গীতসংহিতা 45:8 - Chakma Bible

⁸ গন্ধরস, অগুরু আর দারচিনির তুম্বাজে তর্ রাজপোশাকে তুম্বাজ্ ওইয়্যে; এদোর্ দাত্ বোজেইনে রাজঘরত্ তার যন্ত্রলোই যে বাজনা বাজে সিয়েনে তরে হুজি গরে।

গীতসংহিতা 45:8 ပူးပေါင်းရင်းမြစ်များ

১ রাজাবলী 22:39

আহাবর অন্য বেক্‌ কামর কধা, অত্তাৎ তে যিয়েনি গোজ্যে সে বেক্‌ কধানি, এদো দাত্তোই কাম্‌ গোজ্যে যে রাজঘরান্‌ তে বানেয়্যে সিয়েনর্‌ কধানি আর যে শঅরান্‌ তে দরমর গুরিনে তুল্যে সিয়েনর্‌ কধা “ইস্রায়েলর রাজাগুনোর্‌ বিজগ” নাঙে বোইবোত্‌ লেগা আঘে।

গীতসংহিতা 11:7

লগেপ্রভু গম্ বিলিনে ন্যায়র্ কামানি তে কোচ্‌‌পায়; যিগুনে খাটি তারা তা মুয়োন্ দেগিবাক্।

গীতসংহিতা 150:4

ঝোন্‌ঝোনি বাজেইনে নাজি নাজি তারে নাঙ্ গিনো, গিটার আর বাশী বাজেইনে তারে নাঙ্ গিনো।

গীতসংহিতা 16:11

জিংকানির পথ্‌তান্ তুই মরে জানেয়োচ্; তইদু থানা মানে পুরোপুরি হুজিয়ে থানা আর তর্ ডেনেদি রোইয়্যেদে উমরর্ সুখ।

গীতসংহিতা 45:15

হুজি আর পরব্ গত্তে গত্তে তারারে নেযা অবঅ; তারা রাজঘরত্ যেইনে সুমিবাক্।

পরমগীত 1:13

মর্ পরাণ্যে মইদু যেন তুম্বাজ রস্ রাগেবার চিগোন্ থৈল্যে যিয়েন মর্ বুগো ভিদিরে থায়।

পরমগীত 1:3

তঅ তেলানর্ তুম্বাজ্‌চানে হুজি রাগায়; ঢালি দিয়্যে তুম্বাজ তেল ধোক্ক্যেন্ তঅ নাঙান্। সেনত্তে দঅ মিলেগুনে তরে কোচ্‌পান।

পরমগীত 3:6

ধূল্যেচর-চাগালাত্তুন্ ধূমো খুদো ধোক্ক্যেন্ যে এজের্ সিবে কন্না? সে ধূমো খুদোবোত্ আগেদে বেবসায়িগুনোর নানান্ বাবোত্যে মজলা, তুম্বাজ রস্ আর তুম্বাজ আগর্‌বাট্টির্ বাজ্।

পরমগীত 4:6

যেদক্কন্ সং বেন্যে পহ্‌‌‌র ন-অয় আর আন্ধারান্ ন-যায় সেদক্কন্ মুই তুম্বাজ রস মুড়োবোত্, অয়, আগর্‌বাট্টির্ মুড়োবোত্ থেম্।

পরমগীত 5:1

মর্ পরাণি, মর্ বৌবো, মুই মঅ বাগানানত্ এচ্চ্যং; মঅ তুম্বাজ রস্‌ছান আর তুম্বাজ মজলানি মুই তুবেয়োং। মর্ মু বাহ্‌‌‌গান আর মধুগান্ মুই হেইয়োং, আংগুর-রস আর দুধ হেইয়োং। ভোগ্ গরঅ, ও সমাজ্যেগুন্, ভোগ্ গরঅ, কোচ্‌‌পানাগান্ পরিপুরি গুরি ভোগ্ গরঅ।‌‌‌

পরমগীত 5:13

তা গাল্ দ্বিয়েন যেন তুম্বাজ মজলার্ বিজিতলা, যিয়েনত্তুন্ তুম্বাজ্ নিগিলের্। তা ঠুট্‌‌তুন দ্বিবে যেন তুম্বাজ রসে ঝুরি যেইয়্যে লিলি ফুল।

পরমগীত 5:5

মর্ পরাণ্যেরে দোরান্ খুলি দিবাত্তে মুই উদিলুং, মঅ আঢ্‌তান তুম্বাজ রসে ভিজে এলঅ, মঅ আঙুলুনোর্ তুম্বাজ রসর্ গঙারে দোরানর্ হেন্ডেল্লো ভিজিলো।

আমোষ 3:15

মুই যার্‌‌‌‌‌কাল কাদেবার ঘরানি আর গরমকাল কাদেবার্ ঘরানি ভাঙি ফেলেম; এ্যদো দাদর্ কাম গোজ্যে ঘরানি বর্‌‌‌‌‌বাত গরা অবঅ আর দাঙর্ দাঙর্ ঘরানি ভস্ত গরা অবঅ। মুই লগেপ্রভু এ কধাগান কঙর্।”

যোহন 14:2

মঅ বাবঅ ঘরত্ থেবার্ বোউত্ জাগা আঘে। সিয়েন্ ন-থেলে মুই তমারে কোদুং, কিয়া মুই তমাত্যে জাগা থিক্ গুরিবাত্যে যাঙর্।

যোহন 19:39

আগেদি যিবে রেদোত্ যীশু ইধু এচ্চ্যে সেই নীকদীমেয়ো প্রায় তেত্রিশ কেজি তুম্বাজ্ তেল্ আর অগুরু মিজেইনে আনিলো।

ইব্রীয় 12:2

আর এজঅ, আমা চোগ্‌কুন যীশু উগুরে থির্ রাগেই যিবে বিশ্বেজর্ গড়াগান্ আর পূর্ণতাগান। তা মুজুঙোত্ যে হুজী অনাগান থুয়ো ওইয়্যে সিয়েনত্যে তে অসর্মানর্ ইন্দি রিনি ন-চেইনে ক্রুশীয় মরণান্ সোজ্জ্য গুরিলো আর ইক্কিনে গোজেনর্ সিংহাসন ডেন্ ধাগেদি বৈই আঘে।