গীতসংহিতা 45:1 - Chakma Bible

¹ মর্ মনান্ দোল্ চিন্তেধারালোই ভুরি উঠ্যে; রাজার নাঙে মর্ কবিতে সুর্ নিগিলি এজের্; মর্ জিলানে কাবিল লিগিয়্যের্ লেখক ধোক্ক্যেন্ ওই উঠ্যে।

গীতসংহিতা 45:1 ပူးပေါင်းရင်းမြစ်များ

২ শমূয়েল 23:2

লগেপ্রভুর আত্মাগানে মঅ ভিদিরেন্দি কধা কর্‌, মঅ মুয়োনত্‌ আঘে তা কধাগান।

ইষ্রা 7:6

ইষ্রা এলদে এক্কো ধর্ম-মাষ্টর্। ইস্রায়েলর গোজেন লগেপ্রভুর দিয়্যে মোশির রীদি-সুদোম বেপারে তার দোল্ জ্ঞান এলঅ। তার গোজেন লগেপ্রভুর আঢ্‌‌তানি তা উগুরে এলঅ বিলিনে তে যাহ্ চেদঅ রাজা তারে সিয়েনি দিদো। রাজা অর্তক্ষস্তর রাজাগিরির্ সাত বজরত্ যেক্কে ইষ্রা যিরূশালেমত্ এচ্চ্যে সেক্কে তা সমারে কিজু ইস্রায়েলীয় এচ্চ্যন্। তারা ভিদিরে এলাক্ ধর্মগুরু, লেবীয়, গানগেইয়্যে আর উবোসনা-ঘরর্ চুগিদার আর সেবাগুরিয়্যে।

ইয়োব 33:3

মঅ কধাগান খাটি মনানত্তুন্ এচ্চ্যে; মুই যিয়েন হবর্ পাং সিয়েন মঅ মুয়োনে গমেডালে কবঅ।

ইয়োব 34:4

কুবোন্ ঠিগ্, এজঅ, আমি সিয়েন বিচের্ গুরি চেই; কুবোন্ গম্ আমি সিয়েন তোগেই চেই।

গীতসংহিতা 2:6

লগেপ্রভু কবদে, “মুই যিবেরে রাজা বানেয়োং তারে মর্ সুদ্ধো-সাংগ সিয়োন মুড়োবোত্ বোজেয়োং।”

গীতসংহিতা 42:1

উরিঙে যেধোক্ক্যেন আওজ্ গুরিনে পানি নালর্ তিরেচ্ গরন, সেধোক্ক্যেন গুরিনে ও গোজেন, মর্ পরাণান্ তত্তেই আগল্-পাগল্ ওই আঘে।

গীতসংহিতা 49:3

মঅ মুয়োত্তুন জ্ঞানর কধা নিগিলি এবঅ; মঅ মনত্ গভিন্ চিন্তেগানে বুঝিবার খেমতা দিবো।

গীতসংহিতা 69:1

ও গোজেন, মরে উদ্ধোর গর্, মুই যেনে পানিত ডুবঙর্।

গীতসংহিতা 80:1

ও ইস্রায়েলর পালক, তুই আমা কধানি শুন; তুই যোষেফর বংশবোরে ভেড়া পাল ধোক্ক্যেন গুরি চালেই নেযর্। তুই করূবপুনো উগুরে আগচ্, তর্ পহ্‌রান তুই ছিদি দে।

গম্ উপদেজ্ 16:23

জ্ঞানী মান্‌‌জ্যর মনানে তা মুয়োনরে পরিচালনা গরে, সেক্কে তা শিক্ষ্যেলোই অন্যগুনোর জ্ঞান বাড়ে।

পরমগীত 1:12

রাজা যেক্কেনে তা বিচ্চোনত্ এলঅ সেক্কে মঅ তুম্বাজ্‌ছানে তুম্বাজ্ নিগিলে ধুরিলো।

যিশাইয় 5:1

মুই যিবেরে কোচ্‌পাং তা নাঙে মুই এক্কো গান গেম্, গান গেম্ তা আংগুর খেদ পৌইদ্যেনে। মুড়োবোত্ এক্কান বোল্-বোল্যে জাগাত্ এলদে মর্ পরাণ্যের্ এক্কান আংগুর খেত।

মথি লেখ্যে গম্ হবর্ 12:35

গম্ মানুচ্ তা মনত্তুন্ গম্ কধা নিগিলেই, আর বজং মানুচ্ তা মনত্তুন্ ভান্ন্যেই কধা নিগিলেই।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

মথি লেখ্যে গম্ হবর্ 27:37

তারা ক্রুশোত্ যীশুর মাঢা উগুরেদি এ দুষ্-নামাগান্ লাগেই দিলাক্, “ইবে যীশু, যিহূদীগুনোর্ রাজা।”

ইফিষীয় 5:32

ইয়েন এক্কান দাঙর্ গুমুরো সত্য-মাত্তর্ আজলে মুই খ্রীষ্ট আর তা মন্ডলীর্ কধা কঙর্।

২ পিতর 1:21

কিয়া ভাববাদীগুনে তারার্ আওজ্ মজিম কনঅ কধা ন-কন্; পবিত্র আত্মালোই পরিচালিত ওইনে তারা গোজেনর্ দিয়্যে কধানি কোইয়োন।