলা গুরিবার অক্ত ওইয়্যে আর তার্ বৌবো নিজোরে যুক্কোল্ গোজ্জ্যে।

ফগদাং পেইয়্যে 21:2

যেরেদি মুই সেই পবিত্র শঅরানরে, অত্তাৎ নুয়ো যিরূশালেমানরে স্বর্গ ভিদিরেত্তুন্ আর গোজেন ইত্তুন লামি এত্তে দেগিলুং। বৌরে যেধোক্ক্যেন গুরি তা জামেইবোত্যে সাজা অয়, এই শঅরানরেয়ো ঠিগ্ সেধোক্ক্যেন গুরি সাজা ওইয়্যে।

ফগদাং পেইয়্যে 21:24

আর বেক্‌ জাদ্‌তুনে সেই পহ্‌রত্ আঢাউদো গুরিবাক্। পিত্‌থিমীর রাজাগুনে তারার্ সয়সাগোজ্জ্যেলোই সেই শঅরত্ এবাক।

ফগদাং পেইয়্যে 21:9

যে সাতজন স্বর্গদূতো আঢত্ শেজ্ সাত্‌তান আঘাত-ভরা সাত্‌টো কদরা এলঅ তারাত্তুন্ একজনে মইধু এইনে কলঅ, “আয়, মুই তরে বৌ, অত্তাৎ ভেড়া-ছবোর্ মোগ্‌কোরে দেগাং।”